Mbombo zya Bhasundikwa 16:9 - ULufingo uLupwa

⁹ Shawusiku ʉPaʉlo akhalola mu njozi ɨzya pamiiso amazelu ʉmʉsakhaala ʉwa mu Makedoniya ayɨmɨlɨɨye, akʉlamba nhaani akʉtɨ, “Fumiila, ʉyɨnze ku Makedoniya ʉtwavwe.”

Mbombo zya Bhasundikwa 16:9 ပူးပေါင်းရင်းမြစ်များ

Mbombo zya Bhasundikwa 19:21

We zyashɨla zɨnɨɨzyo zyonti, ʉPaʉlo akhasɨɨbha kʉtɨ abhale ku Yelusaleemu kʉshɨlɨla mu Makedoniya, na mʉ Akaaya. Akhalonga akhatɨ, “We naafikha mu Yelusaleemu, yɨkʉtɨ imfishe na mu Luumi.”

Mbombo zya Bhasundikwa 18:5

We ʉSɨɨla nu Tiimoti bhaafikha kufuma ku Makedoniya, ʉPaʉlo akhanda kʉmanyɨzya izwi lya Mʉlʉngʉ mʉ khabhalɨlo khaakwe khonti ku Bhayahuudi, akhafumwaga uwukeeti kʉtɨ uYeesu wu Kilisiti.

Bhaluumi 15:26

Kʉnongwa ye ɨvɨbhanza ɨvwa ku Makedoniya nɨ vwa kʉ Akaaya vwálolile khinza kʉsangʉla ivintu vwabho ɨvwa kʉbhaavwa abhafinjile bhe bhapɨɨna ku Yelusaleemu.

Mbombo zya Bhasundikwa 20:1

Ibho liila ɨlya pa Efeeso, we lyasila, ʉPaʉlo akhabhabhʉngaanɨkha abhalandati abha paala, akhabhagomwa ʉmwoyo, akhalagana nabho, akhasogola akhabhala mu Makedoniya.

1 Bhatesalonike 4:10

Nalyoli she mubhaganile abhanholo bhiinyu mʉ lwɨtɨkho bhonti abha mʉ nsɨ ɨya mu Makedoniya. Ishi tʉkʉbhalaabha mwonjezye kʉganana.

2 Bhakolinso 12:7

Ɨleelo nábhishiilwe akhantʉ mʉ mʉbhɨlɨ waanɨ khe khakumpa amavune anza aga kʉlaswa ni lyimvwa, ɨnga ɨntayɨbaadaje nhaani ku winji ʉwa ziila zye ʉMwene uYeesu andolesiizye. Akhantʉ khanaakho ngatɨ mubhombi wa Seetani, we asonteleziizwe kʉnhoma na kundinda ɨntakhayɨbaade nhaani.

2 Bhakolinso 11:9

Akhabhalɨlo khanaakho, ɨnga nabhʉlɨlwa akhantʉ khokhonti, ɨntáamɨle ne muzigo kwa muntu, kʉnongwa ye abhanholo bhɨɨtʉ mʉ lwɨtɨkho abha ku Makedoniya bhámpiiye vwe nábhuliliilwe. Pe shɨnɨɨsho, náyidindile nhaani ɨnga ɨntakhabhe ne muzigo kukwinyu kwɨ dala lyolyonti, khabhɨlɨ ɨntɨjendeelele kuyidinda.

2 Bhakolinso 9:2

Kʉnongwa ye imanyile she mʉlɨ nʉ mwoyo ʉwa kwavwa, khabhɨlɨ náyibaadile kʉnongwa yiinyu kʉ zyɨ nongwa zɨnɨɨzyo kʉ bhantʉ abha ku Makedoniya. Nábhabhuziizye nátɨlɨ, “Abhanholo bhɨɨtʉ abha mʉ Akaaya bhaayilinganyiinye kufumwa kufuma ʉmwanha we waashilile.” Shɨnɨɨsho ʉmwoyo ʉwa kufumwa kwinyu, wʉbhambʉshɨɨye abhinji kufumwa.

2 Bhakolinso 8:1

Ishi bhanholo bhɨɨtʉ mʉ lwɨtɨkho, tʉkwanza tʉbhabhʉʉzye she ʉMʉlʉngʉ avipiiye uwiila ɨvɨbhanza ɨvwa mu Makedoniya.

2 Bhakolinso 7:5

We twafikha ku Makedoniya, twápotiilwe kʉtʉʉzya, kʉnongwa ye twámɨle na mayɨmba ɨmbalɨ zyonti. Kunzi kwámɨle ni bho, mukaasi mʉ mooyo gɨɨtʉ twátuuyile.

Mbombo zya Bhasundikwa 20:3

akhɨɨkhala ameezi gatatʉ kʉʉkwo. We akʉyɨlɨngaanya kʉgalʉkha mu meeli kʉbhala mu Siiliya, akhamanya kʉtɨ aBhayahuudi bhakʉsɨbhɨɨlɨla kʉmʉbhomba akhabhiibhi we akʉshʉʉla, pe akhajenda ʉlwa paasɨ, akhashɨlɨla ku Makedoniya.

Mbombo zya Bhasundikwa 10:30

UKolineeliyo akhamwamʉla akhatɨ, “Zyashɨla insiku zɨtatʉ kufuma mʉ khabhalɨlo khe ɨnhamʉlaabhaga ʉMʉlʉngʉ mu nyumba yaanɨ ɨnɨ, mʉ khabhalɨlo anza khanaakha akha mʉ saa tisa ɨya shamʉsanya. Nalʉbhɨlo ɨnhalola umuntu ayɨmɨlɨɨye pɨlongolela yaanɨ, akwatile amenda ge gakumeetukha.

Mbombo zya Bhasundikwa 10:3

Isiku limo pamu mʉ saa tisa ɨya shamʉsanya, uKolineeliyo akhalola injozi ɨzya pamiiso amazelu. Mu njozi zɨnɨɨzyo, akhalola ʉkhabhɨzya wa Mʉlʉngʉ amʉloleshela. Ʉkhabhɨzya akhamʉbhʉʉzya akhatɨ, “We Kolineeliyo!”

Mbombo zya Bhasundikwa 9:38

Mʉ khabhalɨlo khanaakho abhalandati bha Yeesu bhakhɨmvwa kʉtɨ uPeeteli alɨ mu Luuda. Pe bhakhabhasonteelezya kʉkwakwe abhantʉ bhabhɨlɨ, kʉnongwa ye ɨnhaaya yɨnɨɨyo yáamɨle papɨɨpɨ nɨ nhaaya yaabho ɨya mʉ Yaafa. Abhantʉ bhe bhábhasonteleziizye bhakhamʉlamba uPeeteli bhakhatɨ, “Twalamba ʉyɨnze kʉkwɨtʉ sita kʉkhabhɨɨlɨla!”

Mbombo zya Bhasundikwa 16:10

ɄPaʉlo we aalola injozi zɨnɨɨzyo, nalʉbhɨlo bhʉʉlo tʉkhayɨlɨngaanya kʉbhala ku Makedoniya, kʉnongwa ye tʉkhamanya kʉtɨ ʉMʉlʉngʉ atʉbhɨlɨshɨɨye kʉbhalʉmbɨɨlɨla abhantʉ bhaala iNtumi iNyinza.

Mbombo zya Bhasundikwa 16:12

Panaapo, tʉkhayɨlekha imeeli, tʉkhashʉʉla tukhafikha mu Filiipi, ye yáamɨle nhaaya mpɨtɨ ɨya mʉ nsɨ ɨya Makedoniya, ye aBhaluumi bhakhatabhaalaga. Twɨ́khaaye mʉ nhaaya yiila insiku nyishe.

Mbombo zya Bhasundikwa 19:22

Pe akhabhasonteelezya abhantʉ bhabhɨlɨ mʉ bhaala bhe bhakhamwavwaga, uTiimoti nu Elaasito, kʉtɨ bhalongolele kʉbhala ku Makedoniya, ʉweene akhasyala mu Asiya kʉ khabhalɨlo khashe.

Mbombo zya Bhasundikwa 19:29

Ɨnhaaya yonti ɨya mʉ Efeeso yɨkhabha ni bho. Bhakhabhalema abhantʉ bhabhɨlɨ abha mu Makedoniya, ʉGaayo nu Alisitaaliko, bhe bhakhashʉʉlaga peeka nʉ Paʉlo. Bhakhabhala nabho pa shɨbhanje.

Mbombo zya Bhasundikwa 27:2

Pe tʉkhapanda mu meeli yimo ye yáfumile mu Adalamitiyo ye yɨkhashʉʉlaga kʉbhala mu vivulugo vimo ɨvwa mʉ nsɨ ɨya mu Asiya. We tʉkʉsogola panaapo, twámɨle peeka nu Alisitaaliko, ʉwa mʉ nhaaya ɨya mu Tesalonike mʉ nsɨ ɨya mu Makedoniya.