Maalika 5:23 - ULufingo uLupwa

²³ Akhamʉlambɨɨlɨzya nhaani akhatɨ, “Ʉmwalɨ waanɨ akwanza kufwa. Nalamba nalamba, nzaaga, ʉmʉbhɨɨshe ɨnyoobhe yaakho, ʉmʉponɨe kʉtɨ abhe mwinza bhʉʉlo.”

Maalika 5:23 ပူးပေါင်းရင်းမြစ်များ

Luuka 13:13

UYeesu akhamʉbhɨɨkha ɨnyoobhe, panaapo ʉmwantanda ʉla, akhagolokha ʉmʉsana waakwe, akhɨmɨɨlɨla, akhanda kʉmʉpaala ʉMʉlʉngʉ.

Luuka 4:40

Ɨzʉbha we lyaswa, abhantʉ bhonti bhe bháamɨle na bhabhinu abhɨ mpʉngo ɨzya vɨkholo ivwinji, bhakhamʉtwalɨla uYeesu abhabhinu bhaabho. Ʉweene akhabhapalamansyaga bhonti, akhabhaponɨaga.

Maalika 16:18

Poope ɨnga bhaalema ɨnjokha nɨ nyoobhe, awe poope ɨnga bhamwela akhantʉ khokhonti khe khalɨ nɨ nsalɨle inhali, te yɨkhabhabhombaje naakhamu. Bhakhayɨbhɨɨkhaga ɨnyoobhe zyabho mu bhabhinu, bhoope bhakhayɨponaga.”

Mbombo zya Bhasundikwa 28:8

Mʉ khabhalɨlo khanaakho, uyise wa Pubuliyo ágonile pa shɨtala, kʉnongwa ye ábhinile ɨnzegema, akhapeelaga amabhanda. ɄPaʉlo akhinjila mukaasi mwe umubhinu áamɨle. Akhamupuutila kwa Mʉlʉngʉ, akhamʉbhɨɨkha ɨnyoobhe akhamʉponɨa.

Luuka 4:38

UYeesu akhafuma mwi sinagoogi, akhabhala mu nyumba ya Siimoni. We aafikha, akhamʉlola ʉnyavwala wa Siimoni abhinile ɨnzegema nhaani, bhakhamʉlaabha uYeesu amwavwe.

Maalika 8:23

UYeesu akhamʉlema ɨnyoobhe umuntu ʉla we áfuuye amiiso, akhabhala nawo kunzi yɨ nhaaya yiila. Akhamʉswɨla amatɨ mu miiso, akhamʉbhɨɨkha ɨnyoobhe mu miiso, akhamʉbhʉzɨɨlɨzya akhatɨ, “Bhʉlɨ, wanda kʉlola khamu?”

Maalika 7:32

Abhantʉ bhamu bhakhamʉleetela uYeesu umuntu we áamɨle wu shinuunu we atakwɨmvwa. Bhakhamʉlaabha uYeesu kʉtɨ amʉbhɨɨshe ɨnyoobhe, apone.

Luuka 7:12

We apalamɨla pa mʉlyango ʉwa kwinjiilila mʉ nhaaya, akhakhomaana na bhantʉ bhe bhapimbile ivimba ɨlya mʉsakhaala. Ʉmʉsakhaala wʉnʉʉyo áamɨle mwana weeka mwene, unyina waakwe áamɨle mʉfwɨle. Ʉmwantanda wʉnʉʉyo álongozanyiinye na bhantʉ abhinji abha mʉ nhaaya yɨnɨɨyo.

Maalika 6:13

Bhakhefwaga amapepu amabhiibhi kʉ bhantʉ abhinji, na kʉbhaponɨa abhabhinu abhinji ɨmpʉngo, we bhabhapakhazya amafuta.

Mataayi 8:3

UYeesu akhagolosya ɨnyoobhe yaakwe, akhamʉpalamansya, akhatɨ, “Injiganile kʉtɨ ʉpone, ʉsatʉshe!” Nalʉbhɨlo umuntu ʉla akhasatʉkha amaketa gaakwe.

Mbombo zya Bhasundikwa 9:17

Pe uAnaniya akhabhala akhinjila mu nyumba ye uSauli áamɨle. Akhamʉbhɨɨshɨla ɨnyoobhe, akhamʉbhʉʉzya akhatɨ, “Nholo waanɨ Sauli, ʉMwene uYeesu ansonteleziizye kʉkwakho, kʉtɨ ʉyande kʉlola, ʉmʉposheele uMupepu uMufinjile. Wʉnʉʉyo uYeesu we ákʉlolesheeye mwɨ dala mʉ khabhalɨlo khe ʉkhɨnzaga ɨpa.”

Mbombo zya Bhasundikwa 6:6

Abhasakhaala saba bhaala bhakhabhabhɨɨkha pɨlongolela pa bhasundikwa. Pe abhasundikwa bhakhabhapuutila kwa Mʉlʉngʉ, na kʉbhabhɨɨkha ɨnyoobhe, kʉbhasebha pa mbombo.

Yookhani 11:3

Pe uMaliya nu Malita bhakhasonteelezya intumi kwa Yeesu bhakhatɨ, “We Mwene, umanyani waakho we umuganile mubhinu.”

Maalika 5:24

Pe uYeesu akhanda kʉbhala kwa muntu ʉyo. Ɨmpʉga ɨmpɨtɨ ɨya bhantʉ bhakhanda kʉmʉlandata, bhakhabijilizanyaaga pe áamɨle.

Mbombo zya Bhasundikwa 8:17

UPeeteli nu Yookhani bhakhabhabhɨɨshɨla ɨnyoobhe ɨzya lʉsayo, pe bhoope bhakhamʉposheela uMupepu uMufinjile.

Mbombo zya Bhasundikwa 9:12

alolile injozi ɨzya pamiiso amazelu. Mu njozi zɨnɨɨzyo, amulolile umuntu we ɨtaawa lyakwe bhakhatɨnjɨ uAnaniya akwinjila mu nyumba mwe alɨ, akʉmʉbhɨɨkha ɨnyoobhe, kʉtɨ ayande kʉlola winza.”