Mataayi 11:3 - ULufingo uLupwa

³ kʉmʉbhʉzɨɨlɨzya kʉtɨ, “Bhʉlɨ, ɨwe we Kilisiti we abhakuwi bhátɨlɨ akhayɨnza, awe tʉmʉgʉlɨlaje uwunji?”

Mataayi 11:3 ပူးပေါင်းရင်းမြစ်များ

Yookhani 11:27

UMalita akhamwamʉla akhatɨ, “Nalyoli Mwene, nɨɨtɨkha kʉtɨ ɨwe we Kilisiti, ʉMwana wa Mʉlʉngʉ, we twagʉlɨlaga kʉtɨ akhayɨnza mʉ nsɨ.”

Bhaebulaniya 10:37

Kʉnongwa ye uWusimbe uWufinjile wʉkʉtɨ, “Khasyalile akhabhalɨlo khashe bhʉʉlo, wʉnʉʉyo we akwɨnza atɨyɨnze, te akhaabhe.

Yookhani 7:31

Ɨleelo abhantʉ abhinji mʉ mpʉga yiila bhakhamwɨtɨkha uYeesu, bhakhatɨ, “Bhʉlɨ, uKilisiti ɨnga ayɨnza, akhayɨbhomba ɨvɨlolesyo ivwinji kʉshɨla vwe abhombile umuntu ʉnʉ?”

Yookhani 6:14

We abhantʉ bhaala bhaalola ɨvɨlolesyo vwe uYeesu ábhombile, bhakhalonga bhakhatɨ, “Nalyoli umuntu ʉnʉ we mukuwi we twagʉlɨlaga kʉtɨ akhayɨnza mʉ nsɨ.”

Yookhani 16:14

Ʉweene atɨbhalangaje uwumwamu waanɨ, kʉnongwa ye atɨbhabhʉzyaje zyonti zye akʉposheela kufuma kʉkwanɨ.

Yookhani 12:13

Pe bhakheega ɨmpaaswa ɨzya makwi aga matende, bhakhafuma kʉbhala kʉmʉposheela uYeesu. Bhakhalongaga kwi zi ɨlya kʉdandɨzya kʉtɨ, “Apalwaje ʉMʉlʉngʉ! Asayiilwe we akwɨnza kwɨ taawa lya Mwene ʉMʉlʉngʉ! Asayiilwe ʉMwene ʉwa Bhaisilaeli.”

Yookhani 4:21

UYeesu akhamwamʉla akhatɨ, “We mwantanda, nɨɨtɨshe, akhabhalɨlo khakwɨnza khe te mukhamupuute ʉTaata mwɨ gamba ili awe mu Yelusaleemu.

Luuka 19:38

bhakhatɨnjɨ, “Asayiilwe we akwɨnza kwɨ taawa lya Mwene ʉMʉlʉngʉ! Uwutengaanu kʉmwanya nu wumwamu kwa Mʉlʉngʉ we alɨ kʉmwanya.”

Maalika 11:9

Abhantʉ bhe bhálongoleeye kwɨlongolela yaakwe na bhaala bhe bhakhalandataga kʉlʉsalo bhakhadandɨzya kʉkhoolela bhakhatɨnjɨ, “Apalwaje ʉMʉlʉngʉ! Asayiilwe we akwɨnza kwɨ taawa lya Mwene ʉMʉlʉngʉ!

Mataayi 21:9

Abhantʉ bhe bhálongoleeye kwɨlongolela na bhaala bhe bhakhalandataga kʉlʉsalo kwa Yeesu, bhakhadandɨzyaga kʉkhoolela bhakhatɨnjɨ, “Apalwaje ʉMwana ʉwa shɨkholo sha mwene uDaudi! Asayiilwe we akwɨnza kwɨ taawa lya Mwene ʉMʉlʉngʉ! Apalwaje ʉMʉlʉngʉ ʉwa kʉmwanya!”

Mataayi 21:5

“Mʉbhʉʉzye ʉmʉlɨndʉ ʉwa mʉ nhaaya ɨya mu Sayuuni kʉtɨ, ‘Yeenya, ʉMwene waakho akwɨnza kʉkwakho, mutonsu, ayɨkhaaye pa ndogomi, ɨnyaana yi ndogomi.’”

Mataayi 11:4

UYeesu akhabhaamʉla akhatɨ, “Bhalaji mʉmʉbhʉʉzye uYookhani zyonti zye mʉkʉzyɨmvwa na kʉzɨlola:

Mataayi 11:10

Wʉnʉʉnʉ we wʉ wʉʉla we yisimbiilwe mu Wusimbe uWufinjile kʉtɨ, ‘Yeenya, ɨnhayɨmʉsonteelezya we akʉtwala intumi mwɨlongolela lyakho, akhayɨlɨngaanya ɨdala lyakho ɨlya kwɨnzɨla.’”