Mbombo zya Bhasundikwa 9:19 - ULufingo uLupwa

¹⁹ We aalya ishaakulya, akhabha na makha winza. USauli áyɨkhaaye insiku inyinsi mʉ nhaaya yɨnɨɨyo ɨya mu Dameesiki, áamɨle peeka na bhalandati bha Mwene uYeesu.

Mbombo zya Bhasundikwa 9:19 ပူးပေါင်းရင်းမြစ်များ

Mbombo zya Bhasundikwa 26:20

Lyoli ɨnhanda kʉlʉmbɨɨlɨla abhantʉ abha mu Dameesiki, kʉtɨ bhalaataje imbiibhi zyabho, bhamʉgalʉshɨle ʉMʉlʉngʉ na kʉbhomba zye zɨkʉlolesya kʉtɨ bhapindushile mʉ mooyo gaabho. Pɨlongolela, ɨnhalʉmbɨɨlɨla amazwi gagaala na kʉ bhantʉ abha mu Yelusaleemu, abha mʉ nsɨ yonti ɨya mu Yudeeya, na kʉ bhantʉ bhe te Bhayahuudi.

Bhagalatiya 1:17

na sita kʉbhala suuti mu Yelusaleemu kʉ bhaala bhe bhántangʉlɨɨye kʉbha bhasundikwa. Ɨleelo nábhalile suuti mʉ nsɨ ɨya Alaabiya, pe ɨnhagalʉkha winza mʉ nhaaya ɨya mu Dameesiki.

Mbombo zya Bhasundikwa 11:26

We amwaga, akhamʉleeta ku Antiokiya. Pe bhakhɨɨkhala kʉʉkwo ʉmwanha wonti, bhakhabhʉngaanaga peeka na bhantʉ abha shɨbhanza, bhakhamanyɨzyaga abhantʉ abhinji nhaani ɨzya Yeesu. Panaapo pa Antiokiya pe abhantʉ bhándile kʉbhatekha abhalandati bha Yeesu kʉtɨ Bhakilisiti.

Mbombo zya Bhasundikwa 9:18

Nalʉbhɨlo ʉtʉkooko twe tʉlɨ ngatɨ tʉgoola tʉkhalenda mu miiso ga Sauli, akhanda kʉlola. Pe akhɨmɨɨlɨla, akhoozelwa.

Mbombo zya Bhasundikwa 9:26

Pɨlongolela, uSauli akhabhala ku Yelusaleemu, akhalɨngaga kʉsangaana na bhalandati bha Yeesu. Ɨleelo bhonti bhámwogopile, kʉnongwa ye bhatítishile kʉtɨ abha mulandati wa Yeesu.

Mbombo zya Bhasundikwa 9:38

Mʉ khabhalɨlo khanaakho abhalandati bha Yeesu bhakhɨmvwa kʉtɨ uPeeteli alɨ mu Luuda. Pe bhakhabhasonteelezya kʉkwakwe abhantʉ bhabhɨlɨ, kʉnongwa ye ɨnhaaya yɨnɨɨyo yáamɨle papɨɨpɨ nɨ nhaaya yaabho ɨya mʉ Yaafa. Abhantʉ bhe bhábhasonteleziizye bhakhamʉlamba uPeeteli bhakhatɨ, “Twalamba ʉyɨnze kʉkwɨtʉ sita kʉkhabhɨɨlɨla!”

Mbombo zya Bhasundikwa 11:29

Kufumilana na zɨnɨɨzyo abhalandati bha Yeesu bhakhɨtɨnhana kʉtɨ, weeka weeka afumwe ivintu, kufumilana na viila vwe alɨ navwo, kʉtɨ vwavwaje abhamwabho bhe bhitishile ku Yudeeya.