Maalika 6:16 - ULufingo uLupwa

¹⁶ Ɨleelo uHeloodi we ayɨmvwa, akhatɨ, “Wʉnʉʉnʉ wu Yookhani uMwozyi we ɨne námudumuuye itwe, azyushile kufuma kʉ bhafwe!”

Maalika 6:16 ပူးပေါင်းရင်းမြစ်များ

Luuka 9:9

Ɨleelo uHeloodi akhatɨ, “UYookhani ɨne námudumuuye itwe! Ishi, wu naanu we akʉbhomba ziniizi zye ɨnkʉzyɨmvwa?” Pe uHeloodi akhanzaga nhaani kʉlolana nu Yeesu.

Mataayi 27:4

Akhabhabhʉʉzya akhatɨ, “Imbombile imbiibhi kʉmʉbhɨɨkha mʉ nyoobhe zyinyu umuntu we atatulile naazimo.” Ɨleelo abheene bhakhatɨ, “Zɨnɨɨzyo zɨtakʉtwavwa ɨtwe, ɨzyo zyakho wʉneewe.”

Mataayi 14:2

Akhabhabhʉʉzya abhabhombi bhaakwe akhatɨ, “Wʉnʉʉyo wu Yookhani uMwozyi azyushile kufuma kʉ bhafwe. Ye nongwa ɨnɨ, akʉbhomba amayele amapɨtɨ anza ganaago.”

Maalika 6:15

Bhamu bhakhatɨnjɨ, “Wu Eliya.” Abhamwabho bhakhatɨnjɨ, “Ʉnʉ mukuwi anza bhakuwi abhɨ maandɨ.”

Maalika 6:17

UHeloodi ásonteleziizye kʉtɨ bhamʉleme uYookhani na kʉmʉkʉnga mwɨ jeela, we ayaaga uYookhani azemeeye kʉmʉbhʉʉzya kʉtɨ, “Mwinho pamiiso ga Mʉlʉngʉ kwega ʉmʉshɨ wa wamwabho.” UYookhani akhamʉbhʉzyaga shɨnɨɨsho kʉnongwa ye uHeloodi ámwejile uHelodiya we áamɨle mʉshɨ wa khambakʉ waakwe uFilipo.