1 Kolinto 1:11 - Amazwi Yakwe Leza 2013

¹¹ Pano antu yamwi kufuma ku amu ng'anda yakwe Koloe yatiyanena paswe ukuti pakasi kinu pali kulemanila.

1 Kolinto 1:11 ပူးပေါင်းရင်းမြစ်များ

Utandiko 27:42

Lelo Labeka uvwile kupanga kwakwe Esau, nga anena Yakobo ati, “Uvwa kuno, solenzi akupanga kuti ace alandule akukome.

Utandiko 37:2

Yaa ali amu mupanda wakwe Yakobo na amu ng'anda yakwe. Yosefu mulumendo sile wa myaka ikumi na cinimbali, wacemanga imfwele ni mbuzi pamwi na yasilenzi, ana aonsi yakwe Bilaa na Zilipa, aci nayauze yakwe isi. Wanenanga isi vyonsi iviipe vino aina yacitanga.

Mapinda 13:10

Icilumba cakwe yayo asisakamala ivya yauze cikakatusya ulwete, lelo wiyo akauvwila malango ku antu yauze yakacefya icongo.

Mapinda 18:6

Akanwa ka ciwelewele kakacisumba umu vikanza, na mazwi yakweco yakalenga ukuumwa.

1 Kolinto 1:10

Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

1 Kolinto 1:12

Manye kandande ndi vii, cila muntu munomuli akulanda cimwi cipusane. Umwi ati, “Nemo nkalondela Paulo,” muze nawe ati, “Nemo nkalondela Apolo,” muze nawe ati, “Nemo nkalondela Petulo,” muze nawe ati, “Nemo nkalondela Klistu.”

1 Kolinto 11:18

Nkolelo, nanenwa ukuti mukweti maumba akucita kupaatukana mu kukongana kwinu. Nupya ninsininkizya ukuti vimwi vino nuvwa ivya cumi.

1 Kolinto 3:3

pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

Galatiya 5:15

Lelo ndi micitile inu yaya wa micitile yanyama, kulwisyanya nu kucisana, mucenjele pano limwi mungasila kuyonona.

Galatiya 5:20

mu kupepa tuluwi nu mu ulozi. Antu yakaya anisi nga nu kulwa. Yene yakazuwilana nu kusokana, nu kupaatukana.

Galatiya 5:26

Tutalinzile kuitutumula nanti kusosyanya nanti kuzuwilana.

Filipi 2:14

Mwacita vyonsi kwaula kuilizyanya nanti vikanza,

1 Timoti 6:4

ale wene ali ni cilumba nupya atamanyile ningo cintu nanti cimwi. Umuvulungane mano nupya wene akalonda kupazyanya nu kulemanila pa mazwi. Cii cikaleta uzuwa, vikanza, intusi, kutunganya kwipe,

Tito 3:9

Lelo funtuka ku vikanza vyakutumpa, nu ku utantiko wa mazina ya vikolwe, kulemanila, nga nu kuntuvwana pali vino Masunde yakwe Mose yakasambilizya.