Mataayi 17:5 - ULufingo uLupwa

⁵ We uPeeteli akʉjendeelela kʉlonga, yeenya, ɨbhɨngo izelu likhabhagubishila. Pe bhakhɨmvwa izi kufuma mwɨ bhɨngo lɨkʉtɨ, “Ʉnʉ we Mwana waanɨ ʉmʉganwa we akʉnhondezya, mʉmwɨmvwaje ʉweene!”

Mataayi 17:5 ပူးပေါင်းရင်းမြစ်များ

Mataayi 3:17

Pe izi lya Mʉlʉngʉ kufuma kʉmwanya lɨkhavwɨnha lɨkʉtɨ, “Ʉnʉ we Mwana waanɨ ʉmʉganwa, we ɨnkʉmʉseshela.”

Mataayi 12:18

“Yeenya, umubhombi waanɨ we ɨmʉsabhʉʉye, ʉMʉganwa waanɨ we ʉmwoyo waanɨ wʉkʉmʉseshela. Ɨnhayɨbhɨɨkha uMupepu waanɨ mʉmwakwe, woope akhayɨbhalʉmbɨɨlɨla abhantʉ abhɨ nsɨ zyonti uwulonji waanɨ ʉwa nalyoli.

Maalika 9:7

Pe ɨbhɨngo likhafumila, likhabhagubishila. Bhakhɨmvwa izi kufuma mwɨ bhɨngo lɨkʉtɨ, “Ʉnʉ we Mwana waanɨ ʉmʉganwa, mʉmwɨmvwaje ʉweene!”

Yookhani 3:35

ɄTaata amuganile ʉMwana waakwe, khabhɨlɨ amupiiye ʉwaamʉlo ʉwa kʉtabhaala ivintu vwonti.

Maalika 1:11

Pe izi lya Mʉlʉngʉ kufuma kʉmwanya lɨkhavwɨnha lɨkʉtɨ, “Ɨwe we Mwana waanɨ ʉmʉganwa, we ɨnkʉkʉseshela.”

Wukuwi wa Yookhani 1:7

Yeenyi! Akwɨnza mʉ mabhɨngo! Abhantʉ bhonti bhakhayɨmʉlola, peeka na bhe bhámulasile nɨ mpalala. Abhantʉ abhɨ nsɨ zyonti bhakhayɨyɨlʉmbʉʉzya kʉnongwa yaakwe. Nalyoli! Zɨbhe shɨnɨɨsho.

Luuka 3:22

uMupepu uMufinjile akhamwishila mu shifwani shɨ nkʉnda. Pe izi lya Mʉlʉngʉ kufuma kʉmwanya lɨkhavwɨnha lɨkʉtɨ, “Ɨwe we Mwana waanɨ ʉmʉganwa, we ɨnkʉkʉseshela.”

Bhaebulaniya 5:9

We amʉbhɨɨkha kʉbha mugolosu kwɨ dala lɨnɨɨlyo, ʉMʉlʉngʉ ámupiiye ʉwʉpɨtɨ ʉwa mupuutili ʉmʉpɨtɨ kʉ shɨkholanyo sha Melikizeedeki. Ɨpo pe akhaabhapa abhantʉ bhonti bhe bhakʉmwɨtɨkha uwuposhi ʉwa wiila na wiila.

Mbombo zya Bhasundikwa 7:37

“ɄMoose wʉnʉʉyo we ábhabhuziizye aBhaisilaeli kʉtɨ, ‘Kufuma mumwinyu mwe ʉMʉlʉngʉ akhayɨbhasebhela ɨmwe umukuwi we akholiine nɨɨne.’

Yookhani 5:37

Woope ʉTaata we ansonteleziizye, akunsimishizya ɨne kukwinyu. Ɨmwe mutimvwizye naalumo izi lyakwe, khabhɨlɨ mutamulolile naalumo she alɨ.

Bhakolosaayi 1:13

Átuposhile kufuma mʉ wʉmwene ʉwa khiisi, akhatʉsaamwa na kutwinjizya mʉ wʉmwene ʉwa Mwana waakwe ʉmʉganwa.

Bhaefeeso 1:6

Pe shɨnɨɨsho, tʉmʉpaalaje ʉMʉlʉngʉ kʉnongwa ya wiila waakwe ʉwa wumwamu we átusayile kwɨ dala ɨlya Mwana waakwe ʉmʉganwa.

Yookhani 3:16

“ɄMʉlʉngʉ ábhaganile abhantʉ bhonti mʉ nsɨ, ye nongwa akhamʉsonteelezya ʉMwana waakwe weeka mwene kwɨnza mʉ nsɨ umu, ɨnga umuntu wowonti we amwɨtɨkha ʉweene, atateegaje, lyoli abhe nu wuumi ʉwa wiila na wiila.

Mbombo zya Bhasundikwa 1:9

We uYeesu aamala kʉbhabhʉʉzya shɨnɨɨsho abhasundikwa bhaakwe, nalʉbhɨlo bhʉʉlo akhanyamvʉlwa pamiiso gaabho kʉbhala kʉmwanya. Ɨbhɨngo likhamugubishila, bhatakhamʉlola winza.

Mataayi 17:6

We abhalandati bhaakwe bhaala bhɨmvwa zɨnɨɨzyo, bhakhoogopa nhaani, bhakhagwa paasɨ shikupama.

Wukuwi wa Yookhani 14:14

Pe ɨnheenya, fwanɨ páamɨle ɨbhɨngo izelu. Pamwanya pɨ bhɨngo lɨnɨɨlyo áyɨkhaaye umuntu we áamɨle ngatɨ Mwana wa Muntu. Ákwatile ishipambwi ɨsha kʉtabhaala ishi zahaabu kwi twe, álemile ɨnsengo inyooji kʉ nyoobhe yaakwe.