Yookhani 5:26 - ULufingo uLupwa

²⁶ Anza she ʉTaata waanɨ alɨ na makha aga kuumupa umuntu uwuumi ʉwa wiila na wiila, shɨnɨɨsho ampiiye ɨne nʉMwana waakwe amakha aga kʉʉbhapa abhantʉ uwuumi ʉwa wiila na wiila.

Yookhani 5:26 ပူးပေါင်းရင်းမြစ်များ

Yookhani 1:4

IZwi wʉnʉʉyo we áamɨle wandɨlo wa wuumi. Uwuumi wʉnʉʉwo wáamɨle lʉkhozyo kʉ bhantʉ.

Yookhani 10:18

Atalɨɨpo umuntu we angakhola kʉfwʉla uwuumi waanɨ, lyoli inkuwufumwa kʉ shɨgane shaanɨ nʉneene. Ɨndɨ nʉ waamʉlo ʉwa kuwufumwa uwuumi waanɨ, khabhɨlɨ ɨndɨ nʉ waamʉlo ʉwa kʉweega winza. Shiniishi she ʉTaata waanɨ andajiziizye kʉbhomba.”

Yookhani 11:25

UYeesu akhamʉbhʉʉzya uMalita akhatɨ, “Ɨne ne ɨnkʉbhazyʉsya abhantʉ na kʉʉbhapa ʉwʉpʉʉma. Umuntu wowonti we akʉnɨɨtɨkha ɨne, poope ɨnga aafwa, atɨjendeelele kʉbha mʉpʉʉma.

Yookhani 11:26

Wowonti we mʉpʉʉma, na kʉnɨɨtɨkha ɨne, te akhaafwe naalumo. We Malita, bhʉlɨ, ʉkʉzyɨtɨkha zɨnɨɨzyo?”

Yookhani 14:19

Khasyalile akhabhalɨlo khashe khe abhantʉ abha mʉ nsɨ te bhakhandole winza, lyoli ɨmwe mʉkhayɨndola. Kʉnongwa ye ɨne ne mwumi, nɨɨmwe mʉkhayɨbha mwe bhuumi.

Yookhani 14:6

UYeesu akhamwamʉla akhatɨ, “Ɨne ne lɨdala, uwanalyoli, nu wuumi. Umuntu atangakhola kwɨnza kwa Taata ɨnga atashɨlɨɨye kʉkwanɨ.

Yookhani 4:10

UYeesu akhamwamʉla akhatɨ, “Bhanje ʉmanyaje khe ʉMʉlʉngʉ akwanza kuukupa na kʉtɨ wu naanu wʉnʉʉnʉ we akʉkʉlaabha aminzi aga kʉmwela, ɨwe nhanɨ wamʉlaabha, woope angaakupa aminzi aga wuumi.”

Yookhani 6:57

“ɄTaata waanɨ we mwumi ansonteleziizye, nɨɨne ne mwumi kʉshɨlɨla kʉkwakwe. She shɨnɨɨsho, umuntu wowonti we akulya ʉmʉbhɨlɨ waanɨ, atɨbhe mwumi kʉshɨlɨla kʉkwanɨ.

Yookhani 8:51

Nalyoli ɨnkʉbhabhʉʉzya, umuntu wowonti we alitinikha izwi lyanɨ, te akhaafwe naalumo!”

Mbombo zya Bhasundikwa 17:25

Atakʉbhombelwa na bhantʉ ngatɨ akwanza khamu kʉkwabho. Ʉweene we akʉʉbhapa abhantʉ bhonti uwuumi na kʉtɨ bhafuutaje, khabhɨlɨ we akʉʉbhapa vwonti.

1 Bhakolinso 15:45

Yisimbiilwe mu Wusimbe uWufinjile kʉtɨ, “Umuntu ʉwa kwanda uAdamu, ápeliilwe, akhabha muntu umwumi.” Ɨleelo uAdamu ʉwa kʉwʉmalɨlɨshɨlo Mupepu we akʉʉbhapa abhantʉ uwuumi.

1 Tiimoti 1:17

ɄMʉlʉngʉ wʉ Mwene ʉwa wiila na wiila, te akhaafwe naalumo. Atalɨɨpo umuntu we angakhola kʉmʉlola ʉMʉlʉngʉ, atalɨɨpo ʉMʉlʉngʉ uwunji nʉʉmo. Wʉʉyo mwene we akhondeeye kʉposheela ulushindikho nu wumwamu wiila na wiila, zɨbhe shɨnɨɨsho!

1 Tiimoti 6:16

Wʉʉyo mwene we atakufwa, akwɨkhala mʉ lʉkhozyo lwe nʉʉmo atangalʉpalamɨla. Atalɨɨpo umuntu we amulolile, atalɨɨpo we angakhola kʉmʉlola. Wa lushindikho, na makha aga wiila na wiila! Zɨbhe shɨnɨɨsho!

Bhaebulaniya 1:2

Ɨleelo insiku izi ɨzya papɨɨpɨ na kʉmpeleela, ʉMʉlʉngʉ alonjile nɨɨtwe kʉshɨlɨla kwa Mwana waakwe. Ámʉsabhʉʉye wʉnʉʉyo ʉMwana agaale ivintu vwonti, khabhɨlɨ kʉshɨlɨla kʉkwakwe ʉMʉlʉngʉ ápelile kʉmwanya na paasɨ na vwonti vwe vɨlɨ mʉmwo.

Wukuwi wa Yookhani 21:6

Akhatɨ, “Gakwɨla! Ɨne ne wa kwanda, khabhɨlɨ ne wa kʉmpeleela, ʉwandɨlo nʉ wʉmalɨlɨshɨlo. We alɨ nɨ shʉʉmɨlwa, inhayiimupa aminzi pabhʉʉlo kufuma mu vindingwi ɨvwa minzi ge gakufumwa uwuumi.

Wukuwi wa Yookhani 22:1

Pe ʉkhabhɨzya akhandanga ulwizi ʉlwa minzi ge gakufumwa uwuumi, lwe lukumeetukha ngatɨ shɨlolelo, lukhafumaga pɨ tengo ɨlya shɨmwene ɨlya Mʉlʉngʉ nɨ Nyaana yɨ Ngoole.

Wukuwi wa Yookhani 22:17

UMupepu uMufinjile na we akwegwa nɨ Nyaana yɨ Ngoole bhatɨ, “Nzaaga!” Woope we akwɨmvwa atɨ, “Nzaaga!” Woope we alɨ nɨ shʉʉmɨlwa ayɨnze, we akwanza, ayeeje aminzi ge gakufumwa uwuumi pabhʉʉlo.

Wukuwi wa Yookhani 7:17

Kʉnongwa ye ɨNyaana yɨ Ngoole ye yɨlɨ kʉmwanya, pɨ tengo ɨlya shɨmwene yikhayibhadiima. Akhayɨbhatwala mu shifumo ɨsha minzi, ge gakufumwa uwuumi. Khabhɨlɨ ʉMʉlʉngʉ akhayɨbhasyʉmʉla amansuzi gonti mu miiso gaabho.”