1 Kolinto 11:19 - Amazwi Yakwe Leza 2013

¹⁹ Tutangazunguka ukuti kupaatukana kulinzile kuye munomuli pakuti yao akucita vya wololoke yangaloleka paswe.

1 Kolinto 11:19 ပူးပေါင်းရင်းမြစ်များ

Mateo 18:7

Kalanda ku antu mu nsi pamulandu wa vintu vino vikalenga antu ukwifya. Pano ukwifya kumayangako lyonsi, lelo kalanda ku muntu wino akulenga kuti antu yaifya.

Luka 17:1

Yesu anena alondezi yakwe ati, “Ivintu vikalenga antu kuponela mu maifyo vilinzile kucitika, lelo kalanda ku muntu wino akulenga kuti vicitike.

Luka 2:35

Caleka alasokolola amelenganyo yao ankama. Alino ulanda uno ukoline wa lupanga lukali, ulakucisa mu mwenzo.”

Milimo 15:5

Lelo ataile yamwi ali mu kaungwe ka Afaliseo, iimilila yavwanga yati, “Akulukuwa yalinzile kusilamulwa nu kunenwa kuti yayela Masunde yakwe Mose.”

Milimo 20:30

Insita iliza lino antu yamwi kufuma umwi umba linu yalatumpoka nu kupuulula ataile.

Milimo 24:14

Lelo nkuzumila cii pa manso inu, ukuti nkapepa Leza wa vikolwe vitu pa kulondela inzila ilya ino yakati iyaufi. Lelo nataila na muli vyonsi ivyalembwa mu Masunde yakwe Mose, nu mu mpapulo zyakwe yakasema.

Milimo 24:5

Twazana ukuti umuntu wii umutalinkane cuze. Akatandika kucita mpanzela mu Ayuda amu nsi yonsi nupya wene intunguluzi ya kaungwe ka ina Nazaleti.

Milimo 26:5

Yene lyonsi yamanya, ndi yakasi kupeela umboni, kufuma ku kutandika mu umi wane onsi nikala wa Mufaliseo inkonko.

Milimo 28:22

Lelo tungatemwa ukuvwa kunuli pali vino ukwelenganya, pano twamanya ukuti konsi antu yakavwangila kaungwe kano wayamo ui.”

Milimo 5:17

Lyene Simapepo Mukulu na yano wali nao nga na yao amwi umba lya Asaduki yaya nu uzuwa cuze pa atumwa. Caleka yelenganya kucitapo cimwi.

1 Kolinto 11:20

Lino mukakongana pamwi wi umba, asi Cimulo ca Mwene cino mukalya.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

Galatiya 5:20

mu kupepa tuluwi nu mu ulozi. Antu yakaya anisi nga nu kulwa. Yene yakazuwilana nu kusokana, nu kupaatukana.

Malango 13:3

mutakezye ukusumbako amano kunoli. Yawe Leza winu akuomvya kasema wiyo kuti aezye mwemwe, pakuti alole ndi cakuti mwamutemwa ni myenzo inu yonsi nga nu umi winu onsi.

Tito 3:10

Muntu wino akapaatukanya auze ndi wamusoka nanti lili, lelo atuvwile, mumukane.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.