Mbombo zya Bhasundikwa 19:2 - ULufingo uLupwa

² akhabhabhʉzɨɨlɨzya akhatɨ, “We mwamwɨtɨkha uYeesu, bhʉlɨ, mwámʉposheleeye uMupepu uMufinjile?” Bhakhamwamʉla bhakhatɨ, “Ndaali, poope na kwɨmvwa kʉtɨ alɨɨpo, tutimvwizye naalumo.”

Mbombo zya Bhasundikwa 19:2 ပူးပေါင်းရင်းမြစ်များ

Bhagalatiya 3:5

Bhʉlɨ, ʉMʉlʉngʉ abhapiiye uMupepu uMufinjile na kʉbhomba amayele pakaasi yiinyu, kʉnongwa ye mʉkʉlandata ɨndajɨzyo, awe kʉnongwa ye mʉkwɨmvwa iNtumi iNyinza na kʉzyɨtɨkha?

1 Bhakolinso 6:19

Bhʉlɨ, mutamanyile kʉtɨ, amabhɨlɨ giinyu nyumba ya Mupepu uMufinjile we alɨ mukaasi yiinyu, we ʉMʉlʉngʉ abhapiiye? Amabhɨlɨ te shʉʉma shiinyu,

Yookhani 7:39

UYeesu akhalongaga kʉ zya Mupepu uMufinjile we bhonti bhe bhamwitishile, bhakhayɨmʉposheela. Akhabhalɨlo khanaakho, uMupepu uMufinjile áshɨɨlɨ kwɨnza, kʉnongwa ye ʉMʉlʉngʉ áshɨɨlɨ kʉlolesya apazelu uwumwamu wa Yeesu.

Mbombo zya Bhasundikwa 19:5

Abhantʉ bhaala, we bhɨmvwa ganaago amazwi, bhoope bhakhoozelwa kwɨ taawa lya Mwene uYeesu.

Mbombo zya Bhasundikwa 10:44

UPeeteli we akʉlonga amazwi ganaago, uMupepu uMufinjile akhabhiishila bhonti bhe bhágimvwizye.

Mbombo zya Bhasundikwa 2:17

‘Mu nsiku ɨzya kʉmpeleela, akʉlonga ʉMʉlʉngʉ, ɨnhayɨɨbhapa uMupepu waanɨ ku winji abhantʉ bhonti. Abhaana bhiinyu abhasakhaala na bhalɨndʉ bhiinyu bhakhayifumwaga uwukuwi, na bhaana bhiinyu abhatunta bhakhayɨlolaga injozi ɨzya pamiiso amazelu, na bhagoosi bhiinyu bhakhayɨlootaga injozi.

Bhaluumi 1:11

Kʉnongwa ye insambile nhaani kʉbhalola, ɨnga ɨmbape ɨshɨkʉnjɨlwa ɨsha shifinjile ɨnga mʉgome amooyo.