Mataayi 26:52 - ULufingo uLupwa

⁵² Ɨleelo uYeesu akhamʉbhʉʉzya akhatɨ, “Galʉsya ʉmʉfwo waakho ʉmʉpɨtɨ mʉ shɨpata, kʉnongwa ye bhonti bhe bhakʉgoga kʉ mʉfwo ʉmʉpɨtɨ bhakhayifwa kʉ mʉfwo ʉmʉpɨtɨ!

Mataayi 26:52 ပူးပေါင်းရင်းမြစ်များ

Wukuwi wa Yookhani 13:10

Umuntu we akwanzɨwa kubijilwa, wʉnʉʉyo akhayibijilwa. Umuntu we akwanzɨwa kʉtɨ abhantʉ bhamʉgoje nʉ mʉfwo ʉmʉpɨtɨ, wʉnʉʉyo akhayɨgogwa nʉ mʉfwo ʉmʉpɨtɨ. Pe ishi, abhafinjile bhabhe nu wujimbiilizu nʉ lwɨtɨkho.

Bhaluumi 12:19

Bhaganwa bhaanɨ, mʉtalandʉzyaje, lyoli mʉmʉleshelaje ʉMʉlʉngʉ zyonti zɨnɨɨzyo. Kʉnongwa ye yisimbiilwe mu Wusimbe uWufinjile kʉtɨ, “Kʉlandʉzya mbombo yaanɨ, ɨne ɨnhayɨlandʉzya, akʉlonga ʉMwene.”

1 Peeteli 3:9

Mʉtatabhʉlɨzyaje kʉbhomba uwubhiibhi kʉ bhe bhakʉbhabhombela imbiibhi, awe indigo ku ndigo, lyoli mʉbhabhombelaje inyinza. Shɨnɨɨsho she ʉMʉlʉngʉ akwanza mʉbhombaje, ɨnga abhasaye ɨmwe.

Wukuwi wa Yookhani 16:6

Abhantʉ bhanaabho bhíitile ɨbhanda ɨlya bhafinjile bhaakho na bhakuwi bhaakho, nɨɨwe ubhapiiye ɨbhanda bhamwele, kʉnongwa ye bhakhondeeye ulufundo lʉnʉʉlwo.”

1 Bhatesalonike 5:15

Mʉyenyaaje, umuntu wowonti atakhamʉtabhʉlɨzye ʉwamwabho uwubhiibhi ku wubhiibhi, lyoli akhabhalɨlo khonti mʉbhombelanaje inyinza mʉneemwe na mʉneemwe na kʉ bhantʉ bhonti.

Mataayi 5:39

Ɨleelo ɨne ɨnkʉbhabhʉʉzya kʉtɨ, mʉtatabhʉlɨzyaje uwubhiibhi we umuntu abhabhombeeye. Poope ɨnga umuntu akʉkhoma kʉ lʉdɨlɨ ʉlwɨ mbalɨ yeeka, mʉleshe akʉkhome nɨ mbalɨ ɨyamwabho.