1 Kolinto 11:3 - Amazwi Yakwe Leza 2013

³ Lelo nkulonda kuti mumanye vino Klistu ali mutwe pa onsi yonsi, nga monsi nawe ali mutwe pa mwanaci. Lelo Leza nawe ali mutwe pali Klistu.

1 Kolinto 11:3 ပူးပေါင်းရင်းမြစ်များ

Utandiko 3:16

Alino Yawe Leza anena umwanaci ati, “Ndungilizya ucuzi wako pakusenda indilwa nu kuwaika kwa umbuza. Ulatwalilila kulondesya uwako, nga nawe alaya a kateeka wako.”

Ezaya 52:13

Yawe wavwanga wati, “Umuomvi wane alacula muli vino alaomba. Alaya umukulu nu kucindikwa wakwe cimwi.

Ezaya 55:4

Lola ninkucita kambone wa mitundu, intunguluzi na kateeka wa mitundu.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Yoane 14:28

Mwali muvwa vino nali nati, ‘Nkupita, lelo ndawela kunomuli.’ Ndi mwantemwa, mungazanga pa kuvwa vino nkuya kuli Tata. Pano Tata andusile.

1 Kolinto 3:23

nga namwe mwemwe yakwe Klistu, Klistu nawe uwakwe Leza.

Efeso 4:15

Kulanda cumi lyonsi kungalenga ukutemwa, kutemwa kulinzile kwatwazwa kukula mu misango yonsi nu kulolana na Klistu, wino ali umutwe

Kolose 1:18

Wene ali mutwe wa mwili wakwe, nga mwili kwene uu, iuvi. Wene ali ntulo ya umi wa mwili. Wene ali yeli lyakwe Leza nupya uwazyukwike kufuma ku mfwa, pakuti aliwe wenga sile akwate cifulo cankolelo pali onsi.

Kolose 2:10

nupya mwemo mwapelwa umi umalilike muli aliwe. Wene alusile mipasi nga na maka yonsi asyaloleka.

Kolose 2:19

Nupya yene yata kulemana pamwi na Klistu, wino ali mutwe wi uvi. Klistu akapeela mwili maka, nupya wene akaomvya vilundwa vyakwe pamwi ni misipa kulundanya vyonsi pamwi, nga ukula ndi vino Leza akalonda kuti ukule.

Kolose 3:18

Mwe aci mwatontela yaiya inu, pano avino mulinzile kucita wa ina Klistu.

1 Petulo 3:1

Mu musango uli onga kwene mwe anaci mulinzile kuyela yaiya inu, pakuti ndi umwi munomuli wino atataila mazwi yakwe Leza walola vicitwa vinu visuma, nawe kwene ataile. Citange cilondekwe kuti mulande izwi kunoyali,