Yookhani 4:48 - ULufingo uLupwa

⁴⁸ UYeesu akhamʉbhʉʉzya akhatɨ, “Mʉbhantʉ ɨmwe, ɨnga mʉtaalola ɨvɨlolesyo na mayele mʉtangakhola kwɨtɨkha!”

Yookhani 4:48 ပူးပေါင်းရင်းမြစ်များ

Yookhani 20:29

UYeesu akhamʉbhʉʉzya akhatɨ, “Wɨɨtɨkha kʉnongwa ye wandola. Bhasayiilwe bhaala bhe bhitishile sita kʉndola.”

Bhaebulaniya 2:4

ɄMʉlʉngʉ woope áwusimishiziizye uwuposhi wʉnʉʉwo kwɨ dala ɨlya kʉʉbhapa abhantʉ amakha aga kʉbhomba ɨvɨlolesyo na mayele. Khabhɨlɨ akhabhapanga ɨvɨkʉnjɨlwa ɨvwa Mupepu uMufinjile anza she áyiganile wʉʉyo.

1 Bhakolinso 1:22

Kʉnongwa ye aBhayahuudi bhakwanza ɨvɨlolesyo, aBhayunaani bhakwanza ɨnjeele.

Mbombo zya Bhasundikwa 2:22

UPeeteli akhajendeelela kʉlonga akhatɨ, “Mʉbhasakhaala ɨmwe mʉbha mu Isilaeli, mʉtejeelezye amazwi ɨga akhinza! ɄMʉlʉngʉ ábhalolesiizye ɨmwe kʉtɨ akʉbhomba ɨmbombo kʉshɨlɨla mwa Yeesu ʉwa ku Naazaleti. Ɨmwe mʉneemwe mumanyile akhinza kʉtɨ mwa Yeesu wʉnʉʉyo mwe akhalolesyaga amayele aga vɨkholo ivwinji kukwinyu.

Yookhani 12:37

Ɨleelo poope she uYeesu ábhombile ɨvɨlolesyo ivwinji pamiiso gaabho, abheene bhatámwitishile.

2 Bhakolinso 12:12

We náamɨle kukwinyu, ku wujimbiilizu ʉwʉpɨtɨ nhaani nábhombile ɨvɨlolesyo, amayele, nɨ vwa kuswijizya ivwinji pɨlongolela yiinyu vwe vɨkhalolesyaga kʉtɨ ɨne ne musundikwa ʉwa nalyoli.

Bhaluumi 15:19

kʉ makha aga vɨlolesyo na mayele ge nábhombile kʉ makha ga Mupepu uMufinjile. Pe shɨnɨɨsho, nájendeeye poponti kwandɨla mʉ nhaaya ɨya Yelusaleemu kufishila mʉ mʉkoa ʉwa Iluliko kʉlʉmbɨɨlɨla iNtumi iNyinza kʉ zya Kilisiti.

Mbombo zya Bhasundikwa 14:3

Pe shɨnɨɨsho, ʉPaʉlo nʉ Balɨnaaba bhakhɨɨkhala insiku inyinji pa Ikoniyo, bhakhabhabhʉzyaga abhantʉ kʉ zya wiila wa Mwene uYeesu ku wudandamazu. ɄMwene akhalolesyaga kʉtɨ amazwi gaabho ga nalyoli, kwɨ dala ɨlya kʉʉbhapa amakha aga kʉbhomba ɨvɨlolesyo na mayele aminji.

Maalika 13:22

Kʉnongwa ye bhakhayifumila bhe bhakʉyɨtekha kwɨ lenga kʉtɨ bhabha Kilisiti, na bhakuwi abhɨ lenga. Bhakhayɨbhombaga ɨvɨlolesyo ɨvɨpɨtɨ na mayele aga kʉbhakhopela abhantʉ, poope na bhasaabhʉlwa bha Mʉlʉngʉ.

Mataayi 24:24

Kʉnongwa ye bhakhayifumila bhe bhakʉyɨtekha kwɨ lenga kʉtɨ bhabha Kilisiti, na bhakuwi abhɨ lenga. Bhakhayɨbhombaga ɨvɨlolesyo ɨvɨpɨtɨ na mayele aga kʉbhakhopela abhantʉ, poope na bhasaabhʉlwa bha Mʉlʉngʉ.

Mbombo zya Bhasundikwa 2:43

Abhasundikwa bhakhabhombaga amayele aminji nɨ vɨlolesyo ivwinji, abhantʉ bhonti bhakhaswigaga nhaani, na kumushindikha ʉMʉlʉngʉ.

Yookhani 2:18

Pe abhalongozi abha Bhayahuudi bhakhamʉbhʉzɨɨlɨzya uYeesu bhakhatɨ, “Ʉtɨbhombe shɨlolesyo bhʉlɨ kʉlolesya kʉtɨ ʉlɨ nʉ waamʉlo ʉwa kʉbhomba ganaaga?”

Luuka 16:31

UAbulahaamu akhamwamʉla akhatɨ, ‘Ɨnga bhatakʉwʉtejeelezya uwusimbe wa Moose nʉ wa bhakuwi, poope umuntu azyʉshe kufuma kʉ bhafwe, bhatangɨɨtɨkha.’ ”

2 Bhatesalonike 2:9

Akhabhalɨlo khe akhayɨnza uMusambusu wʉnʉʉyo, akhayɨnza na makha gonti aga Seetani na kʉbhomba ɨvɨlolesyo na mayele aminji agɨ lenga.

Mbombo zya Bhasundikwa 15:12

Pe abhantʉ bhonti bhe bháamɨle mwɨ balaaza liila bhakhapʉʉma, bhakhabhatejeelezya ʉPaʉlo nʉ Balɨnaaba we bhakʉbhabhʉʉzya she ʉMʉlʉngʉ akhabhombaga kʉshɨlɨla kʉkwabho amayele nɨ vɨlolesyo ivwinji kʉ bhe te Bhayahuudi.

Mbombo zya Bhasundikwa 7:36

Pɨlongolela, we ábhalongoziizye kʉbheefwa mʉ nsɨ ɨya mu Miisili, kwɨ dala ɨlya kʉlolesya ɨvɨlolesyo na mayele ge akhabhombaga mu Miisili, mwa sʉmbɨ ʉwa Shaamu, na mu shilozu, kʉ khabhalɨlo akha manha amashumi gani.

Mbombo zya Bhasundikwa 6:8

ɄMʉlʉngʉ ámupiiye uwiila uwinji uSiteefani, khabhɨlɨ ámupiiye amakha aminji, akhabhombaga amayele nɨ vɨlolesyo ɨvɨpɨtɨ mʉ bhantʉ.

Mbombo zya Bhasundikwa 5:12

Kʉ makha ga Mʉlʉngʉ, abhasundikwa bha Yeesu bhakhabhombaga ɨvɨlolesyo na mayele aminji mʉ bhantʉ. Abhantʉ bhe bhámwitishile uYeesu bhonti bhakhabhʉngaanaga mwi linga ilyi Nyumba iMfinjile, mwɨ dala itimiilile ɨlya Selemaani.

Mbombo zya Bhasundikwa 4:30

Ɨwe ʉlolesye amakha gaakho aga kʉbhaponɨa abhantʉ, ʉtwavwe kʉtɨ tʉbhombaje amayele aga vɨkholo ivwinji kʉshɨlɨla kwɨ taawa lya Yeesu, umubhombi waakho umufinjile.”

Mbombo zya Bhasundikwa 2:19

Ɨnhayɨbhombaga amayele kʉmwanya kʉ mabhɨngo, nɨ vɨlolesyo mʉ nsɨ munuumu. Kʉkhayɨbha ɨbhanda, nʉ mwoto, ni lyosi likhayisuukhaga ku winji.

Yookhani 15:24

Bhanje ɨntabhombaje kʉkwabho amayele amapɨtɨ ge atalɨɨpo umuntu we abhombile lumo, pe nhanɨ bhatalɨ ni mbiibhi. Ɨleelo ishi bhazɨlola zyonti zye imbombile, poope shɨnɨɨsho bhakumviitilwa ɨne, nʉ Taata waanɨ woope.

Luuka 10:18

UYeesu akhabhabhʉʉzya akhatɨ, “Imulolile uSeetani akwikha ngatɨ mvula ye yɨkʉmwangʉkha kufuma kʉmwanya.

Mataayi 27:42

Bhakhatɨnjɨ, “Abhapokhaga abhanjɨ, ɨleelo apootwa kʉyɨpokha wʉʉyo! Ɨnga nalyoli wʉ Mwene ʉwa Bhaisilaeli, ayiishe pa shɨkhobhenhanyo, pe nɨɨtwe tʉtɨmwɨtɨshe.

Mataayi 16:1

Pɨlongolela, aBhafalisaayi na Bhasadukaayi bhamu bhínzile kwa Yeesu, kʉmʉlɨnga bhakhamʉlaabha kʉtɨ alolesye ɨshɨlolesyo she shɨkʉmanyɨsya kʉtɨ afumile kʉmwanya kwa Mʉlʉngʉ.

Yookhani 4:49

Umulongozi ʉla akhamwamʉla akhatɨ, “We mwene, ɨnkʉkʉlaabha, saalɨ she ʉmwana waanɨ ashɨɨlɨ kufwa.”