Mbombo zya Bhasundikwa 18:24 - ULufingo uLupwa

²⁴ Mʉ khabhalɨlo khanaakho, uMuyahuudi ʉmo, ɨtaawa lyakwe ʉApoolo, we ápapiilwe mʉ nhaaya ɨya ku Alekizandeeliya, akhɨnza mʉ Efeeso. Áamɨle mumanyi ʉwa kʉlonga, ámanyile nhaani uWusimbe uWufinjile.

Mbombo zya Bhasundikwa 18:24 ပူးပေါင်းရင်းမြစ်များ

Tiito 3:13

Ʉbhombe kʉ makha gonti kʉmwavwa uZeenasi, ʉla we akʉlambɨla abhantʉ, nʉ Apoolo kʉtɨ bhatakhabhʉlɨlwe akhantʉ naakhamu we bhakʉshʉʉla kʉlʉmbɨɨlɨla iNtumi iNyinza.

1 Bhakolinso 4:6

Ishi, bhanholo bhaanɨ mʉ lwɨtɨkho, amazwi gonti ganaago ge nalonga kʉ zya Apoolo na kʉ zyanɨ, shɨkholanyo kukwinyu. Kufumilana nɨ shɨkholanyo shaanɨ nɨ sha Apoolo, ɨnkwanza kʉtɨ mʉmanye ɨndonjelo ye yɨkʉtɨ, “Zɨlemaje zye zisimbiilwe mu Wusimbe uWufinjile nyeene.” Atakhabhe umuntu pakaasi yiinyu we akʉyɨbaadɨla umuntu weeka na kʉmʉshoolanya uwunji.

1 Bhakolinso 16:12

Ɨleelo kʉ zya nholo wɨɨtʉ mʉ lwɨtɨkho ʉApoolo, imulambile nhaani kʉtɨ ayɨnze kukwinyu peeka na bhe bhitishile abhamwabho. Ɨleelo ʉweene atayiganile kwɨnza akhabhalɨlo ɨkha, lyoli akhayɨnza we abha na khabhalɨlo.

1 Bhakolinso 1:12

Ishi, zye ɨnkwanza kʉlonga zye zi ziizi: weeka weeka mukaasi yiinyu akʉlonga ɨzyakwe, ʉmo akʉtɨ, “Ɨne ne wa Paʉlo.” Ʉwamwabho akʉtɨ, “Ɨne ne wa Apoolo.” Ʉwamwabho akʉtɨ, “Ɨne ne wa Keefa.” Ʉwamwabho akʉtɨ, “Ɨne ne wa Kilisiti.”

Mbombo zya Bhasundikwa 6:9

Ɨleelo aBhayahuudi bhamu bhakhalɨngaga kʉdalɨnhana nawo. Bhanaabho bháfumile mwi sinagoogi, lye bhakhatɨnjɨ iSinagoogi ɨlya Bhantʉ aBhasatʉlwe. Bhamu mʉ bhanaabho, bháfumile mʉ nhaaya ɨya ku Kileene, na ku Alekizandeeliya, bhamu mʉ bhanaabho bháfumile mʉ mʉkoa ʉwa mu Kilikiya, nʉ wa mu Asiya. She poope aBhayahuudi bhanaabho bhakhadalɨnhanaga nu Siteefani,

Bhakolosaayi 3:16

Izwi lya Kilisiti lyɨkhalaje ku winji mukaasi yiinyu. Mʉmanyɨzanyaaje, na kʉsokhana mʉ njeele zyonti. Mʉmwɨmbɨlaje ʉMʉlʉngʉ kʉ mooyo giinyu, ku zabuuli na kʉ nyɨmbo ɨzya shifinjile, peeka na kumusalifwa.

2 Bhakolinso 10:10

Kʉnongwa ye bhamu bhakʉtɨ, “Amakalaata ga Paʉlo makhali, khabhɨlɨ magomu, ɨleelo ʉweene wʉʉyo we alɨ peeka nɨɨtwe muntu mudeganu, poope we akʉlonga amazwi gaakwe gatalɨ nu winza.”

Mbombo zya Bhasundikwa 27:6

Panaapo, ʉmʉpɨtɨ ʉwa bhasikaali ʉla akhayaaga papaala imeeli ye yáfumile mʉ nhaaya ɨya mu Alekizandeeliya ye yɨkhabhalaga kʉ nsɨ ɨya ku Itaaliya, tʉkhapanda twenti mu meeli yɨnɨɨyo.

Mbombo zya Bhasundikwa 7:22

Bhakhamʉmanyɨzya ʉMoose ɨmanyɨzyo zyonti ɨzya Bhamiisili, akhabha mudandamazu kʉlonga, khabhɨlɨ akhabha mugolosu mʉ njendo zyakwe.

Luuka 24:19

Woope uYeesu akhatɨ, “Kʉlɨ nongwa zyoni?” Bhakhamwamʉla bhakhatɨ, “Ɨnongwa zye bhamʉbhombeeye uYeesu ʉwa ku Naazaleti. Umuntu ʉyo aamɨle mukuwi, khabhɨlɨ aamɨle na makha aminji mʉ mbombo na mu mazwi gaakwe, ʉMʉlʉngʉ na bhantʉ bhaakhondeziizwe nawo.

Mataayi 13:52

Woope akhabhaamʉla akhatɨ, “Kʉnongwa yɨnɨɨyo, umumanyizyi wowonti ʉwɨ ndajɨzyo zya Moose we akʉbha mulandati mʉ wʉmwene ʉwa kʉmwanya, akʉkholana nu wi nyumba we akufumwa mʉ shʉʉma shaakwe ivintu ivipwa nɨ vwɨ maandɨ.”

Mbombo zya Bhasundikwa 18:28

Akhabhatolaga aBhayahuudi ku wudandamazu pa mbɨmbɨlɨ ya bhantʉ, kwɨ dala ɨlya kubhasimishizya nu Wusimbe uWufinjile kʉtɨ uYeesu wu Kilisiti.

Mbombo zya Bhasundikwa 18:19

We bhaafikha mʉ Efeeso, ʉPaʉlo akhabhalekha uPulisika nu Akiila kʉtɨ bhɨkhalaje kʉnʉʉkwo. Akhinjila mwi sinagoogi, akhabhalʉmbɨlɨlaga aBhayahuudi.

Mbombo zya Bhasundikwa 18:21

Akhabhalaga akhabhabhʉʉzya akhatɨ, “Ɨnga ʉMʉlʉngʉ ayɨgana, ɨnhayɨgalʉkha winza kukwinyu.” Pe akhasogola pa Efeeso ni meeli.

Mbombo zya Bhasundikwa 19:1

Kʉ khabhalɨlo khanaakho khe ʉApoolo áamɨle pa Kolinso, ʉPaʉlo woope akhashʉʉlaga mʉ nsɨ ɨya mu Asiya, akhafikha mʉ Efeeso. We alɨ pa Efeeso, akhakhomaana na bhalandati bha Yeesu bhamu,