Mataayi 18:3 - ULufingo uLupwa

³ akhabhabhʉʉzya akhatɨ, “Nalyoli ɨnkʉbhabhʉʉzya, ɨnga mʉtakʉpɨndʉkha kʉbha anza bhaana abhansi, te mukhinjile mʉ wʉmwene ʉwa kʉmwanya.

Mataayi 18:3 ပူးပေါင်းရင်းမြစ်များ

1 Peeteli 2:2

Anza she abhaana abheela bhakwanza izibha ɨlya bhanyina bhaabho, nɨɨmwe mʉbhe nɨ shʉʉmɨlwa ishi zibha ilyinza ilyi zwi lya Mʉlʉngʉ. Ɨnga mwamwela izwi lɨnɨɨlyo, mʉngakhola kʉkʉla mu wuposhi.

Mataayi 19:14

Ɨleelo uYeesu akhatɨ, “Bhaleshe abhaana abhansi ɨbho bhɨnze kʉkwanɨ, lashi mutabhadindaje! Kʉnongwa ye ʉwʉmwene ʉwa kʉmwanya wa bhantʉ bhe bhalɨ anza bhaana ɨbha.”

1 Bhakolinso 14:20

Bhanholo bhaanɨ mʉ lwɨtɨkho, mʉtasɨɨbhaje anza bhaana, ɨleelo kʉsɨɨbha kwinyu mʉbhe anza bhantʉ bhe bhagomile. Lyoli ku zyi mbiibhi, kwashi mʉbhe anza bhaana abheela.

Yookhani 3:5

UYeesu akhamwamʉla akhatɨ, “Nalyoli ɨnkʉkʉbhʉʉzya, atalɨɨpo umuntu we angakhola kwinjila mʉ wʉmwene wa Mʉlʉngʉ ɨnga atapapiilwe ku minzi na kwa Mupepu uMufinjile.

Yookhani 3:3

UYeesu akhamwamʉla akhatɨ, “Nalyoli ɨnkʉkʉbhʉʉzya, umuntu ɨnga atapapiilwe akha wʉbhɨlɨ, atangakhola kʉwʉlola ʉwʉmwene wa Mʉlʉngʉ.”

Luuka 13:24

“Mʉyɨkʉngʉlaje kwinjila mʉ wʉmwene wa Mʉlʉngʉ kʉshɨlɨla pa mʉlyango ʉmʉnyeela. Ye nongwa ɨnkʉbhabhʉʉzya kʉtɨ, abhinji bhakhayɨlɨnga kwinjila, ɨleelo bhakhayɨpootwa.

Mbombo zya Bhasundikwa 3:19

“Ishi mʉlaate, mʉzɨleshe imbiibhi zyinyu nalyoli, mʉmʉsʉʉbhɨle ʉMʉlʉngʉ, kʉtɨ azyefwe imbiibhi zyinyu zɨnɨɨzyo.

Mbombo zya Bhasundikwa 28:27

Kʉnongwa ye abhantʉ bhanaabha amooyo gaabho magomu, amakutwe gaabho gatakwɨmvwa, amiiso gaabho galɨ ngatɨ gatakʉlola. Ɨnga zɨtabhanje shɨnɨɨsho, amiiso gaabho nhanɨ gakʉlola, goope amakutwe gaabho nhanɨ gakwɨmvwa, goope amooyo gaabho nhanɨ gakʉzyaganya, bhaamɨle bhagangalʉshɨla, ɨnga ɨmbatʉʉle.” ’”

Yookhani 1:51

Nalyoli ɨnkʉbhabhʉʉzya, khakhayɨnza akhabhalɨlo khe mʉkhayɨlola kʉmwanya kwigukha, abhakhabhɨzya bha Mʉlʉngʉ bhakhayɨzʉbhaga na kwikha pamwanya pa mwa Mwana wa Muntu.”

Mataayi 5:20

Ye nongwa ɨnkʉbhabhʉʉzya kʉtɨ, ɨnga uwugolosu wiinyu wʉtakʉshɨla ʉwa Bhafalisaayi nʉ wa bhamanyizyi abhɨ ndajɨzyo zya Moose, te mukhinjile naalumo mʉ wʉmwene ʉwa kʉmwanya.

Luuka 22:32

Ɨleelo ɨne, ɨnkʉkʉlaabhɨla kwa Mʉlʉngʉ, kʉtɨ ʉtakhalʉleshe ʉlwɨtɨkho lwakho kʉkwanɨ. Ɨleelo we wangalʉshɨla ɨne, ʉkhabhagomwe abhamwinyu.”

Maalika 4:12

ɨnga zɨbhe anza she zisimbiilwe kʉtɨ, ‘We bhakwenya, bhatalolaje, khabhɨlɨ we bhakwɨmvwa, bhatazyaganyaaje, ɨnga bhatakhalaate na kʉtʉʉyɨlwa.’”

2 Peeteli 1:11

Khabhɨlɨ mʉkhayɨposheelwa akhinza kʉ wʉmwene ʉwa wiila na wiila ʉwa Mwene nu Muposhi wɨɨtʉ uYeesu Kilisiti.

Mbombo zya Bhasundikwa 14:22

Kukuula poponti paala pe bhakʉbhala bhakhabhagomwaga abhalandati amooyo, bhakhabhabhʉzyaga kʉtɨ bhayɨgomwaje mʉ manyɨzyo ɨzya lwɨtɨkho. Bhakhabhabhʉzyaga kʉtɨ, “Kwinjila mʉ wʉmwene wa Mʉlʉngʉ, yɨkhondeeye kʉshɨlɨla mʉ mayɨmba aminji.”

Mataayi 19:23

Pe uYeesu akhabhabhʉʉzya abhalandati bhaakwe akhatɨ, “Nalyoli ɨnkʉbhabhʉʉzya kʉtɨ, yɨkhayɨbha papala nhaani kwa dumbwe kwinjila mʉ wʉmwene ʉwa kʉmwanya.

Mataayi 13:15

Kʉnongwa ye abhantʉ bhanaabha amooyo gaabho magomu, amakutwe gaabho gatakwɨmvwa, amiiso gaabho galɨ ngatɨ gatakʉlola. Ɨnga zɨtabhanje shɨnɨɨsho, amiiso gaabho nhanɨ gakʉlola, goope amakutwe gaabho nhanɨ gakwɨmvwa, goope amooyo gaabho nhanɨ gakʉzyaganya, bhaamɨle bhagangalʉshɨla, ɨnga ɨmbatʉʉle.’

Mataayi 6:16

“We mukuyiima kulya, mʉtabhombaje anza she abhi shisa ɨshɨ lenga bhakʉlolesya uwuswimiilizu pa vweni vwabho. Abheene bhakuzingaanikha pa vweni vwabho ɨnga abhantʉ bhabhalole kʉtɨ bhayiimile kulya. Nalyoli ɨnkʉbhabhʉʉzya kʉtɨ, bhaposheleeye insupo yaabho.

Mataayi 6:5

“Akhabhalɨlo khe mukupuuta mʉtabhanje anza bhi shisa ɨshɨ lenga. Abheene bhayiganile kupuuta ʉwɨmɨɨlɨla mu masinagoogi na mʉ madala amalenhaana, ɨnga abhantʉ bhabhalole. Nalyoli ɨnkʉbhabhʉʉzya kʉtɨ, bhaposheleeye insupo yaabho.

Mataayi 6:2

Pe shɨnɨɨsho, akhabhalɨlo khe mʉkʉbhaavwa abhapɨɨna, mʉtayɨvwɨnsyaje anza she abhi shisa ɨshɨ lenga bhakʉbhomba mu masinagoogi na mʉ madala ɨnga abhantʉ bhabhapaale. Nalyoli ɨnkʉbhabhʉʉzya kʉtɨ, bhanaabho bhaposheleeye insupo yaabho.

Mataayi 5:18

Kwe kʉtɨ, nalyoli ɨnkʉbhabhʉʉzya kʉtɨ, kufishila mʉ khabhalɨlo khe kʉmwanya na paasɨ vɨkhayɨshɨla, wʉtalɨɨpo uwusimbe wushe ʉwɨ ndajɨzyo we wʉkhayɨshɨla kufishila pe zyonti zɨkhayɨkwɨla.

Mataayi 18:2

UYeesu akhamʉbhɨlɨshɨla ʉmwana umunsi, akhamwɨmɨɨlɨsya pakaasi yaabho,

Mataayi 18:4

Pe shɨnɨɨsho, umuntu wowonti we akuyiisya anzʉ mwana umunsi ʉnʉ, wʉnʉʉyo we atɨbhe mʉpɨtɨ mʉ wʉmwene ʉwa kʉmwanya.