1 Kolinto 10:11 - Amazwi Yakwe Leza 2013

¹¹ Vintu vii vyonsi vyacitikile vikolwe vitu kuti ciye ukusokwa, nupya vyalemvilwe kuti viye vyakutusambilizya swe muno tukulolela mpelelekezyo yakwe vyonsi.

1 Kolinto 10:11 ပူးပေါင်းရင်းမြစ်များ

Utandiko 19:35

Caleka mu wanda kwene ulya yapeela isi waini akoleka, nu muto nawe alala ni isi. Nupya kwene isi atamanyile ni cacitike.

Masamu 102:18

Ivintu vii kavilembwe, apakuti inkulo zyonsi izilalondelela penepo zice zyamanya vino Leza wacisile, ali pakuti ana kuvyalwa nayo yace yamulumbanyako.

Ezekelo 5:15

“Lino nemo ndasoka nu kukufokela ukali ukali apakukufulula, antu amitundu yakuzinguluka yalalemwa ni ntete. Lino yalakulola, yalakusaalula nu kukuwela. Ivyalanda ne Yawe.

Mateo 13:39

Mwanisi wino watile kalolo akwimilila Ciwa. Uzombozi ukwimilila wanda wampelelekezyo ya nsi. Yakasinza nayo yakwimilila angeli.

Mateo 13:40

Caleka vino antu yakaipa yakolonganika kalolo nu kumoca mu moto, mu musango uli onga kwene avino cilaya pa wanda wampelelekezyo ya nsi ino.

Loma 13:11

Mulinzile kucita cii, pano mwati mumanya vino kasita kati kafika kakuti muzyuke mu tulo. Pano uwanda lino tulatuulwa wati upalama kuluta lino twatandike kutaila.

Loma 13:12

Usiku uli pipi nu kusila, nu wanda uli pipi nu kuca. Caleka tute kucita milimo yamu mfinzi, tuzwale vya kulwila mu luswepo.

Loma 15:4

Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.

Loma 4:23

Mazwi akuti, “Amuzumila kuya mololoke” yatalemvilwe pali aliwe wenga sile.

1 Kolinto 10:6

Lyene vii vyonsi ivilangililo kunotuli, vya kutusoka kuti tutalonda vintu viipe, ndi vino yene yacisile,

1 Kolinto 7:29

Cino nkusenula inane, icakuti, insita yaticepesya nga kufuma ndakai kwene atwala yalinzile kwikala kwati yatatwala.

1 Kolinto 9:10

Uzye wene lino wavwanzile cii atavwanzile pamulandu witu? Cii calemvilwe mu malembelo pamulandu witu, pakuti wino akalima na wino akazombola yonsi kwene yaombe mukupaalila kwankana vilimwa kufuma mu uzombozi.

Galatiya 4:24

Vii vyonsi vikweti cino vikusenula. Cila wenga uwamu anaci yaa yaili, akwimilila upangano. Haga akwikilila upangano uwacisilwe pa Mwamba wa Sinai. Ana yakwe azya

Filipi 4:5

Mwalanga kuteka mwenzo ku antu onsi. Mwene akwiza zuwa.

Ayebulai 10:25

Tutata kukongana pamwi kulingana nu mwata witu, ndi vino yamwi yakucita. Lelo lekini twakomelezyanya nu kuluta, pano mwati mulola ukuti Wanda wa Mwene ukupalama pipi.

Ayebulai 10:37

Pano, cili ndi vino calembwa mu malembelo cati, “Kwasyala kasita kanono sile, na wino akwiza wasya aiize, wene atalalengela.

1 Yoane 2:18

Mwe ana yane impela ili pipi! Mwanenyilwe ukuti mwanisi wakwe Klistu aliza. Ndakai anisi aingi yakwe Klistu yaloleka mpiti. Acino twati tumanya vino impela ili pipi.