Yookhani 7:16 - ULufingo uLupwa

¹⁶ Pe uYeesu akhabhaamʉla akhatɨ, “Ɨmanyɨzyo zye ɨnkʉmanyɨzya te zyanɨ, lyoli zikufuma kwa Mʉlʉngʉ we ánsonteleziizye.

Yookhani 7:16 ပူးပေါင်းရင်းမြစ်များ

Yookhani 14:24

Wowonti we atanganile atakʉgalema amazwi gaanɨ. Amazwi ge ɨnkʉbhabhʉʉzya te gaanɨ, lyoli ga Taata we ansonteleziizye.

Yookhani 14:10

Bhʉlɨ, ʉtakwɨtɨkha kʉtɨ ɨne ɨndɨ mwa Taata, woope ʉTaata alɨ mʉmwanɨ? Amazwi ge ɨnkʉbhabhʉʉzya gatakufuma mʉ waamʉlo waanɨ, lyoli ʉTaata we alɨ mukaasi yaanɨ, akʉbhomba ɨmbombo zyakwe.

Yookhani 17:8

kʉnongwa ye imbapiiye intumi zye wámpiiye. Bhoope bhazɨposheleeye, bhamanyile kʉtɨ nalyoli imfumile kʉkwakho, khabhɨlɨ bhitishile kʉtɨ weewe wánsonteleziizye.

Yookhani 5:30

UYeesu akhajendeelela kʉbhabhʉʉzya abhalongozi abha Bhayahuudi akhatɨ, “Ɨne ɨntangakhola kʉbhomba khokhonti kʉ makha gaanɨ nʉmwene. Ɨnkʉbhalonga abhantʉ kʉlandatana na she ʉTaata waanɨ akʉmbʉʉzya. Shɨnɨɨsho uwulonji waanɨ wa wugolosu, kʉnongwa ye ɨntakʉbhomba zye injiganile ɨne, lyoli ɨnkʉbhomba zye shɨgane sha Taata waanɨ we ansonteleziizye.

Yookhani 17:14

Ɨne imbabhuziizye amazwi ge wándajiziizye, bhoope abha mʉ nsɨ bhabhavitiliilwe, kʉnongwa ye abheene te bha mʉ nsɨ anza she ɨne te ne wa mʉ nsɨ umu.

Yookhani 8:28

Pe uYeesu akhabhabhʉʉzya akhatɨ, “We mwamʉbhʉʉsya kʉmwanya ʉMwana wa Muntu, pe mʉkhayɨmanya kʉtɨ ɨne ne neene. Khabhɨlɨ mʉkhayɨmanya kʉtɨ ɨntakʉbhomba naazimo nʉmwene, lyoli ɨnkʉlonga zye ʉTaata waanɨ amanyiziizye.

Yookhani 3:11

Nalyoli ɨnkʉkʉbhʉʉzya, ɨtwe tʉkʉlonga zye tuzimanyile na kufumwa uwukeeti zye tuzilolile, ɨleelo ɨmwe mʉtakwɨtɨkha zye tʉkʉbhabhʉʉzya.

Yookhani 6:44

Atalɨɨpo umuntu we angakhola kwɨnza kʉkwanɨ ɨnga ʉTaata waanɨ we ansonteleziizye atamʉlongooye. Nɨɨne ɨnhayɨmʉzyʉsya pi siku ɨlya kʉmpeleela.

Yookhani 3:31

Ʉweene we akwɨnza kufuma kʉmwanya mʉpɨtɨ kʉshɨla bhonti, ɨleelo we akufuma mʉ nsɨ wa mʉ nsɨ, khabhɨlɨ akʉlonga ɨzya mʉ nsɨ. Ɨleelo we akwɨnza kufuma kʉmwanya mʉpɨtɨ kʉshɨla bhonti.

Wukuwi wa Yookhani 1:1

Uwu we wukuwi we wukufuma kwa Yeesu Kilisiti. Uwukuwi wʉnʉʉwo ʉMʉlʉngʉ ámupiiye kʉtɨ abhalanje abhabhombi bhaakwe zye nalyoli zitifumile shiniishi bhʉʉlo. UYeesu akhamʉlanga uYookhani umubhombi waakwe uwukuwi wʉnʉʉwo kʉshɨlɨla kwa khabhɨzya waakwe.

2 Yookhani 1:9

Umuntu wowonti we akʉgalʉlanya ɨmanyɨzyo zya Kilisiti, khabhɨlɨ atakʉjendeelela kʉlema zɨnɨɨzyo zye bhamumanyiziizye, wʉnʉʉyo atalɨ nʉ wʉpeeka nʉ Mʉlʉngʉ. Ɨleelo, wowonti we akʉjendeelela kʉlema ɨmanyɨzyo, alɨ nʉ wʉpeeka nʉ Taata ʉMʉlʉngʉ, nʉ Mwana waakwe.