1 Kolinto 1:1 - Amazwi Yakwe Leza 2013

¹ Kalata kufuma kuli ne Paulo, wino uwamwa ku kulonda kwakwe Leza kuti nje mutumwa wakwe Klistu Yesu, pamwi na Sositeni mwina witu.

1 Kolinto 1:1 ပူးပေါင်းရင်းမြစ်များ

Luka 6:13

Lino kwaca aama alondezi yakwe yonsi nga muliyo asolola ikumi na yaili, ayatemela ati, “Atumwa.”

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Yoane 20:21

Yesu nupya ayanena ati, “Mutende uye namwe. Ndi vino Tata wantumile avino nani namutuma.”

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

Milimo 1:2

kufika na pa wanda uno Leza wamusenzile kwiyulu. Lino atali kuti asendwe kwiyulu, mu maka ya Mupasi Wamuzilo wasile wapela utunguluzi ku atumwa yano wasolwile.

Milimo 18:17

Onsi yalema Sositeni, intunguluzi ikalamba yamu ng'anda ya mapepo, yamumila pa mulyango wa cilye. Lelo cico citasakamike Galio nanti panono.

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

Loma 1:1

Kalata kufuma kuli Paulo, muomvi wakwe Klistu Yesu, mutumwa uwasolwa nu kwamwa na Leza ku kukosola Ilandwe Lisuma.

Loma 1:10

Nkapapata mu mapepo kuti Leza ndi akulonda, aleke kuti ince nize mupempule.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

2 Kolinto 1:1

Kalata kufuma kuli Paulo, mutumwa wakwe Klistu Yesu kupitila mu kulonda kwakwe Leza, pamwi na Timoti mwina witu. Kwi uvi lyakwe Leza lino lili mu Kolinto, nga nu ku antu yakwe Leza yonsi ali mu mpanga yonsi yamu Akaya.

2 Kolinto 11:5

Nkwelenganya vino nemo ntacepa pali wenga uwa mu atumwa yano mwemo mukati yacindamisya.

2 Kolinto 12:12

Vinjelengwe nga ni vizungusyo vingi vino vikasininkizya ukuti nene mutumwa vyene vyacisilwe pakasi kinu mu kuteeka kwa myenzo.

2 Kolinto 8:5

Nao yacisile kuluta pali vino twapaalilanga. Inkolelo yene yaipile aisikulu ku Mwene nga pacisila kuno tuli, wakwe vino Leza walondanga kuti yacite.

Galatiya 1:1

Kalata kufuma kuli ne Paulo, wino kwamwa kwane kwa kuya mutumwa kutafuma ku muntu nanti kupitila mu muntu, Lelo kwafuma kuli Yesu Klistu, na Leza Tata, wino uwazyukwile Klistu kufuma ku afwe.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Kolose 1:1

Kalata kufuma kuli ne Paulo, mutumwa wakwe Klistu Yesu mukulonda kwakwe Leza. Tuli pamwi na Timoti mwina witu.

1 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza, Katuula witu na Klistu Yesu wino tukapaalila.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza. Wene uwantumile ku kukosola umi uno watulaya muli Klistu Yesu.