Yaakobo 4:11 - ULufingo uLupwa

¹¹ Bhanholo bhaanɨ mʉ lwɨtɨkho, mʉtabhʉzanyaaje akhabhiibhi, kʉnongwa ye umuntu we akʉmʉbhʉʉzya ʉwamwabho akhabhiibhi, awe akʉmʉlonga ʉwamwabho, wʉnʉʉyo akʉzɨlonga akhabhiibhi ɨndajɨzyo zya Mʉlʉngʉ na kʉzɨlola mbiibhi. Akhabhalɨlo khe ʉkʉzɨlola mbiibhi, khabhɨlɨ ʉtakʉzɨlandata, lyoli ʉkʉbha uyibhiishile we mwamuli wɨ ndajɨzyo.

Yaakobo 4:11 ပူးပေါင်းရင်းမြစ်များ

1 Peeteli 2:1

Pe shɨnɨɨsho, mʉwʉleshe uwubhiibhi wonti, ɨlenga, ishisa ɨshɨ lenga, ʉmwone, nu wulumanyi.

Bhaluumi 2:1

Pe ɨwe wamwɨtʉ, we ʉkʉbhalonga abhanjɨ, ʉtangakhola kʉlamba pɨlongolela pa Mʉlʉngʉ, poope ʉbhe we naanu. Kʉnongwa ye ziila zye ʉkʉbhalonga abhanjɨ, ʉkʉyɨlonga wʉneewe, kʉnongwa ye imbiibhi zye ʉweene akʉbhomba zye nɨɨwe ʉkʉzɨbhomba.

Yaakobo 5:9

Bhanholo bhaanɨ, mutabhunanaje, ɨnga mʉtakhalongwe. Yeenyi! UMulonji apalamɨɨye, alɨ pa mʉlyango!

Luuka 6:37

“Mʉtabhalongaje abhanjɨ, pe nɨɨmwe te mʉkhalongwe nʉ Mʉlʉngʉ. Mutabhabhunaje abhanjɨ, pe nɨɨmwe te mukhaabhunwe. Mʉbhatʉyɨlaje abhanjɨ, pe nɨɨmwe mʉkhayɨtʉʉyɨlwa.

1 Bhakolinso 4:5

Pe shɨnɨɨsho, mʉtabhalongaje abhantʉ we khashɨɨlɨ kufikha akhabhalɨlo khaakwe, lyoli mʉgʉʉlɨle kufishila pi siku lye ʉMwene akhayɨnza. Ʉweene we akhayivundula zyonti zye zifisishile mu khiisi, na kʉlolesya apazelu zye zɨlɨ mʉ mooyo ga bhantʉ. Pe umuntu wowonti akhayɨposheela ɨmpaalo ye yɨmʉkhondeeye kufuma kwa Mʉlʉngʉ.

Bhaefeeso 4:31

Khabhɨlɨ mʉleshe ulwisi, uwuviitwe, ʉmʉlakha, ɨshongo, indigo, peeka nu wubhiibhi wonti.

2 Bhakolinso 12:20

Ishi ɨnkwogopa kʉtɨ, we nɨnza kukwinyu ɨnhayɨbhaaga nɨ njendo zye intaziganile, nɨɨmwe mʉkhanaaje ɨndɨ she mʉtakwanza. Ɨnkwogopa kʉtɨ kʉngabha ni bho, ʉmwone, kulumana, uwulyovi, amasenha, uwulumaluma, amabaado, nu wuyanzi mʉneemwe na mʉneemwe.

2 Tiimoti 3:3

Bhakhayɨbha sita lʉgano, na sita kʉkhobhoshelana, bhakhayɨbha na miibhi. Te bhakhayɨjelaje, bhakhayɨbha bhakhali, te bhakhaganzaje aminza,

1 Tiimoti 3:11

Abhashɨ bha bhaavwi, bhoope bhakhondeeye kʉtɨ abhantʉ bhabhashindikhaje. Bhatabhanje bhantanda bhe bhalɨ na miibhi, lyoli bhayɨjelaje. Bhabhanje mu wusunde ku zyonti.

Bhaluumi 7:7

Ishi tʉlonje tʉtɨ bhʉlɨ? Tʉtɨ ɨndajɨzyo mbiibhi? Ndaali! Ɨleelo ɨnga ɨndajɨzyo zɨtabhanje, ɨne nhanɨ intamanyile kʉtɨ imbiibhi khantʉ khooni. Ɨnga yɨtabhanje ɨndajɨzyo ye yɨkʉtɨ, “Ʉtasʉngʉkhaje akhantʉ kha wamwinyu,” ɨne nhanɨ intamanyile kʉtɨ kʉsʉngʉkha akhantʉ kha wamwɨtʉ khabhiibhi.

Bhaluumi 2:13

Bhakhayɨlongwa kʉnongwa ye ʉMʉlʉngʉ atakʉmʉbhaazya uwugolosu umuntu kufumilana na kwɨmvwa ɨndajɨzyo zya Moose, lyoli akʉmʉbhaazya uwugolosu umuntu kʉnongwa ye akʉbhomba gaala ge ɨndajɨzyo zɨkʉlonga.

Yaakobo 1:25

Ɨleelo umuntu we akʉsɨbhɨɨlɨla ku wusimishizu izwi lya Mʉlʉngʉ, lye lɨlɨ na makha aga kʉtʉsatʉla ɨtwe kwepa mu mbiibhi, na kʉlɨlandata sita kwɨwa zye ayimvwizye, wʉnʉʉyo we akʉsaywa mu ziila zye akʉbhomba.

Tiito 2:3

Bhoope abhantanda abhagoosi, ʉbhamanyɨzye kʉtɨ bhayɨsʉngaje, anza she yɨkhondeeye mʉ bhantʉ bha Mʉlʉngʉ, bhatasenhanaje, khabhɨlɨ bhatabhanje bhamwezi. Lyoli bhakhondeeye kʉmanyɨzya zye nyinza,

Yaakobo 1:16

Bhanholo bhaanɨ mʉ lwɨtɨkho abhaganwa, mʉtakhakhopelwe.

Yaakobo 1:19

Bhanholo bhaanɨ mʉ lwɨtɨkho abhaganwa, mʉntejeelezye akhinza! Atakhabhe umuntu kukwinyu we mukhalaganu kʉlonga sita kʉsɨɨbha, lyoli ayilinganyaaje kʉtejeelezya suuti. Khabhɨlɨ atavitwaje nalʉbhɨlo,

Yaakobo 2:8

Mu Wusimbe uWufinjile ɨndajɨzyo ɨya wʉmwene wa Mʉlʉngʉ yɨkʉtɨ, “Ʉmʉgane uwamwinyu anza she uyiganile wʉneewe.” Ɨnga nalyoli mʉkʉbhomba shɨnɨɨsho, we mʉkʉbhomba akhinza.

Yaakobo 5:7

Ishi bhanholo bhaanɨ mʉ lwɨtɨkho, mujimbililaje, paka pe ʉMwene uYeesu Kilisiti akhayɨnza. Yenyaaji uwujimbiilizu wa mulimi. Ʉweene akʉgʉʉlɨla ishiizi shɨmezye na kwelezya ɨvɨyabho vwe awaalile kʉlandatana ni mvula ye yɨkwanzɨwa. Ɨvɨyabho vɨnɨɨvwo vɨlɨ nɨ mbombo kʉkwakwe. Lɨnɨɨlyo lye lɨkʉmʉbhɨɨkha umulimi ajimbiilile nhaani, paka pe vɨkwela.

Yaakobo 5:10

Bhanholo bhaanɨ, yeenyi abhakuwi bha Mwene, bhálonjile anza she ʉMʉlʉngʉ ábhasonteleziizye. Bháyimbile, poope shɨnɨɨsho bhájimbiliiye mʉ khabhalɨlo khonti akha mayɨmba. Ishi nɨɨmwe mʉbhombaje shɨnɨɨsho.