1 Kolinto 11:24 - Amazwi Yakwe Leza 2013

²⁴ ataizya kuli Leza, aumokoola, nga avwanga ati, “Uu, uli mwili wane, uno wapelwa pamulandu winu. Mwacita cii pa kunjiusya.”

1 Kolinto 11:24 ပူးပေါင်းရင်းမြစ်များ

Masamu 111:4

Umwene asileka ukuti twailila kwene uku vizungusyo vyakwe, wene wakwatisya uluse ni nkumbu.

Masamu 22:26

Apina yalalya pano yatemilwe aeneco, na yano yakalonda Yawe nayo yalamulumbanya. Si angala yaye nu longo amanda pe!

Masamu 22:29

Antu yonsi acilumba yalamufukamila, Yonsi akafwa yalamufukamila. Yayo atangaisunga kuti yaye nu umi.

Kufuma 12:14

Uwanda uu, uwa ciusizyo. Mulinzile kuzevya pa wanda wakucindikilapo Nene ne Yawe. Mwazevya uwanda uu mu mikulo inu yonsi.”

Kufuma 28:12

Wike amawe kwene yaili yaa pa tumakwelelo twapa viye twa cakuzwala ca efodi, wa ciusizyo ca ana yakwe Izlaeli. Mu musango kwene uu Aaloni alasenda mazina yao paviye vyakwe pakuti ne Yawe, naiusya antu yane amanda pe.

Mapinda 9:5

“Izini mulye icakulya cane, mumwe na waini wino nteinye.

Lwimbo lwakwe Solomoni 1:4

Nsenda sile, tuye tuutuke, tupitisye! We mwene wane njingizya mu muputule wako, uleke swensi tuzange nu kusansamukila munuli. Twawanzya ulukundo lwako luno lwaluta waini. Acino anaci yonsi yakutemelwa.

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.

Mateo 26:13

Cumi, namunena vino, konsi kuno Ilandwe Lisuma lilakosolwa mu nsi yonsi, cii cino umwanaci wii wacita cilalandwa kuti antu yamwiusya.”

1 Kolinto 11:23

Pano usambilizyo uno namupiile naupokelile kufuma ku Mwene, uwakuti Mwene Yesu, pa wanda uno yamukoofile usiku, watozile mukate,

1 Kolinto 11:25

Mu musango uli onga kwene, pacisila ca kulya cimulo atoola ulwako nga avwanga ati, “Lwako luu ulwa upangano upya uno Leza watamapo insimbi nu wazi wane. Lyonsi lino mukumwa mwacita cii pa kunjiusya.”

Yoswa 4:7

lyene muce muyanene ukuti amanzi amu Luzi lwa Yodani yatile ukupita lino Mbokosi ya Upangano yakwe Yawe yalamvile. Amawe ya yamayanga iciusizyo cakwe cii ku ina Izlaeli amanda pe.”