Mbombo zya Bhasundikwa 15:23 - ULufingo uLupwa

²³ Bhakhabhasonteelezya nɨ kalaata lye lɨkʉtɨ: “Ɨtwe tubhasundikwa peeka na bhasongo abha shɨbhanza, tubhamwinyu, tʉkʉbhalamʉkha ɨmwe mʉbhamwɨtʉ mwe te mwe Bhayahuudi mwe mʉlɨ mu Antiokiya, mʉ nsɨ ɨya mu Siiliya, na bha mʉ nsɨ ɨya mu Kilikiya.

Mbombo zya Bhasundikwa 15:23 ပူးပေါင်းရင်းမြစ်များ

Mbombo zya Bhasundikwa 23:26

“Feliki ʉwa lushindikho wʉ mʉpɨtɨ wɨ nsɨ, neene ne Kilaudiyo Lusiya, ɨnkʉkʉlamʉkha.

Yaakobo 1:1

Ɨne ne Yaakobo, umubhombi wa Mʉlʉngʉ, nʉ wa Mwene uYeesu Kilisiti. Ɨnkʉbhalamʉkha ɨmwe muBhayahuudi mwe mwitishile mwenti abha vɨkholo ishumi na vɨbhɨlɨ, mwe musaatile mʉ nsɨ nɨɨzyo nɨɨzyo.

Bhagalatiya 1:21

Pɨlongolela, ɨnhabhala mʉ mʉkoa ʉwa Siiliya nʉ wa Kilikiya.

Mbombo zya Bhasundikwa 15:22

Pe abhasundikwa, abhasongo, nɨ shɨbhanza shonti ɨsha pa Yelusaleemu bhakhafumwa ʉwaamʉlo peeka, kʉtɨ bhasebhe bhamu mʉ bhanaabho bhe bhatɨbhale peeka nʉ Paʉlo nʉ Balɨnaaba ku Antiokiya. Bhakhasebha abhantʉ bhabhɨlɨ, bhe bháamɨle bhalongozi bhamwabho, weeka áamɨle wʉ Yʉʉda, we bhakhatɨnjɨ ʉBalɨsaaba, ʉwamwabho áamɨle wʉ Sɨɨla.

3 Yookhani 1:14

Lyoli ɨnkʉsʉʉbhɨla kʉkʉyaatɨla nalʉbhɨlo ɨnga tʉkhalonje we twalolana.

2 Yookhani 1:13

Abhaana bha yɨlʉmbʉ waakho mʉ lwɨtɨkho ʉmʉsaabhʉlwa, bhakʉkʉlamʉkha.

2 Yookhani 1:10

Ɨnga umuntu akwɨnza kukwinyu we atakʉmanyɨzya ɨmanyɨzyo zɨnɨɨzyo ɨzya Kilisiti, mʉtakhamʉposheele mu nyumba zyinyu, khabhɨlɨ mʉtakhamʉlamʉshe ngatɨ Mukilisiti wamwinyu.

2 Yookhani 1:3

ɄTaata ʉMʉlʉngʉ nʉ Mwana waakwe uYeesu Kilisiti, bhatɨtʉlolele uwiila ni shisa, na kuutupa uwutengaanu, mu wanalyoli, na mʉ lʉgano.

Mbombo zya Bhasundikwa 15:41

Akhashɨla mʉ nsɨ ɨya mu Siiliya, nɨ ya mu Kilikiya, akhavɨgomwaga ɨvɨbhanza.

Mbombo zya Bhasundikwa 15:4

ɄPaʉlo na bhamwabho, we bhaafikha mu Yelusaleemu, abhasundikwa, abhasongo na bhantʉ abha shɨbhanza bhakhabhaposheela akhinza. ɄPaʉlo na bhamwabho bhakhabhabhʉʉzya gonti ge ʉMʉlʉngʉ abhombile kʉshɨlɨla kʉkwabho.

Mbombo zya Bhasundikwa 15:1

Abhantʉ bhamu bhakhafuma ku Yudeeya, bhakhabhala mu Antiokiya. Bhakhanda kʉmanyɨzya bhe bhitishile kʉtɨ, “Ɨnga mutatahiliilwe kʉlandatana na minho ge ʉMoose atʉlesheeye, mʉtangakhola kʉwaaga uwuposhi.”

Mbombo zya Bhasundikwa 14:27

We bhaafikha pa Antiokiya, bhakhabhabhʉngaanɨkha abhantʉ abha shɨbhanza. Bhakhabhabhʉʉzya zyonti zye ʉMʉlʉngʉ abhombile kʉshɨlɨla kʉkwabho, na she abhiguliiye bhe te Bhayahuudi ʉmʉlyango ʉwa kʉmwɨtɨkha uYeesu.

Mbombo zya Bhasundikwa 21:25

Ishi, kʉ bhe te Bhayahuudi bhe bhamwitishile uYeesu, tubhasimbiiye ɨkalaata kʉbhabhʉʉzya ʉwaamʉlo wɨɨtʉ kʉtɨ bhatalyanje ɨnyama inhandamanu zye bhafumwizye ku lupuuto ʉlwa vifwani vwa bhamʉlʉngʉ, bhatalyanje amabhanda, awe ɨnyama zye bhanionjile, khabhɨlɨ bhatabhombaje uwubhembu.”

Mbombo zya Bhasundikwa 21:3

We twafikha pe iKipulo yɨkʉlolekha, tʉkhashɨla kʉmbalɨ ɨya kʉndɨɨlo, tʉkhajendeelela tukhafikha mʉ nhaaya ɨya mu Tiilo, mʉ nsɨ ɨya mu Siiliya. Panaapo, tukhiikha mu meeli yɨnɨɨyo, papaala pe yɨkhanzɨwaaga kwisya amazigo.

Mbombo zya Bhasundikwa 18:18

ɄPaʉlo akhajendeelela kwɨkhala mu Kolinso insiku inyinji. Pɨlongolela, akhabhalaga abhamwabho mʉ lwɨtɨkho, akhabhala peeka nu Akiila nu Pulisika mʉ nhaaya ɨya mu Kenkileya. Abhantʉ bhamu bhakhamusyengula insisi kwi twe kʉmalɨɨlɨzya ulufingo, pe akhapanda imeeli ɨya kʉbhala ku Siiliya.

Mbombo zya Bhasundikwa 11:18

“ABhayahuudi we bhɨmvwa zɨnɨɨzyo, bhakhalekha kʉdalɨkha. Bhakhamʉpaala ʉMʉlʉngʉ bhakhatɨ, ‘Fwanɨ ʉMʉlʉngʉ abhapiiye bhoope abhantʉ bhe te Bhayahuudi ɨdala lye bhangalaata imbiibhi zyabho, bhawaaje uwuumi!’ ”

Mataayi 4:24

Intumi zyakwe zɨkhasaata mʉ nsɨ yonti ɨya mu Siiliya. Bhoope abhantʉ bhakhamʉleetela abhabhinu bhonti bhe bhakʉyɨmba nɨ mpʉngo ɨzya vɨkholo nɨ vɨkholo, na bhe bháamɨle na mavune. Mʉ bhanaabho, bhálɨɨpo bhe bháamɨle na mapepu amabhiibhi na bhe bháamɨle ni vizilisi na bhe bháfuuye kʉndwɨmo. UYeesu akhabhaponɨa.

Mbombo zya Bhasundikwa 6:9

Ɨleelo aBhayahuudi bhamu bhakhalɨngaga kʉdalɨnhana nawo. Bhanaabho bháfumile mwi sinagoogi, lye bhakhatɨnjɨ iSinagoogi ɨlya Bhantʉ aBhasatʉlwe. Bhamu mʉ bhanaabho, bháfumile mʉ nhaaya ɨya ku Kileene, na ku Alekizandeeliya, bhamu mʉ bhanaabho bháfumile mʉ mʉkoa ʉwa mu Kilikiya, nʉ wa mu Asiya. She poope aBhayahuudi bhanaabho bhakhadalɨnhanaga nu Siteefani,

Mbombo zya Bhasundikwa 11:20

Ɨleelo mu Antiokiya, bhamu mʉ bhanaabho, bhínzile kufuma mʉ nsɨ ɨya mu Kipulo, na mʉ nhaaya ɨya mu Kileene. Abheene bhakhanda kʉlʉmbɨɨlɨla iNtumi iNyinza ɨzya Mwene uYeesu na kʉ bhe te Bhayahuudi.

Mbombo zya Bhasundikwa 15:2

Izwi lɨnɨɨlyo lɨkhapela amadalɨ nhaani, we ʉPaʉlo nʉ Balɨnaaba bhakʉzaabhana nabho. Kʉwʉmalɨlɨshɨlo, abhantʉ abha shɨbhanza ɨsha pa Antiokiya bhakhafumwa ʉwaamʉlo kʉtɨ bhamu bhabhale ku Yelusaleemu peeka nʉ Paʉlo nʉ Balɨnaaba, ɨnga bhalaabhe amasundo ku bhasundikwa na kʉ bhasongo abha shɨbhanza ku mazwi ganaago.