Mbombo zya Bhasundikwa 18:9 - ULufingo uLupwa

⁹ Isiku limo uwusiku, ʉMwene akhamʉbhʉʉzya ʉPaʉlo mu njozi ɨzya pamiiso amazelu akhatɨ, “Ʉtogopaje, ʉjendeelele kʉlʉmbɨɨlɨla, ʉtakhakhatampe,

Mbombo zya Bhasundikwa 18:9 ပူးပေါင်းရင်းမြစ်များ

Mbombo zya Bhasundikwa 23:11

Uwusiku uwi siku lɨnɨɨlyo, ʉMwene uYeesu akhɨmɨɨlɨla pambalɨ pa Paʉlo, akhamʉbhʉʉzya akhatɨ, “Yɨgomwe ʉmwoyo! Uwukeeti waakho we waafumwa kʉkwanɨ pa Yelusaleemu ɨpa, shɨnɨɨsho she ʉkwanzɨwa kumfumwizya uwukeeti wʉnʉʉwo na ku Luumi kwope.”

Mbombo zya Bhasundikwa 16:9

Shawusiku ʉPaʉlo akhalola mu njozi ɨzya pamiiso amazelu ʉmʉsakhaala ʉwa mu Makedoniya ayɨmɨlɨɨye, akʉlamba nhaani akʉtɨ, “Fumiila, ʉyɨnze ku Makedoniya ʉtwavwe.”

1 Bhatesalonike 2:2

Khabhɨlɨ mumanyile kʉtɨ we twáshɨɨlɨ kufikha kukwinyu, twáyimbile na kuligwa mʉ nhaaya ɨya mu Filiipi. She poope kukwinyu kwámɨle na bhe bhakudindanjila nhaani, ɨleelo ʉMʉlʉngʉ átupiiye uwudandamazu ʉwa kʉlʉmbɨɨlɨla iNtumi iNyinza.

Mbombo zya Bhasundikwa 22:18

Mu njozi zɨnɨɨzyo, ɨnhalola ʉMwene akʉmbʉʉzya akʉtɨ, ‘Ʉkhalagane nalʉbhɨlo, ʉsogole mu Yelusaleemu! Kʉnongwa ye uwukeeti waakho kʉkwanɨ, abhantʉ abhɨ nhaaya ɨnɨ te bhawɨɨtɨshe.’

Mbombo zya Bhasundikwa 9:10

Mu Dameesiki, mwámɨle umulandati ʉmo ʉwa Mwene uYeesu, ɨtaawa lyakwe bhakhatɨnjɨ uAnaniya. ɄMwene akhamʉbhɨlɨshɨla uAnaniya mu njozi ɨzya pamiiso amazelu akhatɨ, “We Ananiya!” Woope akhatɨ, “Angɨɨne ɨndɨ ɨpa Mwene.”

Mbombo zya Bhasundikwa 18:10

kʉnongwa ye ɨne ɨndɨ peeka nɨɨwe. Atalɨɨpo umuntu we angakubuda kʉtɨ akʉvwalazye, kʉnongwa ye mʉ nhaaya yɨnɨɨnɨ insebhile abhantʉ abhinji kʉbha bhalandati bhaanɨ.”

1 Bhakolinso 9:1

Bhʉlɨ, ɨne te ne mʉsatʉlwe? Bhʉlɨ, ɨne te ne musundikwa? Bhʉlɨ, ɨne intámulolile uYeesu ʉMwene wɨɨtʉ? Bhʉlɨ, ɨmwe mutamwitishile ʉMwene uYeesu kufumilana nɨ mbombo zye ɨne nábhombile?