Mbombo zya Bhasundikwa 15:14 - ULufingo uLupwa

¹⁴ USiimoni atʉbhʉʉzya she ʉMʉlʉngʉ ábhayɨmbɨɨye bhe te Bhayahuudi palʉsalo, akhabhasebha bhamu bhabhe bhantʉ bhaakwe.

Mbombo zya Bhasundikwa 15:14 ပူးပေါင်းရင်းမြစ်များ

2 Peeteli 1:1

Ɨne ne Siimoni Peeteli, umubhombi khabhɨlɨ umusundikwa wa Yeesu Kilisiti. Inkubhasimbila ɨmwe mwe mʉposheleeye ʉlwɨtɨkho luluula ʉlʉpɨtɨ lwe nɨɨtwe tʉposheleeye. Mʉposheleeye ʉlwɨtɨkho lʉnʉʉlwo kʉnongwa ye ʉMʉlʉngʉ wɨɨtʉ uMuposhi uYeesu Kilisiti, akʉbhomba ɨzya wugolosu.

Bhaluumi 1:5

Kʉshɨlɨla kʉkwakwe, ʉMʉlʉngʉ andoleeye uwiila, kʉtɨ ɨmbe ne musundikwa. Ábhombile shɨnɨɨsho ɨnga ɨmbalʉmbɨlɨlaje abhantʉ bhonti bhe te Bhayahuudi, bhamwɨtɨshe ʉMwene uYeesu na kʉlandata ɨshɨgane shaakwe ɨnga ɨtaawa lyakwe lɨpalwaje.

Bhaluumi 11:36

Kʉnongwa ye ivintu vwonti vikufuma kʉkwakwe. Vɨkʉjendeelela kʉbha kʉ makha gaakwe, khabhɨlɨ ivintu vwonti vɨlɨɨpo ku wumwamu waakwe. Uwumwamu wʉlɨ na wʉʉyo wiila! Zɨbhe shɨnɨɨsho.

Luuka 1:78

Kʉnongwa ye ʉMʉlʉngʉ wɨɨtʉ alɨ ni shisa kʉkwɨtʉ, ʉlʉkhozyo lwakwe kufuma kʉmwanya lwandile kʉtʉlamɨla,

Luuka 1:68

“Apalwaje ʉMwene ʉMʉlʉngʉ ʉwa Bhaisilaeli, kʉnongwa ye ayinzile na kʉtʉʉla abhantʉ bhaakwe.

Luuka 2:25

Akhabhalɨlo khanaakho ku Yelusaleemu, álɨɨpo umuntu ʉmo we bhakhatɨnjɨ uSimilyoni. Umuntu ʉyo áamɨle mugolosu, akhalaabhaga insiku zyonti kwa Mʉlʉngʉ na kʉsʉʉbhɨla kwɨnza uKilisiti, we akhayɨbhatʉʉla aBhaisilaeli. Khabhɨlɨ akhalongolwaga nu Mupepu uMufinjile.