1 Kolinto 10:19 - Amazwi Yakwe Leza 2013

¹⁹ Uzye nkulanda ukuti tuluwi nanti vyakulya vino vikapelwa impolelwa vikweti muzano umwi?

1 Kolinto 10:19 ပူးပေါင်းရင်းမြစ်များ

Ezaya 40:17

Imitundu yonsi ya antu, Yawe akailola kwati iyasilesile, kwati itaya na penepo.

Ezaya 41:29

Endi, tuleza tuluwi tonsi utuwelewele. Twene tutangetucitepo icintu nanti cimwi. Ivinkolanya vyonsi vii, ivikacita antu ivya uwelewele. Vyene ivinyukuntike, na maka yakucita cimwi, yavilye.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

1 Kolinto 1:28

Wene wasolwile cico cino antu amu nsi yatazyela nu kusuula, nga nu kwelenganya ukuti icasilesile pakuti aonone cico cino antu amu nsi yakaelenganya vino icampomvu.

1 Kolinto 10:14

Acino mwe yacuza akundwe, leukini ku kupepa tuluwi.

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

1 Kolinto 3:7

Muntu wino akata imbezu nanti wiyo akakontelela, oili yasi cimwi. Cikalamba u kusakamala kwakwe Leza, wino akalenga kuti vimelwa vikule.

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.