Yʉʉda 1:4 - ULufingo uLupwa

⁴ Inkubhasimbila ɨkalaata ili kʉnongwa ye kʉlɨ na bhantʉ bhamu bhe bhatakumutinikha ʉMʉlʉngʉ, bhayinjiziizye kukwilu na kʉsangaana nɨɨmwe. Abhantʉ bhanaabha bhakʉpʉvwa intumi ɨzya wiila wa Mʉlʉngʉ wɨɨtʉ ɨnga bhabhombaje imbiibhi na kʉmʉkhaana uYeesu Kilisiti, uMulongozi ʉMʉpɨtɨ, ʉMwene wɨɨtʉ. Ɨleelo kufuma khalɨ yisimbiilwe kʉtɨ abhantʉ bhanaabha bhakhayɨlongwa.

Yʉʉda 1:4 ပူးပေါင်းရင်းမြစ်များ

Bhagalatiya 2:4

she poope bhe bháyibhiishile ngatɨ bhitishile bhakhanzaga kʉtɨ atahiiliwe. Abhantʉ bhanaabho bháyinjiziizye kukwilu kwiniilizya ʉwʉsatʉlwe wɨɨtʉ we twápewiilwe nu Yeesu Kilisiti, ɨnga bhatʉbhɨɨshe mu wutumwa.

2 Peeteli 2:10

inhaani bhaala bhe bhakʉlandata ɨnsʉngʉkho imbiibhi ɨzya mʉbhɨlɨ na kʉshoolanya ʉwaamʉlo wa Mʉlʉngʉ. Abhantʉ bhanaabho bhalɨ na madalɨ na mabaado, bhatakwogopa kuviliga ɨvɨpelwa ɨvwa wumwamu ɨvwa kʉmwanya.

1 Yookhani 2:22

Umuntu ʉwɨ lenga wu naanu? Umuntu ʉwɨ lenga wʉ wʉʉla we akʉkhaana kʉtɨ uYeesu wu Kilisiti. Umuntu anza wʉnʉʉyo, we mʉlʉgʉ wa Kilisiti, akʉmʉkhaana ʉTaata ʉMʉlʉngʉ nʉ Mwana.

1 Peeteli 2:16

She poope mwe bhasatʉlwe, mʉtabhombelaje ʉwʉsatʉlwe wiinyu kʉbha lɨdala lya kʉbhomba imbiibhi, lyoli mwɨkhalaje anza she abhabhombi bha Mʉlʉngʉ bhakwanzɨwa kwɨkhala.

1 Peeteli 2:8

Khabhɨlɨ, “Ili lye liwe lye abhantʉ bhatikuntilaje, liwe lye lɨtɨbhazyaje abhantʉ kʉtɨ bhagwanje.” Bhatikuntile kʉnongwa ye bhatakhatinikha izwi lya Mʉlʉngʉ, shɨnɨɨsho she bhabhatishiliilwe nʉ Mʉlʉngʉ kufuma khalɨ.

2 Tiimoti 3:6

Bhamu bhanaabho bhakʉbhala kʉbhendekha mu nyumba zya bhantʉ na kwinjila, kʉbhacheepa na kʉbhazyʉngʉʉla ɨnjeele abhantanda abhatambaalazu bhe bhalemiilwe ni mbiibhi. Khabhɨlɨ bhakʉtabhaalwa nɨ nsʉngʉkho imbiibhi ɨzya vɨkholo ivwinji.

Bhagalatiya 5:13

Bhanholo bhaanɨ mʉ lwɨtɨkho, ʉMʉlʉngʉ abhabhɨlɨshɨɨye ɨnga mʉbhe mwe bhasatʉlwe. Ɨleelo mʉtabhombelaje ʉwʉsatʉlwe wiinyu kʉbhomba ɨnsʉngʉkho ɨzya mʉbhɨlɨ, lyoli mwavwanaje kʉ lʉgano.

2 Peeteli 3:7

Khabhɨlɨ kwi zi lɨnɨɨlyo ʉMʉlʉngʉ abhiishile kʉmwanya na paasɨ ɨzya khabhalɨlo ɨkha, kʉnongwa ɨya kʉpembwa kʉ mwoto. Azibhiishile kʉnongwa iyi siku liila lye akhayɨbhalonga abhantʉ bhe bhatakumutinikha ʉweene, khabhɨlɨ akhayɨbhayazya.

Yʉʉda 1:15

ɨnga abhalonje na kubhafunda bhonti bhe bhatakʉmwɨtɨkha ʉMʉlʉngʉ. Akubhafunda kʉ njendo zyabho zye bhabhombile sita kumutinikha ʉMʉlʉngʉ, peeka nɨ nongwa zyonti imbiibhi zye abhabhomba mbiibhi bhakʉmʉlonga.”

1 Peeteli 4:18

Anzu Wusimbe uWufinjile she wʉkʉlonga wʉkʉtɨ, “Ɨnga bhaala bhe bhagolosu bhakhayɨtʉʉlwa kʉ mayɨmba, yɨkhayɨbha bhʉlɨ kʉ bhaala abhi mbiibhi bhe bhatamumanyile ʉMʉlʉngʉ?”

Bhaefeeso 4:14

Pe te tʉbhe winza anza bhaana abheela, kʉtɨ tʉsʉmbwe uku nʉʉkwo, kʉlandata ɨmanyɨzyo nɨɨzyo nɨɨzyo, kwɨ lenga na ku wushevu wa bhantʉ.

Mbombo zya Bhasundikwa 15:24

Twimvwizye kʉtɨ abhamwɨtʉ bhamu kufuma kʉkwɨtʉ bhabhabhuziizye ɨnongwa ɨzya kʉbhayɨmvwa, amooyo giinyu gakhatampile, ɨleelo te twetwe twábhasonteleziizye khaala.

Mbombo zya Bhasundikwa 11:23

We aafikha kʉʉkwo, akhalola she ʉMʉlʉngʉ abhasayile. Akhaseshela nhaani, akhabhasundililaga bhonti bhajendeelele kʉbha bhasunde kwa Mwene.

Yookhani 17:3

Uwuumi ʉwa wiila na wiila we wu wuuwu, bhakʉmanye ɨwe we ʉlɨ wʉmwene, wʉ Mʉlʉngʉ ʉwa nalyoli, khabhɨlɨ bhamʉmanye uYeesu Kilisiti we wámusonteleziizye.

Mataayi 13:25

Ɨleelo we abhantʉ bhonti bhagonile, ʉmʉlʉgʉ waakwe akhɨnza akhapesa ɨndezya mʉmwanya mʉ ngano, akhasogola.

Wukuwi wa Yookhani 15:4

We Mwene, abhantʉ bhonti bhatakwanzɨwa kʉkwogopa? Khabhɨlɨ bhonti bhatakwanzɨwa kʉlɨpaala ɨtaawa lyakho? Ɨwe wʉmwene we Mufinjile! Ɨnsɨ zyonti zɨkhayɨnza na kukupuuta kʉnongwa ye ɨmbombo zyakho ɨzya wugolosu zyalolekha apazelu.”

1 Tiimoti 5:8

Ɨnga kʉlɨ nu muntu we atakʉbhaavwa abhanholo bhaakwe kʉ vwe vɨkwanzɨwa, inhaani abha mu nyumba yaakwe, wʉnʉʉyo akʉbha alukhaanile ʉlwɨtɨkho lwakwe, khabhɨlɨ akʉbha mubhiibhi kʉshɨla abha panzɨ.

2 Tiimoti 2:12

Ɨnga tukujimbiilila, tʉkhayɨtabhaala peeka na wʉʉyo. Lyoli ɨnga twamʉkhaana, pe woope akhayɨtʉkhaana.

2 Peeteli 2:7

Akhamʉpokha uLooti, umuntu umugolosu, we ákhatampile nhaani nɨ njendo imbiibhi ɨzya bhantʉ bhanaabho abhabhomba mbiibhi.

Yʉʉda 1:18

Bhátɨlɨ, “Insiku ɨzya kʉmpeleela kukhayifumila abhantʉ abha kʉshoolanya, bhe bhakhayɨlandataga ɨvɨgane vwabho ivibhiibhi.”