Mbombo zya Bhasundikwa 4:13 - ULufingo uLupwa

¹³ Abhapɨtɨ bhaala bhakhalola kʉtɨ uPeeteli nu Yookhani bhakʉbhaamʉla ku wudandamazu, khabhɨlɨ bháamɨle bhantʉ bhe bhatáshɨlɨɨye mu nsukuulu, pe bhakhaswiga nhaani. Bhakhazyaganya kʉtɨ uPeeteli nu Yookhani bháamɨle peeka nu Yeesu.

Mbombo zya Bhasundikwa 4:13 ပူးပေါင်းရင်းမြစ်များ

1 Bhakolinso 1:27

ɄMʉlʉngʉ ábhasebhile abhantʉ bhe mʉ nsɨ bhakʉlolekha bhalema, ɨnga abhasʉʉpɨzye abhɨ njeele. Khabhɨlɨ ʉMʉlʉngʉ ábhasebhile abhantʉ bhe bhakʉlolekha mʉ nsɨ bhatolwe, ɨnga abhasʉʉpɨzye abha makha.

Yookhani 7:15

Pe abhalongozi abha Bhayahuudi bhakhaswiga bhakhatɨ, “Umuntu wʉnʉʉnʉ amanyile bhʉlɨɨbhʉlɨ ziniizi, we atabhaziizye?”

Mataayi 11:25

Akhabhalɨlo khanaakho uYeesu akhajendeelela kʉlonga akhatɨ, “Inkukusalifwa we Taata, wʉMwene ʉwa kʉmwanya na paasɨ, kʉnongwa ye ubhafisile abhantʉ abhɨ njeele na bhabhaazye ɨnongwa ziniizi, ɨleelo uzibhiishile apazelu kʉ bhaana abhansi.

Mataayi 26:73

We akhabhalɨlo khaashɨla khashe, abhantʉ bhaala bhe bhɨ́mɨlɨɨye paala, bhakhamʉsejeelela uPeeteli, bhakhamʉbhʉʉzya bhakhatɨ, “Nalyoli ɨwe ʉlɨ peeka na bhantʉ bhanaabho, kʉnongwa ye poope kʉlonga kwakho kʉkʉmanyɨsya kʉtɨ ufumile kʉ Galɨlaaya!”

Yookhani 7:49

Ɨleelo ɨmpʉga ɨya bhantʉ bhe bhatazimanyile ɨndajɨzyo zya Moose bhaguniilwe.”

Luuka 22:8

Pe uYeesu akhamʉsonteelezya uPeeteli nu Yookhani, akhabhabhʉʉzya akhatɨ, “Bhalaji mʉtʉlɨnganɨzanye ishaakulya ɨshɨ Pasaaka.”

Mataayi 26:71

Pe akhasogola paala, akhafuma kunzi kʉ mʉlyango ʉwa lʉbhaga. Umubhombi ʉwamwabho ʉmʉlɨndʉ akhamʉlola, akhabhabhʉʉzya abhantʉ bhe bhálɨɨpo paala akhatɨ, “Umuntu ʉnʉ aamɨle peeka nu Yeesu ʉwa mu Naazaleti.”

Yookhani 19:26

UYeesu we amʉlola unyina waakwe, nu mulandati we ámuganile nhaani ayɨmɨlɨɨye papɨɨpɨ nu nyina waakwe, akhatɨ, “We nyina waanɨ, mwenye ʉnʉ. Ʉmʉbhɨɨshe abhe mwana waakho.”

Mbombo zya Bhasundikwa 4:14

Abhapɨtɨ bhaala we bhaalola ʉmʉsakhaala ʉla we aponile ayɨmɨlɨɨye panaapo peeka nu Peeteli nu Yookhani, bhakhapootwa amazwi aga kʉlonga.

Mbombo zya Bhasundikwa 4:19

UPeeteli nu Yookhani bhakhatɨ, “Ɨmwe mʉneemwe mufumwe ʉwaamʉlo, ɨnga yɨkʉkhondela pamiiso ga Mʉlʉngʉ kʉtɨ ɨmwe mwe tubhatinikhaje kʉshɨla kumutinikha ʉMʉlʉngʉ wʉʉyo.

Mbombo zya Bhasundikwa 4:29

Ishi ɨwe Mwene, yeenya she bhatwogofwa! Ʉtwavwe, ɨtwe tubhabhombi bhaakho, ɨnga tʉlʉmbɨlɨlaje izwi lyakho ku wudandamazu nhaani.

Mbombo zya Bhasundikwa 4:31

Abhantʉ bhanaabho we bhaamala kʉlaabha kwa Mʉlʉngʉ, nalʉbhɨlo paala pe bhábhungaanile pakhayingaana. UMupepu uMufinjile akhabhalongozya bhonti, bhakhanda kʉlʉmbɨɨlɨla intumi zya Mʉlʉngʉ ku wudandamazu.

Mbombo zya Bhasundikwa 9:27

Ɨleelo ʉBalɨnaaba akhamʉtwala uSauli ku bhasundikwa bha Yeesu. Akhabhabhʉʉzya she uSauli ámulolile ʉMwene mwɨ dala ɨlya kʉbhala mu Dameesiki, na she ʉMwene ámubhuziizye. Akhabhabhʉʉzya she uSauli álʉmbɨlɨɨye abhantʉ abha kʉʉkwo ɨzya Yeesu ku wudandamazu.

Mbombo zya Bhasundikwa 9:28

Pe uSauli akhasyala peeka na bhasundikwa bha Mwene. Akhazyʉngʉʉlaga mu Yelusaleemu, kumo akʉlʉmbɨɨlɨla abhantʉ ɨzya Mwene ku wudandamazu.

1 Bhakolinso 14:25

Zye zɨlɨ mʉ mwoyo waakwe, zɨkʉbha apazelu. Pe atɨsʉgamɨle na kumupuuta ʉMʉlʉngʉ kʉtɨ, “Nalyoli ʉMʉlʉngʉ alɨ peeka nɨɨmwe!”

2 Bhakolinso 3:12

Kʉnongwa ye ulu lwe lʉsʉʉbhɨlo lwɨtʉ, ɨtwe tʉkʉlonga ku wudandamazu.