Maalika 14:6 - ULufingo uLupwa

⁶ Ɨleelo uYeesu akhatɨ, “Mʉleshe, khooni khe mʉkʉmʉyɨmvwa? Ʉweene ambombeeye lye lyinza nhaani.

Maalika 14:6 ပူးပေါင်းရင်းမြစ်များ

Bhaebulaniya 10:24

Khabhɨlɨ tʉkwanzɨwa kʉsʉngana na kujinjizanya ɨnga tʉganane na kʉbhombelana inyinza.

Tiito 3:14

Abhantʉ bhɨɨtʉ bhamanyɨlaje shiila she bhatɨbhombaje ɨmbombo inyinza, kʉtɨ bhaabhape abhantʉ abhanjɨ ivintu vwe bhakʉvwanza insiku zyonti. Pe abhantʉ bhɨɨtʉ bhatɨbhakhondezyaje abhanjɨ mʉ wɨɨkhalo waabho.

Tiito 2:14

UYeesu we áyifumwizye kʉnongwa yɨɨtʉ ɨnga atʉtʉʉle mu mbiibhi zyonti, na kutuzelufwa tʉbhe twe bhantʉ bhaakwe bhe bhakʉyɨkʉngʉla kʉ makha kʉbhomba inyinza.

2 Tiimoti 2:21

Shɨnɨɨsho, ɨnga umuntu akuyizelufwa ku mbiibhi zɨnɨɨzyo, pe akʉbha shɨlɨɨlo she uwi nyumba akʉshɨbhombela mʉ mbombo ɨzya lushindikho. Akʉbha asabhuliilwe nʉ Mwene, khabhɨlɨ akʉbha nu winza kʉkwakwe, kʉbhomba ɨmbombo zyonti inyinza zye zɨkwanzɨwa.

Bhaefeeso 2:10

Ɨtwe twe vɨpelwa vwa Mʉlʉngʉ. Kwɨ dala ɨlya kʉpatɨnhana nu Yeesu Kilisiti, átupelile shipwa kʉtɨ tʉbhombaje ɨmbombo inyinza zye álinganyiinye kʉtɨ tʉbhombaje.

Mbombo zya Bhasundikwa 9:36

Mʉ nhaaya ɨya mʉ Yaafa álɨɨpo ʉmwantanda ʉmo, umulandati wa Yeesu, ɨtaawa lyakwe bhakhatɨnjɨ uTabita. Mʉ ndongo ɨya Shiyunaani, wu Dolikasi. UDolikasi akhabhavwaga abhapɨɨna na kʉbhomba ɨmbombo izinji inyinza.

Mataayi 26:10

UYeesu akhamanya zye bhakhasɨɨbhaga, akhabhabhʉʉzya akhatɨ, “Khooni khe mʉkʉmʉyɨmvwa ʉmwantanda ʉnʉ? Ʉweene ambombeeye lye lyinza nhaani.

Tiito 3:8

Amazwi ganaago gakhondeeye kwɨtɨshɨlwa. Ɨnkwanza kʉtɨ ugasundililaje kʉ bhe bhakʉmwɨtɨkha ʉMʉlʉngʉ, ɨnga insiku zyonti bhasɨɨbhaje na kuyifumwa kʉbhomba ɨmbombo inyinza. Ganaago ge minza, khabhɨlɨ ge gakwavwa kʉ bhantʉ bhonti.

Tiito 2:7

Ɨwe wʉneewe ʉbhombaje akhinza mu zyonti, ufishile kʉbha shɨkholanyo ishinza kʉkwabho. Mʉ khabhalɨlo khe ʉtɨmanyɨzyaje abhantʉ, ʉbhamanyɨzyaje mu wanalyoli, sita matona.

2 Tiimoti 3:17

Shɨnɨɨsho pe umuntu wa Mʉlʉngʉ akʉbha na makha, khabhɨlɨ ayilinganyiinye kʉbhomba ɨmbombo zyonti inyinza.

1 Tiimoti 6:18

Khabhɨlɨ ʉbhabhʉzyaje kʉtɨ bhabhombaje inyinza inyinji, anza she ɨshʉʉma shaabho shinji. Bhavwaje abhantʉ abhanjɨ mu vintu vwabho kʉ mooyo amazelu.

1 Tiimoti 5:10

Amanyishe kʉtɨ, abhombaga ɨmbombo inyinza, anza kʉsʉnga abhaana bhaakwe akhinza, kʉposheela abhajeni, kʉbhaavwa abhafinjile ku wutimvu, kwavwa bhe bhalɨ mʉ mayɨmba, na kuyifumwa kʉ mbombo izinji zyonti inyinza.

2 Bhatesalonike 2:17

abhajinjizye na kʉbhagomwa ʉmwoyo ɨnga mʉbhombaje na kʉlonga zye nyinza.

Bhakolosaayi 1:10

Pe mʉkhayɨkhola kwɨkhala anza she ʉMwene akwanza, na kʉbhomba kwɨ dala lyolyonti zye zɨkʉmʉkhondezya. Ʉwɨɨkhalo wiinyu wʉtɨmʉkhondezye kʉ mbombo yiinyu inyinza, khabhɨlɨ mʉtɨyonjele kʉmʉmanya ʉMʉlʉngʉ.

2 Bhakolinso 10:18

Kʉnongwa ye umuntu we akwɨtɨshɨlwa te wʉ wʉʉla we akʉyɨpaala wʉʉyo, lyoli wʉ wʉʉla we akʉpaalwa nʉ Mwene.

2 Bhakolinso 9:8

Pe ʉMʉlʉngʉ angakhola kʉʉbhapa ɨmwe uwiila waakwe ku winji nhaani kʉshɨla vwe mubhuliliilwe. Kwɨ dala lɨnɨɨlyo akhabhalɨlo khonti mʉtɨbhe ni vintu vwonti vwe mubhuliliilwe, ɨnga mʉjendeelele kwavwa ɨmbombo zyonti inyinza.

1 Peeteli 2:12

Mʉbhe nɨ njendo inyinza pɨlongolela pa bhe bhatakʉmwɨtɨkha ʉMʉlʉngʉ, ɨnga bhakʉbhandɨla amalenga kʉtɨ mʉkʉbhomba imbiibhi, bhazɨlolaje ɨmbombo zyinyu inyinza. Pe bhatɨmʉpaale ʉMʉlʉngʉ kʉnongwa yiinyu pi siku lye akhayɨnza kʉlonga.

Maalika 14:5

Amafuta ɨga ge gayiiye kʉkazya idinaali imia zɨtatʉ (300), na kʉʉbhapa abhapɨɨna ɨnhela zye waakazya.” Bhakhamʉlongana nhaani ʉmwantanda ʉla.

Maalika 14:7

Abhapɨɨna mʉlɨ nabho kukwinyu insiku zyonti, muyiiye kʉbhabhombela inyinza zyonti zye muyiganile. Ɨleelo ɨne te ɨmbe peeka nɨɨmwe insiku zyonti.