1 Kolinto 1:20 - Amazwi Yakwe Leza 2013

²⁰ Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!

1 Kolinto 1:20 ပူးပေါင်းရင်းမြစ်များ

2 Samueli 15:31

Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”

2 Samueli 16:23

Mu manda yalya umpandamano uno Aitofeli wapeelanga wali ungati amazwi akufuma kuli Leza umwisikulu. Davidi na Abusalomu yoili kwene avino yaulolanga.

2 Samueli 17:14

Alino Abusalomu na ina Izlaeli yonsi yavwanga yati, “Umpandamano wakwe Husyai umwina Aliki wazipa ukuluta wakwe Aitofeli.” Pasi pano Yawe akweti ipange lya kuvulunganya umpandamano wakwe Aitofeli kuti alete uzanzo pali Abusalomu.

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

Yobo 12:17

Aliwe akavulunganya na mano ya ntunguluzi zya antu nu kulenga yakapingula yao amano yayapele.

Yobo 12:20

Aliwe akazimya amazwi ya vilolo vyakwe ivyampomvu. Aliwe akalenga nu kutailwa kwa akoloci kusile.

Yobo 12:24

Aliwe akavulunganya amano ya ntunguluzi zya antu pano nsi nu kuleka ukuti yavulunganya ivintu nu kuzeuluka.

Ezaya 33:18

Mu myenzo inu mulaelenganya pa vintu vino vyamoofyanga mpiti. Mulati, “Uzye antu yaya atusonkesyanga umusonko, yali kwi? Uzye inengu zizi zyapa mpungu zili kwi?”

Ezaya 44:25

Anene nkavulunganya usemo wakwe yakasema yaufi, nu kupelenganya amano yakwe yakasapoola. Nene nkakanya amalango ya antu yamano, nu kuyalangilila ukuti amano yao aciwelewele.

Ezaya 53:1

Antu nayo ali pakwasuka yati, “Wino angazumila ivintu vii vino tukulanda aweni? Nga wino angiluka ukuti Yawe ali wino akucita cii, aweni?

Yelemiya 10:7

Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Yoane 12:31

Ndakai, akasita ka kupingula antu amu nsi ii. Ndakai Ciwa kateeka wa nsi ii akucimviwa.

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Loma 1:20

Pano kufuma lino Leza waumvile insi maka ya u Leza wakwe nanti yatangaloleka ningo mu manso itu, lelo yakaloleka mu vintu vino wacita. Caleka antu yatange yalole pa kukanila.

Loma 1:22

Yakaitaka kuya antu yamano, lelo yene iviwelewele.

1 Kolinto 1:19

Calembwa mu malembelo cati, “Ndonona mano yakwe yao yonsi akaitaka vino yene yaya na mano nu kuvulunganya kucenjela kwa yacenjele.”

1 Kolinto 1:26

Inane, iusyini vino mwali lino Leza wamwamile. Mu milolekele ya untu, anono sile amunomuli yano angati ali yamano nanti ali yamaka nanti avilwe pi yanza licindame.

1 Kolinto 1:27

Leza, mwi pange lyakwe, wasolwile cico cino antu amu nsi yakaelenganya kuya utumpe, pakuti wene angazewanya antu yamano, nupya wene wasolwile cico cino antu amu nsi yakaelenganya kuya utonte pakuti azewanye antu yamaka.

1 Kolinto 1:28

Wene wasolwile cico cino antu amu nsi yatazyela nu kusuula, nga nu kwelenganya ukuti icasilesile pakuti aonone cico cino antu amu nsi yakaelenganya vino icampomvu.

1 Kolinto 11:32

Lelo lino tukapingulwa tukasundwa nu Mwene kuti tusambilile tutakavunukwe pamwi na antu amu nsi.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

1 Kolinto 2:8

Kusi kateeka nanti umwi uwamanyile cimwi pa mano yaa. Ndi yakateeka yamanyile mano yaa, yatange yatane Mwene wa lulumbi pa lupanda.

1 Kolinto 3:18

Muntu nanti umwi ataitumpika. Umwi uwa munomuli ndi akwelenganya vino uwa mano kulingana ni vintu vya muno nsi, nkolelo alinzile aye wa muwelewele, pakuti mucumi aye uwa mano.

1 Kolinto 3:19

Pano cintu cino amu nsi yakwelenganya ukuti ica mano, cene uwelewele pa manso yakwe Leza. Cili ndi vino calembwa mu malembelo cati, “Leza akalema antu yamano mu ucenjezi wao.”

1 Kolinto 6:2

Uzye mutamanya ukuti antu yakwe Leza yalapingula antu amuno nsi? Endi, ndi cakuti mulapingula antu amuno nsi, uzye mwemo mutangapingula tumilandu tunono?

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.