Yaakobo 2:7 - ULufingo uLupwa

⁷ Bhʉlɨ, bhanaabho te bhe bhakuliga ɨtaawa ilyinza ɨlya Yeesu we ɨmwe mwe bhantʉ bhaakwe?

Yaakobo 2:7 ပူးပေါင်းရင်းမြစ်များ

1 Tiimoti 1:13

She poope kʉlʉsalo ʉkwo námusholanyiinye, ɨnhabhayɨmvwaga abhantʉ bhaakwe nhaani na kubhaviisya, ɨleelo uYeesu akhandolela ishisa. Nábhombile ganaago, sita kʉmanya, we ɨnshɨɨlɨ kʉbha nʉ lwɨtɨkho.

Mbombo zya Bhasundikwa 11:26

We amwaga, akhamʉleeta ku Antiokiya. Pe bhakhɨɨkhala kʉʉkwo ʉmwanha wonti, bhakhabhʉngaanaga peeka na bhantʉ abha shɨbhanza, bhakhamanyɨzyaga abhantʉ abhinji nhaani ɨzya Yeesu. Panaapo pa Antiokiya pe abhantʉ bhándile kʉbhatekha abhalandati bha Yeesu kʉtɨ Bhakilisiti.

Wukuwi wa Yookhani 19:16

Mʉ mwenda waakwe na pa lʉtʉngʉ lwakwe asimbiilwe ɨtaawa ɨlya kʉtɨ, “ɄMʉpɨtɨ wa bhapɨtɨ, khabhɨlɨ wʉ Mwene ʉwa bhamwene.”

Wukuwi wa Yookhani 19:13

Ákwatile ʉmwenda we bhadumvishile mʉ mabhanda. Ɨtaawa lyakwe wʉnʉʉyo wu “IZwi lya Mʉlʉngʉ.”

Bhaefeeso 3:15

we Mupeli wa vintu vwonti ɨvwa kʉmwanya nɨ vwa paasɨ.

Mbombo zya Bhasundikwa 26:11

Ɨnhabhombaga akhinji bhʉʉlo ɨnga bhafundwe mu masinagoogi gonti, kʉtɨ bhanga bhangamʉshoolanya uYeesu. Ʉmʉlakha waanɨ wʉkhabha mʉpɨtɨ nhaani kʉkwabho, pe ɨnhabhala kʉbhayɨmvwa na mʉ nhaaya ɨzya kutali.

Mbombo zya Bhasundikwa 4:12

Atalɨɨpo uwunji nʉʉmo we tʉngawaaga uwuposhi kʉkwakwe, kwe kʉtɨ paasɨ ɨpa lɨtalɨɨpo ɨtaawa ilinji lye ɨtwe tʉlɨ nalyo lye lɨngakhola kʉtʉtʉʉla mu mbiibhi.”

Mataayi 12:24

Ɨleelo aBhafalisaayi we bhɨmvwa zɨnɨɨzyo, bhakhatɨ, “Umuntu wʉnʉʉnʉ akʉbhɨnga amapepu amabhiibhi kʉ waamʉlo wa Belizebuuli, ʉmʉpɨtɨ wa mapepu!”

Mataayi 1:23

“Yeenya! Ʉmʉlɨndʉ we atabhalile naalumo nʉ mʉsakhaala, atɨbhe pa wumwamu. Khabhɨlɨ akhayɨpaapa ʉmwana ʉmʉsakhaala! Pe bhakhayimwita ʉmwana wʉnʉʉyo ɨtaawa ɨlya Manweli.” Kwe kʉtɨ, “ɄMʉlʉngʉ alɨ peeka nɨɨtwe.”

Mataayi 27:63

Bhakhamʉbhʉʉzya bhakhatɨ, “Mwene, twakʉmbʉkha kʉtɨ ʉwɨ lenga ʉla we mwumi, álonjile átɨlɨ, ‘We zyashɨla insiku zɨtatʉ, ɨnhayɨzyʉkha.’

Mbombo zya Bhasundikwa 15:17

Pe abhantʉ abhanjɨ bhonti, bhaala bhe te Bhayahuudi bhe ɨmbabhɨlɨshɨɨye kʉtɨ bhabhe bhaanɨ, bhakhayɨmʉlandata ʉMwene.”

1 Peeteli 4:16

Lyoli ɨnga mʉkʉyɨmba kʉnongwa ya kʉbha mwe bhalandati bha Kilisiti, mʉtakhaalole insoni, lyoli mʉmʉpaalaje ʉMʉlʉngʉ kʉnongwa ye bhakʉbhatekha kʉtɨ mwe bha Kilisiti.