1 Kolinto 10:22 - Amazwi Yakwe Leza 2013

²² Nanti uzye tukulonda kuleka Mwene aye nu uzuwa? Swemo tutaluta Mwene maka.

1 Kolinto 10:22 ပူးပေါင်းရင်းမြစ်များ

1 Yamwene 14:22

Mu manda kwene yalya antu amu Yuda yacisile iviipe pa manso yakwe Yawe. Apa kwifya kuno yifizye ukuluta vino ivikolwe vyao vyacisile, yene yalenzile Yawe ukuvwa uzuwa.

Yobo 9:4

Icumi Leza uwamano, nga na maka yakwe nayo akalamba. Antu yayo amutalamila, ala yailetelela sile.

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kufuma 34:14

“Mutapepa leza muze ali wensi, pano Yawe wino izina lyakwe a cauzuwa, a Leza wa uzuwa mucumi.

Kasambilizya 6:10

Icintu consi icayapo cinikwe izina mpiti, nupya swensi twamanya ukuti utange upazyanye nu muntu wino akulusile amaka.

Ezaya 45:9

Kalanda kuli wiyo akulemanila na Kaumba wakwe, kuli wiyo akoline wa nyungu pakasi ka nyungu zyuze. Uzye ivu linganena nakamata liti, “Uzye ukumata cani?” Nanti limunene liti, “We nakamata, utakweti umanyililo!”

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Yelemiya 7:19

Uzye kwene umucumi anene yasosyanga umwenzo? Uzye yasiisosya imyenzo nu kuizewanya sile aisikulu?”

Ezekelo 22:14

Lino ndakupezya uzye wemo ukuti ulayumilizya nanti kuzyansya? Ne Yawe natindanda, nu kucita ndacicita.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Malango 32:16

Ukupepa kwao ukwa tuluwi ukwalesile ukuti Yawe asuke akwate uzuwa. Ni vicitwa vyao ivyankota vyalenzile kuti asoke.

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

Malango 4:24

pamulandu wakuti Yawe Leza winu akoline wa cimbilimbili ca moto. Wene asizumilizya kupepa tuleza tuze.

Malango 6:15

Ndi cakuti mwapepa tuleza tuze, ukali wakwe Yawe ulamukatukila umonone pyu, pamulandu wakuti Yawe Leza winu, wino ali pakasi kinu a Leza wino asilonda uwakucimvyanya nawe.

Ayebulai 10:31

Kufumbatwa mu makasa yakwe Leza wa umi cintu cimwi ca koofya cuze.

Yoswa 24:19

Yoswa avwanga ku antu ati, “Mungaposiwa kutumikila Yawe, pano wene a Leza uwamuzilo. Wene a Leza asilonda wakucimvyanya nawe. Wene atalamwelela pali ucisanguka winu na pa maifyo inu.