1 Kolinto 10:32 - Amazwi Yakwe Leza 2013

³² Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 10:32 ပူးပေါင်းရင်းမြစ်များ

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

Loma 14:13

Caleka lyene tute kupingulana. Lelo mu cifulo cakwe cii, tulinzile kuntacita cingalenga munyonko aponele mu kwifya.

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

1 Kolinto 11:22

Uzye mutakwata ku mwinu ku mang'anda kuno mungalya nu kumwa? Nanti uzye mukusula iuvi lyakwe Leza nu kucita antu aulizya insonyi? Uzye cani cino mwemo mukupaalila kuti munene pamulandu wakwe cii? Uzye namamutasya? Awe, ntange mutasye!

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

1 Kolinto 7:17

Cila muntu alinzile kutwalilila kwikala muno Mwene wamusungila na muno Leza wamwamile. Lii, lili lamulo lino nkasambilizya mu mauvi yonsi.

1 Kolinto 8:13

Caleka, ndi cakulya cii cingalenga mwinane kupumika ale lyene ntalatala ndye inyama nupya, pakuti ntalenga mwinane apone.

2 Kolinto 1:1

Kalata kufuma kuli Paulo, mutumwa wakwe Klistu Yesu kupitila mu kulonda kwakwe Leza, pamwi na Timoti mwina witu. Kwi uvi lyakwe Leza lino lili mu Kolinto, nga nu ku antu yakwe Leza yonsi ali mu mpanga yonsi yamu Akaya.

2 Kolinto 6:3

Swemo tusyakulonda umwi azane kuluvyanya mu mulimo witu, acino tukwezya na maka kuntaleta intazi.

Galatiya 1:13

Mwamanya vino nikalanga wa Muyuda mu upefi wa Ciyuda, na vino nazunyizye iuvi lyakwe Leza kwaula luse nga nu kuombesya cuze kuti ndyonone.

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Filipi 3:6

Nali nu muzonda cakuti nazunyanga iuvi. Nacitanga vyonsi vyawololoke vino Masunde yalanda, mu kucita vivyo ntatazile mfume mwanzila.

1 Tesalonika 2:14

Mwe ina itu, ivintu ivyamucitikile, ivili vimwi ni vyacitikile amu mauvi yakwe Leza mu Yudeya, azumila Klistu Yesu. Mwemo mwacuzile pamulandu wa kuzunyiwa na akazi kinu ndi vino Ayuda yayazunyizye.

1 Timoti 3:15

Lelo ndi cakuti ningacelwa kwiza, ale mazwi amuli kalata wii yalakumanyisya vino micitile itu mwi uvi ilinzile kuya. Antu amu ng'anda yakwe Leza lili uvi lyakwe Leza wa umi kwene, nupya yene yakoline wa lupanda mu kutungilila iuvi.

1 Timoti 3:5

Ndi cakuti wene atamanyile vya kusunga amu ng'anda yakwe ningo, uzye lyene angasunga uli iuvi lyakwe Leza?

Luti 3:14

Caleka alambalala lwaku ngazo zyakwe mpaka ukufika akatondo, lelo azyuka nu kukatuka zuwa lino kutacili kuswepe. Alino Boazi amunena ati, “Utaleka umwi amanye ukuti we mwanaci wizile ulala kuno ku lwano lwa kupuulila.”