1 Kolinto 1:7 - Amazwi Yakwe Leza 2013

⁷ cakuti kusi uwila nanti onga uwa mupasi uno mulilwa, lino mucili mukulolela Mwene witu Yesu Klistu kuti asokololwe.

1 Kolinto 1:7 ပူးပေါင်းရင်းမြစ်များ

Utandiko 49:18

“We Yawe, nkalolela ufyusi wako.

Mateo 25:1

“Yesu ayanena mulumbe uu ati, Uwene wa mwiyulu ukoline ni cacitike usiku wanda umwi, lino akazyana ikumi, yatozile inyali zyao zizi ku winga ku kukomanya siwinga.

Luka 12:36

Nupya mukolane wa yaomvi akalolela mwene wao kuwela kufuma ku cimulo ca winga, pakuti yangamuyulila mulyango lilyo kwene lino wafika nu kukonkonsya.

Luka 17:30

Avino cilaya pa wanda uno Mwana wa Muntu alaloleka

Loma 8:19

Pano uumbo onsi ukalolela kasita kano Leza alasokolola ana yakwe.

Loma 8:23

Lelo usi uumbo utupu ukateta. Naswe kwene swe muno twapokelela uwila wa Mupasi Wamuzilo uno Leza watalike ukutupela uwa pa mawila yakwe, tukateta cimyamya, ala tukulolela Leza ukutucita ana yakwe nu kukulula mili itu.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

2 Kolinto 12:13

Uzye cani cino nacitile mauvi yauze cino ntacitile mwemwe. Cii, cikusenula vino nemo ntali wa cisendo kuno muli. Acino nkumupapata munjelele pa kuluvyanya kuno muli.

Galatiya 5:5

Lelo swemo, upaalilo witu uwakuti Leza alatucita kuya aololoke pa manso yakwe. Na cii, acino tukulolela nu kusininkizya mukuomba kwakwe Mupasi Wamuzilo mu utailo witu.

Filipi 3:20

Lelo sweswe ikazi ya mwiyulu nupya tukulolela Katuula witu Mwene Yesu Klistu.

Kolose 3:4

Umi winu uwa cumi a Klistu nga lino alaloleka, lyene namwe kwene mulaloleka pamwi nawe nu ku kumako kululumbi lwakwe!

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

1 Petulo 1:13

Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

2 Petulo 3:12

lino mucili lolela Wanda wa Mwene. Acino citini consi cino mungacita kuti wanda uwo wize zuwa. Lilyo alino mayulu yalononwa nu moto, nga ni vyaya mwenemo vilasunguluka nu moto.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

Yuda 1:21

Ikalini mu kutemwa kwakwe Leza. Lolelini Mwene witu Yesu Klistu, nawe alaya na mizu kunomuli nu kumupeela umi wape.