Mbombo zya Bhasundikwa 11:20 - ULufingo uLupwa

²⁰ Ɨleelo mu Antiokiya, bhamu mʉ bhanaabho, bhínzile kufuma mʉ nsɨ ɨya mu Kipulo, na mʉ nhaaya ɨya mu Kileene. Abheene bhakhanda kʉlʉmbɨɨlɨla iNtumi iNyinza ɨzya Mwene uYeesu na kʉ bhe te Bhayahuudi.

Mbombo zya Bhasundikwa 11:20 ပူးပေါင်းရင်းမြစ်များ

Mbombo zya Bhasundikwa 13:1

Mʉ shɨbhanza ɨsha mu Antiokiya mwámɨle abhakuwi na bhamanyizyi, bhe bha bhɨɨbha: ʉBalɨnaaba, uSimilyoni we bhakhatɨnjɨ uMwilu, uLukiyo ʉwa ku Kileene, uManaeni we ásungiilwe peeka nʉ mwene uHeloodi, nu Sauli.

Mataayi 27:32

We abhasikaali bhakufuma mʉ nhaaya ɨya mu Yelusaleemu, bhakhamwaga mwɨ dala umuntu ʉmo we ɨtaawa lyakwe bhakhatɨnjɨ uSiimoni. Umuntu wʉnʉʉyo áfumile mʉ nhaaya ɨya mu Kileene. Bhakhamubijila kʉpɨmba ɨshɨkhobhenhanyo sha Yeesu.

Bhaefeeso 3:8

Ɨne ne munsi kʉshɨla abhafinjile bhonti, ɨleelo ampiiye uwiila waakwe ɨnga ɨmbalʉmbɨɨlɨle bhe te Bhayahuudi kʉ zya wudumbwe ʉwʉpɨtɨ mwa Kilisiti we wutakupimikha.

Mbombo zya Bhasundikwa 6:9

Ɨleelo aBhayahuudi bhamu bhakhalɨngaga kʉdalɨnhana nawo. Bhanaabho bháfumile mwi sinagoogi, lye bhakhatɨnjɨ iSinagoogi ɨlya Bhantʉ aBhasatʉlwe. Bhamu mʉ bhanaabho, bháfumile mʉ nhaaya ɨya ku Kileene, na ku Alekizandeeliya, bhamu mʉ bhanaabho bháfumile mʉ mʉkoa ʉwa mu Kilikiya, nʉ wa mu Asiya. She poope aBhayahuudi bhanaabho bhakhadalɨnhanaga nu Siteefani,

Mbombo zya Bhasundikwa 2:10

na bha mʉ nsɨ ɨya mu Filigiya, Pamfiliya, na bha mʉ nsɨ ɨya mu Miisili. Bhamu bhakufuma kʉmbalɨ ɨzyɨ nsɨ ɨya ku Libiya zye zɨlɨ papɨɨpɨ nɨ nhaaya ɨya ku Kileene, na bhe bhinzile kufuma mʉ nhaaya ɨya mu Luumi.

1 Bhakolinso 2:2

Násɨbhɨlɨɨye kʉtɨ ɨntalonje akhantʉ akhanjɨ kukwinyu, lyoli kʉlonga intumi zya Yeesu Kilisiti, na kufwa kwakwe pa shɨkhobhenhanyo.

Mbombo zya Bhasundikwa 17:18

Abhamanyi bhamu bhe bhakhatɨnjɨ aBhaepikuleeyo na Bhasitoiki bhakhɨnza kʉdalɨnhana nʉ Paʉlo. Bhamu bhakhatɨ, “Akwanza kʉlonga zyoni umulabhanjishi ʉnʉ?” Bhamu bhakhatɨ, “Yɨkʉlolekha kʉtɨ akʉlonga zya bhamʉlʉngʉ bhaakwe abhɨ nsɨ izinji.” Bhálonjile shɨnɨɨsho, kʉnongwa ye ʉPaʉlo akhabhalʉmbɨlɨlaga iNtumi iNyinza ɨzya Yeesu, nɨ zya kʉzyʉkha kwakwe.

Mbombo zya Bhasundikwa 9:29

Akhalongaga na kʉdalɨnhana na Bhayahuudi bhamu bhe bhakhalongaga ɨndongo ɨya Shiyunaani, ɨleelo abheene bhakhalɨnga kʉtɨ bhamʉgoje.

Mbombo zya Bhasundikwa 9:20

Pe akhanda kʉbhala mu masinagoogi, akhabhalʉmbɨlɨlaga kʉtɨ uYeesu we Mwana wa Mʉlʉngʉ.

Mbombo zya Bhasundikwa 8:35

Pe uFilipo akhandɨla mu mazwi ganaago aga Wusimbe uWufinjile kʉmʉlʉmbɨɨlɨla iNtumi iNyinza ɨzya Yeesu.

Mbombo zya Bhasundikwa 8:5

UFilipo woope akhabhala mʉ nhaaya yimo ɨya mu Samaliya, akhanda kʉlʉmbɨɨlɨla intumi zya Kilisiti.

Mbombo zya Bhasundikwa 5:42

Bhatakhalekha kʉmanyɨzya abhantʉ na kʉbhalʉmbɨɨlɨla iNtumi iNyinza kʉtɨ uYeesu we wu Kilisiti. Bhakhajendeelela kʉmanyɨzya na kʉlʉmbɨɨlɨla insiku zyonti mwi linga ilyi Nyumba iMfinjile, na mu nyumba zya bhantʉ.

Mbombo zya Bhasundikwa 4:36

Kwámɨle nu Mulaawi ʉmo ɨtaawa lyakwe bhakhatɨnjɨ uYoosefu, áamɨle mʉkhaaya ʉwa mʉ nsɨ ɨya mu Kipulo. Abhasundikwa bha Yeesu bhámupiiye ɨtaawa ɨlya Balɨnaaba, kwe kʉtɨ, “Ʉwa kʉtɨlɨzya ʉmwoyo.”

Yookhani 7:35

Pe abhalongozi abha Bhayahuudi bhakhazaabhana bhɨɨbho na bhɨɨbho bhakhatɨ, “Umuntu wʉnʉʉnʉ akwanza kʉbhala kwoshi kwe tʉtangakhola kʉmwaga? Bhʉlɨ, atɨbhale ku Bhayahuudi bhe bhasataanile mʉ nhaaya zya bhe te Bhayahuudi na kʉbhamanyɨzya abheene?

Mbombo zya Bhasundikwa 6:1

Mu nsiku zɨnɨɨzyo uwinji wa bhalandati bha Yeesu wʉkhajendeelela kwonjela. Kukhafumila kuyibhuna mu Bhayahuudi bhe bhakhalongaga ɨndongo ɨya Shiyunaani na bhaala bhe bhakhalongaga iShiebulaniya. Bhaala bhe bhakhalongaga iShiyunaani bhakhayibhunaga kʉtɨ bhaala bhe bhakhalongaga iShiebulaniya bhatakhabhavwaga abhafwɨle bhaabho kʉbhagabhɨla ivwakulya ivwi nsiku zyonti.

Mbombo zya Bhasundikwa 6:5

We bhɨmvwa izwi lɨnɨɨlyo, bhonti bhakhalɨgana nhaani. Pe bhakhamʉsebha uSiteefani, umuntu we ábhiishile ʉlwɨtɨkho lwonti kwa Mʉlʉngʉ, uMupepu uMufinjile akhamʉlongolaga. Khabhɨlɨ bhakhasebha uFilipo, ʉPolokolo, uNikanola, uTimoni, uPalimena, nu Nikolao ʉwa ku Antiokiya, we akhabhalɨlo khamu áyinjiiye mu lupuuto ʉlwa Shiyahuudi.

Mbombo zya Bhasundikwa 11:19

Abhantʉ bha Yeesu bhe bhásaatile kʉnongwa ya mayɨmba we bhamʉgoga uSiteefani, bhakhabhala mʉ nsɨ ɨya mu Foinike, mu Kipulo, na mʉ nhaaya ɨya mu Antiokiya. Kʉnʉʉkwo kwonti, bhakhalʉmbɨlɨlaga intumi ɨzya Mwene uYeesu ku Bhayahuudi bheene.

Mbombo zya Bhasundikwa 11:22

Abhantʉ abha shɨbhanza ɨsha ku Yelusaleemu, we bhɨmvwa zɨnɨɨzyo zye zibhombeshile kʉ bhantʉ bhanaabho abha mu Antiokiya, bhakhamʉsonteelezya ʉBalɨnaaba kʉʉkwo.

Mbombo zya Bhasundikwa 11:26

We amwaga, akhamʉleeta ku Antiokiya. Pe bhakhɨɨkhala kʉʉkwo ʉmwanha wonti, bhakhabhʉngaanaga peeka na bhantʉ abha shɨbhanza, bhakhamanyɨzyaga abhantʉ abhinji nhaani ɨzya Yeesu. Panaapo pa Antiokiya pe abhantʉ bhándile kʉbhatekha abhalandati bha Yeesu kʉtɨ Bhakilisiti.

Mbombo zya Bhasundikwa 11:27

Mu nsiku zɨnɨɨzyo, bhakhɨnza pa Antiokiya abhakuwi bhamu kufuma mu Yelusaleemu.

Mbombo zya Bhasundikwa 14:26

Bhakhasogola paala ni meeli, bhakhabhala winza ku Antiokiya ɨya mu Siiliya, panaapo pe ɨshɨbhanza shábhabhiishile mu wiila wa Mʉlʉngʉ kʉ mbombo ye bháyimalile.

Mbombo zya Bhasundikwa 15:22

Pe abhasundikwa, abhasongo, nɨ shɨbhanza shonti ɨsha pa Yelusaleemu bhakhafumwa ʉwaamʉlo peeka, kʉtɨ bhasebhe bhamu mʉ bhanaabho bhe bhatɨbhale peeka nʉ Paʉlo nʉ Balɨnaaba ku Antiokiya. Bhakhasebha abhantʉ bhabhɨlɨ, bhe bháamɨle bhalongozi bhamwabho, weeka áamɨle wʉ Yʉʉda, we bhakhatɨnjɨ ʉBalɨsaaba, ʉwamwabho áamɨle wʉ Sɨɨla.

Mbombo zya Bhasundikwa 15:23

Bhakhabhasonteelezya nɨ kalaata lye lɨkʉtɨ: “Ɨtwe tubhasundikwa peeka na bhasongo abha shɨbhanza, tubhamwinyu, tʉkʉbhalamʉkha ɨmwe mʉbhamwɨtʉ mwe te mwe Bhayahuudi mwe mʉlɨ mu Antiokiya, mʉ nsɨ ɨya mu Siiliya, na bha mʉ nsɨ ɨya mu Kilikiya.

Mbombo zya Bhasundikwa 15:30

We bhalagana na bhaala bhe bhábhasonteleziizye, ʉPaʉlo na bhamwabho bhakhabhala ku Antiokiya. Bhakhabhabhʉngaanya abhantʉ abha shɨbhanza, bhakhaabhapa ɨkalaata liila.

Mbombo zya Bhasundikwa 18:22

We ʉPaʉlo aafikha mu Kaisaliya, akhabhala ku Yelusaleemu kʉlamʉkha ɨvɨbhanza, pe akhabhala ku Antiokiya.

Bhagalatiya 2:11

Isiku ɨlyamwabho we uPeeteli ayɨnza mʉ nhaaya ɨya mu Antiokiya nádalinhiine nawo apazelu kʉnongwa ye ápʉbhɨɨye.