Yookhani 19:11 - ULufingo uLupwa

¹¹ UYeesu akhamwamʉla ʉPɨlaato akhatɨ, “Nhanɨ ʉtalɨ nʉ waamʉlo wowonti kʉkwanɨ ɨnga ʉtapewaaje nʉ Mʉlʉngʉ. Ɨleelo umuntu ʉla we ambiishile mʉ nyoobhe zyakho, alɨ ni mbiibhi ɨmpɨtɨ nhaani kʉshɨla imbiibhi yaakho.”

Yookhani 19:11 ပူးပေါင်းရင်းမြစ်များ

Bhaluumi 13:1

Umuntu weeka weeka akwanzɨwa kubhatinikha abhalongozi abhi silikaali. Kʉnongwa ye ʉwaamʉlo waabho wonti ʉwa kʉtabhaala wukufuma kwa Mʉlʉngʉ. Ʉweene we abhabhiishile bhonti bhe bhalɨ nʉ waamʉlo.

Yookhani 3:27

UYookhani akhabhaamʉla akhatɨ, “Umuntu atangakhola kʉbha na khantʉ ɨnga ʉMʉlʉngʉ atamupiiye.

Mbombo zya Bhasundikwa 2:23

Pɨlongolela, ʉMʉlʉngʉ akhamufumwa uYeesu kukwinyu, anza she ásɨbhɨlɨɨye kʉbhomba, pe ɨmwe mʉkhamʉgoga kwɨ dala ɨlya kʉbhasonjeelezya abhantʉ abhabhiibhi bhe te Bhayahuudi kʉtɨ bhamʉkhomeele pa shɨkhobhenhanyo.

Mbombo zya Bhasundikwa 3:13

ɄMʉlʉngʉ wa Abulahaamu, ʉMʉlʉngʉ wa Isaaka, ʉMʉlʉngʉ wa Yaakobo, ʉMʉlʉngʉ wa bhamaama bhɨɨtʉ, amumwamishile umubhombi waakwe uYeesu kwɨ dala ɨlya kʉmʉponɨa wʉnʉʉyo. Ɨleelo ɨmwe mwámubhiishile uYeesu mʉ nyoobhe zya bhalʉgʉ kʉtɨ bhamʉgoje. Woope ʉPɨlaato akhanzaga kʉtɨ angabhasatʉlɨla uYeesu, ɨmwe mʉkhakhaana,

Yookhani 7:30

Pe bhakhanza ɨdala ɨlya kʉmʉlema, ɨleelo atálɨɨpo umuntu we álinjiziizye kʉmʉlema, kʉnongwa ye akhabhalɨlo khaakwe akha kʉlʉmbɨɨlɨla kháshɨɨlɨ kusila.

Yaakobo 1:17

Ɨshɨkʉnjɨlwa ishinza na khantʉ khokhonti akhalunjisu vwonti vikufuma kʉmwanya kwa Mʉlʉngʉ, uMupeli ʉwa vwonti ɨvwa lʉkhozyo kʉmwanya. Ɨvwa lʉkhozyo vɨnɨɨvwo vɨtakʉlamwa akhabhalɨlo khonti, akhabhalɨlo khamu vikuzima. ɄMʉlʉngʉ atalɨ anzɨ vwa lʉkhozyo vɨnɨɨvwo, ʉweene atakʉgalʉnhana-galʉnhana, lyoli mwinza akhabhalɨlo khonti.

Mataayi 6:13

Ʉtʉlongolaje ɨnga tutakhinjile mʉ ndɨngo, lyoli ʉtʉposhe kwa mʉbhomba mbiibhi uSeetani.’ [Kʉnongwa ye ʉwʉmwene waakho, na makha, nu wumwamu, wiila na wiila. Zɨbhe shɨnɨɨsho.]

Yaakobo 4:17

Pe shɨnɨɨsho, wowonti we amanyile kʉbhomba inyinza, ɨleelo atakʉzɨbhomba, umuntu wʉnʉʉyo akʉbhomba imbiibhi.

Bhaluumi 11:36

Kʉnongwa ye ivintu vwonti vikufuma kʉkwakwe. Vɨkʉjendeelela kʉbha kʉ makha gaakwe, khabhɨlɨ ivintu vwonti vɨlɨɨpo ku wumwamu waakwe. Uwumwamu wʉlɨ na wʉʉyo wiila! Zɨbhe shɨnɨɨsho.

Mbombo zya Bhasundikwa 4:28

Zɨnɨɨzyo zye bhábhombile bhanaabho zye ɨwe ʉkhasɨbhɨlɨlaga kufuma ɨmaandɨ kʉtɨ zɨbhombeshe, mʉ makha gaakho na kʉ shɨgane shaakho.

Mataayi 27:2

Pe bhakhamupinya, bhakhamʉtwala kwa Pɨlaato we akhatabhaalaga.

Maalika 14:44

ɄYʉʉda we atɨmʉlonjeelele, ábhapiiye nzɨɨla ɨshɨlolesyo átɨlɨ, “Ʉla we mwalola namʉtambɨla, mʉkhamanyaje kʉtɨ we wʉʉyo. Mʉkhamʉlemaje na kʉsogola nawo mʉmʉlɨndɨlɨɨye.”

Yookhani 18:3

Pe ʉYʉʉda akhɨnza mu bositaani yɨnɨɨyo, ayɨlongooye ɨmpʉga ɨya bhasikaali abha Shiluumi, peeka na bhalindiilili abhi Nyumba iMfinjile. Bháamɨle na mataala, ɨnhozyo nɨ vɨlwɨlo.

Yookhani 9:41

UYeesu akhabhaamʉla akhatɨ, “Ɨnga mwaafuuye amiiso, mʉtaamɨle mʉbhe ni mbiibhi. Ɨleelo ishi mʉkʉtɨ, ‘Tʉkʉlola,’ lɨnɨɨlyo lɨkʉlolesya kʉtɨ mʉlɨ she mwe bhi mbiibhi.”

Luuka 22:53

Insiku zyonti twabhanga peeka mwi linga ilyi Nyumba iMfinjile, khooni mʉtandemaga! Ɨleelo, ɨkha khe khabhalɨlo khiinyu, khe atabhalaaye ʉmwene ʉwa khiisi.”

Mataayi 26:65

Pe umupuutili ʉmʉpɨtɨ akhadebulanya amenda gaakwe, akhatɨ, “Mwɨmvwa, amashoolanyo! Tʉkwanza bhaashi abhakeeti abhanjɨ? Mwɨmvwa mʉneemwe kʉshoolanya kwakwe!

Yookhani 18:13

Pe bhakhamʉtwala kwa Aanasi. UAanasi wʉnʉʉyo áamɨle wʉ tayɨvwala wa Kayaafa, we áamɨle mupuutili mʉpɨtɨ mʉ mwanha wʉnʉʉwo.

Yookhani 19:10

Pe ʉPɨlaato akhamwamʉla akhatɨ, “Khooni ʉtakʉnaamʉla? Bhʉlɨ, utamanyile kʉtɨ ɨndɨ nʉ waamʉlo ʉwa kʉkʉsatʉlɨla, khabhɨlɨ nʉ wa kʉkʉkhomeela pa shɨkhobhenhanyo?”