1 Kolinto 1:17 - Amazwi Yakwe Leza 2013

¹⁷ Klistu atantumile ku kuwatizya. Wene wantumile ku kukosola Ilandwe Lisuma kwaula kukovyanya mazwi, yano angalenga kuti imfwa yakwe Klistu ya pa lupanda itaya na maka.

1 Kolinto 1:17 ပူးပေါင်းရင်းမြစ်များ

Yoane 4:1

Afaliseo yuvwa ukuti Yesu waluta Yoane mukulenga antu aingi kuya alondezi nga nu mukuwatizya. (

Yoane 4:2

Lelo Yesu umwisikulu wene atawatizyanga suka sile alondezi yakwe awatizyanga.)

Milimo 10:48

Nga ayanena kuti yawatiziwe mwi zina lyakwe Yesu Klistu. Lyene yamupapata kuti aikale nao pa manda anono.

1 Kolinto 2:1

Inane, lino nizile kunomuli ku kukosola nkama ya cumi yakwe Leza, ntaomvizye mazwi azike nanti kuvwika mucenjele mu mivwangile.

1 Kolinto 2:13

Caleka lyene, mazwi yonsi yano tukavwanga twasambiliziwe na Mupasi Wamuzilo, asi mano ya antu. Mupasi Wamuzilo kwene wii, aliwe akatwazwa kusambilizya vintu vya Mupasi ku antu ali nu Mupasi.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

2 Kolinto 10:10

Yamwi muno muli yakuti, “Makalata yakwe Paulo yaya na mazwi akome nupya a maka. Lelo lino ali pamwi naswe, pa manso itu, wene umutonte, nupya mazwi yakwe yasyasenula cimwi.”

2 Kolinto 11:6

Nemo ntange ndande ndi vino yene yakalanda, lelo manyile vingi. Nupya twalondolola ningo kuno muli.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

2 Petulo 1:16

Kutali ukulaika utulai lino twamunenanga ivya maka nu kuwela kwa Mwene witu Yesu Klistu. Na manso itu twaweni ukulu wakwe.