Maalika 13:11 - ULufingo uLupwa

¹¹ Abhantʉ ɨbho we bhabhalema na kʉbhatwala mʉ mabalaaza, kʉbhalonjeelela zimo, mʉtakhaalabhe kʉsɨɨbha zye mʉtɨbhale mʉlonje. Mʉkhalongaje ziila zye mwapeelwa kʉzɨlonga mʉ khabhalɨlo khakhaala. Kʉnongwa ye te mwemwe mʉkhayɨlongaga, lyoli uMupepu uMufinjile we akhayɨbhalonjela.

Maalika 13:11 ပူးပေါင်းရင်းမြစ်များ

Mbombo zya Bhasundikwa 6:10

ɨleelo akhabhatolaga kʉnongwa ye akhalongaga amazwi agɨ njeele kʉ makha ga Mupepu uMufinjile.

1 Peeteli 1:12

ɄMʉlʉngʉ akhabhamanyɨsya abhakuwi bhanaabho kʉtɨ ɨnongwa zye bhakhakʉwaaga zɨtakhabhavwaga abheene, lyoli ɨmwe. Ziila zye bhálonjile zye bhábhamanyisiizye ɨmwe. Zɨnɨɨzyo zye mwálumbiliilwe na bhaala bhe bhábhalʉmbɨlɨɨye iNtumi iNyinza kʉ zya Yeesu Kilisiti. Bhoope bhábhalʉmbɨlɨɨye kʉ makha ga Mupepu uMufinjile we ʉMʉlʉngʉ ámusonteleziizye kufuma kʉmwanya. Ɨnongwa zɨnɨɨzyo zye bhoope abhakhabhɨzya bhakʉyɨgana nhaani kʉzɨmanya.

1 Bhakolinso 2:13

Pe shɨnɨɨsho, tʉtakʉlonga amazwi ge tʉmanyɨɨye kʉ njeele ya bhantʉ, lyoli mazwi ge uMupepu uMufinjile atumanyiziizye. Tukwilulanya ɨnongwa ɨzya Mupepu kʉ bhe bhalɨ nu Mupepu wʉnʉʉyo.

Yaakobo 1:5

Ɨnga kʉlɨ weeka wiinyu we atamanyile ɨdala ɨlya kʉbhomba ganaago, akwanzɨwa alaabhe kwa Mʉlʉngʉ, pe ʉMʉlʉngʉ atiimupe zɨnɨɨzyo zye akʉlaabha. ɄMʉlʉngʉ akʉʉbhapa abhantʉ bhonti ivintu ɨvwa vɨkholo nɨɨvwo nɨɨvwo kʉ mwoyo ʉwa wupi, sita kʉkhajɨla.

Bhaefeeso 3:5

Ɨmaandɨ ʉMʉlʉngʉ atábhalanjile abhantʉ ɨnsɨɨbho yɨnɨɨyo, ɨleelo ishi abhalanjile abhasundikwa na bhakuwi bhaakwe abhafinjile kwɨ dala ɨlya Mupepu uMufinjile.

Mbombo zya Bhasundikwa 4:31

Abhantʉ bhanaabho we bhaamala kʉlaabha kwa Mʉlʉngʉ, nalʉbhɨlo paala pe bhábhungaanile pakhayingaana. UMupepu uMufinjile akhabhalongozya bhonti, bhakhanda kʉlʉmbɨɨlɨla intumi zya Mʉlʉngʉ ku wudandamazu.

Mbombo zya Bhasundikwa 2:4

Abhantʉ bhonti bhakhaposheela uMupepu uMufinjile, bhakhanda kʉlonga kʉ ndongo iyinji, anza she uMupepu uMufinjile ábhapiiye.

Mbombo zya Bhasundikwa 3:13

ɄMʉlʉngʉ wa Abulahaamu, ʉMʉlʉngʉ wa Isaaka, ʉMʉlʉngʉ wa Yaakobo, ʉMʉlʉngʉ wa bhamaama bhɨɨtʉ, amumwamishile umubhombi waakwe uYeesu kwɨ dala ɨlya kʉmʉponɨa wʉnʉʉyo. Ɨleelo ɨmwe mwámubhiishile uYeesu mʉ nyoobhe zya bhalʉgʉ kʉtɨ bhamʉgoje. Woope ʉPɨlaato akhanzaga kʉtɨ angabhasatʉlɨla uYeesu, ɨmwe mʉkhakhaana,

Yookhani 3:27

UYookhani akhabhaamʉla akhatɨ, “Umuntu atangakhola kʉbha na khantʉ ɨnga ʉMʉlʉngʉ atamupiiye.

Maalika 13:9

“Ɨleelo ɨmwe mʉbhe amiiso nhaani, abhantʉ bhakhayɨbhatwala mʉ mabalaaza na mu masinagoogi gaabho kʉtɨ mʉkhomwe. Bhakhayɨbhatwala kʉ bhapɨtɨ abhɨ nsɨ na kʉ bhamwene kʉnongwa yaanɨ, kʉtɨ mʉkhamvwɨnsye kʉkwabho.

Mataayi 10:17

Mʉbhe amiiso na bhantʉ, kʉnongwa ye bhakhayɨbhatwala mʉ mabalaaza na kʉbhakhoma mu masinagoogi gaabho.

Mbombo zya Bhasundikwa 7:55

Ɨleelo uMupepu uMufinjile akhamʉlongolaga uSiteefani. Akheenya kʉmwanya kʉ khabhalɨlo, akhalola uwumwamu wa Mʉlʉngʉ, nu Yeesu ayɨmɨlɨɨye kʉlʉbhazʉ ʉlwa kʉndɨɨlo kwa Mʉlʉngʉ.

Mbombo zya Bhasundikwa 6:15

Abhantʉ bhonti bhe bhɨkhaaye mwɨ balaaza liila bhakhamwenya na miiso uSiteefani, bhakhalola kumiiso yaakwe kwakholana nʉ khabhɨzya.

Maalika 13:12

“Kʉ khabhalɨlo khanaakho, ʉkhambakʉ akhayɨmʉlonjeelela ʉwamwabho kʉ bhalʉgʉ kʉtɨ bhamʉgoje, uyise akhayɨmʉlonjeelela ʉmwana. Abhaana bhoope bhakhayɨsambʉkha ku bhapaafi bhaabho na kʉbhalonjeelela ɨnga bhabhagoje.

Luuka 21:12

“Zɨnɨɨzyo zyonti we zɨshɨɨlɨ kufumila, abhantʉ bhakhayɨbhalema ɨmwe na kʉbhayɨmvwa. Bhakhayɨbhatwala kʉlongwa mu masinagoogi, na kʉbhakʉnga mwɨ jeela. Khabhɨlɨ mʉkhayɨtwalwa kʉ bhamwene na kʉ bhapɨtɨ abhɨ nsɨ ɨnga mʉlongwe, kʉnongwa ye mwe bhalandati bhaanɨ.