Yookhani 20:19 - ULufingo uLupwa

¹⁹ Pi siku liliila ɨlya Pamʉlʉngʉ shalyabheela, abhalandati bha Yeesu bhábhungaanile mu nyumba yimo, bhɨ́galɨɨye amalyango kʉnongwa ye bhakhabhogopaga abhalongozi abha Bhayahuudi. Pe uYeesu akhafumila akhɨmɨɨlɨla pakaasi yaabho akhatɨ, “Uwutengaanu wʉbhe peeka nɨɨmwe!”

Yookhani 20:19 ပူးပေါင်းရင်းမြစ်များ

Yookhani 20:26

We zyashɨla insiku naane, abhalandati bha Yeesu bháamɨle peeka winza mukaasi. UToomasi woope áamɨle peeka nabho. Amalyango gáamɨle magalɨle, ɨleelo uYeesu akhɨnza, akhɨmɨɨlɨla pakaasi yaabho, akhatɨ, “Uwutengaanu wʉbhe peeka nɨɨmwe!”

Yookhani 14:27

Ɨnkʉbhaleshela uwutengaanu, uwutengaanu we ɨnkʉʉbhapa wʉtalɨ anza wuula we wukufuma kʉ bhantʉ abha mʉ nsɨ. Mʉtaswɨmɨlɨlaje mʉ mooyo giinyu, khabhɨlɨ mʉtatʉʉyaje khokhonti.

Yookhani 20:21

UYeesu akhabhabhʉʉzya winza akhatɨ, “Uwutengaanu wʉbhe peeka nɨɨmwe. Anza she ʉTaata ʉMʉlʉngʉ ansonteleziizye ɨne, nɨɨne ɨnkʉbhasonteelezya ɨmwe.”

Bhaefeeso 2:14

Kwe kʉtɨ, uYeesu Kilisiti wʉʉyo átʉleteeye uwutengaanu kwɨ dala ɨlya kʉbhakhomaanya aBhayahuudi na bhe te Bhayahuudi. Akhapongola ʉlʉbhʉmba lwe lwátulenhanyiinye na kutuvitanya.

2 Bhatesalonike 3:16

Ishi, ʉMwene uYeesu wʉʉyo we wandɨlo wa wutengaanu, abhapanje uwutengaanu insiku zyonti kʉ madala gonti. ɄMwene abhe peeka nɨɨmwe mwenti.

Yookhani 7:13

Ɨleelo atálɨɨpo umuntu we akhamʉtekhaga uYeesu apazelu, kʉnongwa ya kʉbhoogopa abhalongozi abha Bhayahuudi.

Maalika 16:14

Kʉwʉmalɨlɨshɨlo, uYeesu akhabhaloleshela abhalandati bhaakwe ishumi na weeka. Bhɨ́khaaye peeka bhakhalyanga ishaakulya. UYeesu akhabhakhajɨla nhaani kʉnongwa ye bhatakhɨɨtɨkha khaala nu wugomu wa mooyo gaabho. Abheene bhákhaanile kʉbhɨɨtɨkha abhamwabho bhe bhámulolile uYeesu kʉtɨ, nalyoli azyushile kufuma kʉ bhafwe.

Wukuwi wa Yookhani 1:4

Ishitaabu ishi insimbile nʉneene nu Yookhani kʉ vɨbhanza saba ɨvwa mʉ nsɨ ɨya mu Asiya. Mʉbhe nu wiila nu wutengaanu we wukufuma kwa Mʉlʉngʉ, ʉweene we álɨɨpo na we alɨɨpo na we akhayɨnza. Khabhɨlɨ mʉbhe nu wiila nu wutengaanu we wukufuma ku Mpepu saba zye zɨlɨ pɨlongolela pɨ tengo lyakwe ɨlya shɨmwene,

1 Bhakolinso 15:5

Akhayɨlolesya kwa Keefa, iwinza akhayɨlolesya ku bhasundikwa bhaakwe ishumi na bhabhɨlɨ.

Yookhani 16:33

Imbabhuziizye zyonti zɨnɨɨzyo ɨnga mʉbhe nu wutengaanu we mʉlɨ mukaasi yaanɨ. Mʉ nsɨ mʉtɨgaagaje amayɨmba, ɨleelo mʉyɨgomwaje ʉmwoyo, kʉnongwa ye ɨne inzitolile ɨzya mʉ nsɨ.”

Bhaebulaniya 7:2

Woope uAbulahaamu áfumwizye sheeka mwi shumi mu vintu vwonti vwe áfwulile kʉ wʉlʉgʉ ʉwa kulwa akhaamupa uMelikizeedeki. Ɨtaawa liniili Melikizeedeki, kwe kʉtɨ, “Ʉmwene ʉwa Wugolosu.” Khabhɨlɨ bhakʉtɨ wʉ mwene ʉwa Saleemu, kwe kʉtɨ, “Ʉmwene ʉwa Wutengaanu.”

Bhafiliipi 1:2

ɄTaata wɨɨtʉ ʉMʉlʉngʉ nʉ Mwene uYeesu Kilisiti bhabhalolelaje uwiila, na kʉʉbhapa uwutengaanu.

Bhaefeeso 6:23

Bhanholo bhaanɨ mʉ lwɨtɨkho, ɨnkʉbhalaabhɨla uwutengaanu, ʉlʉgano nʉ lwɨtɨkho vwe vikufuma kwa Taata ʉMʉlʉngʉ nʉ Mwene wɨɨtʉ uYeesu Kilisiti.

Bhaluumi 15:33

ɄMʉlʉngʉ we akʉʉbhapa uwutengaanu, abhe peeka nɨɨmwe mwenti. Zɨbhe shɨnɨɨsho!

Yookhani 16:22

Shɨnɨɨsho nɨɨmwe mʉlɨ nu wuswimiilizu kʉ khabhalɨlo ɨkha, ɨleelo ɨnhayɨnza kukwinyu winza, pe mʉkhayɨbha nʉ lʉseshelo mʉ mooyo giinyu. Ʉlʉseshelo lʉnʉʉlwo atalɨɨpo umuntu we angalwefwa kufuma mʉ mooyo giinyu.

Mataayi 18:20

Kwe kʉtɨ ɨnga bhalɨ abhantʉ bhabhɨlɨ awe bhatatʉ bhe bhabhungaanile kwɨ taawa lyanɨ, nɨɨne ɨnkʉbha peeka nabho.”

Mataayi 10:13

Ɨnga abhakhaaya abhi nyumba yɨnɨɨyo bhakhondeeye, uwutengaanu wiinyu wʉtɨbhe peeka nabho. Ɨleelo ɨnga bhatakhondeeye, uwutengaanu wiinyu wʉtɨbhagalʉshɨle ɨmwe.

Yookhani 21:1

We zɨnɨɨzyo zyashɨla, uYeesu akhayɨlolesya winza ku bhalandati bhaakwe pambalɨ pa sʉmbɨ ʉwa Tibeeliya, mʉ nsɨ ɨya mʉ Galɨlaaya.

Yookhani 21:14

Khanaakho kháamɨle kha wʉtatʉ uYeesu kʉbhaloleshela abhalandati bhaakwe, we ʉMʉlʉngʉ amʉzyʉsya kufuma kʉ bhafwe.

Mbombo zya Bhasundikwa 1:3

Kʉ khabhalɨlo akhi nsiku amashumi gani kufuma pe ázyushile mu wufwe, akhabhaloleshelaga abhasundikwa bhaala akhinji bhʉʉlo, akhabhalangaga apazelu kʉtɨ ʉweene mwumi. Khabhɨlɨ akhabhamanyɨzyaga ɨnongwa ɨzya wʉmwene wa Mʉlʉngʉ.

3 Yookhani 1:14

Lyoli ɨnkʉsʉʉbhɨla kʉkʉyaatɨla nalʉbhɨlo ɨnga tʉkhalonje we twalolana.