Luuka 9:35 - ULufingo uLupwa

³⁵ Pe bhakhɨmvwa izi kufuma mwɨ bhɨngo lɨkʉtɨ, “Ʉnʉ we Mwana waanɨ we ɨmʉsabhʉʉye, mʉmwɨmvwaje ʉweene!”

Luuka 9:35 ပူးပေါင်းရင်းမြစ်များ

Mataayi 12:18

“Yeenya, umubhombi waanɨ we ɨmʉsabhʉʉye, ʉMʉganwa waanɨ we ʉmwoyo waanɨ wʉkʉmʉseshela. Ɨnhayɨbhɨɨkha uMupepu waanɨ mʉmwakwe, woope akhayɨbhalʉmbɨɨlɨla abhantʉ abhɨ nsɨ zyonti uwulonji waanɨ ʉwa nalyoli.

Mataayi 3:17

Pe izi lya Mʉlʉngʉ kufuma kʉmwanya lɨkhavwɨnha lɨkʉtɨ, “Ʉnʉ we Mwana waanɨ ʉmʉganwa, we ɨnkʉmʉseshela.”

Maalika 1:11

Pe izi lya Mʉlʉngʉ kufuma kʉmwanya lɨkhavwɨnha lɨkʉtɨ, “Ɨwe we Mwana waanɨ ʉmʉganwa, we ɨnkʉkʉseshela.”

Luuka 3:22

uMupepu uMufinjile akhamwishila mu shifwani shɨ nkʉnda. Pe izi lya Mʉlʉngʉ kufuma kʉmwanya lɨkhavwɨnha lɨkʉtɨ, “Ɨwe we Mwana waanɨ ʉmʉganwa, we ɨnkʉkʉseshela.”

Luuka 9:34

UPeeteli we akʉlonga amazwi ganaago, lɨkhɨnza ɨbhɨngo likhabhagubishila, ɨpo pe bhakhoogopa nhaani.

Yookhani 12:28

We Taata, ʉlɨmwamɨshe ɨtaawa lyakho.” Pe izi kufuma kʉmwanya kwa Mʉlʉngʉ lɨkhatɨ, “Nalɨmwamɨkha, khabhɨlɨ ɨntɨlɨmwamɨshe winza.”

Yookhani 3:16

“ɄMʉlʉngʉ ábhaganile abhantʉ bhonti mʉ nsɨ, ye nongwa akhamʉsonteelezya ʉMwana waakwe weeka mwene kwɨnza mʉ nsɨ umu, ɨnga umuntu wowonti we amwɨtɨkha ʉweene, atateegaje, lyoli abhe nu wuumi ʉwa wiila na wiila.

Bhaebulaniya 2:3

Bhʉlɨ, ɨtwe tʉngakhola bhʉlɨɨbhʉlɨ kʉpona ɨnga tʉtakʉwʉsaajɨla uwuposhi ʉwʉpɨtɨ anza wunuuwu? ɄMwene uYeesu wʉʉyo we átalile kʉwʉvwɨnsya uwuposhi wunuuwu, na bhaala bhe bhámutejeleziizye bhakutusimishizya kʉtɨ wanalyoli.

Bhaebulaniya 3:15

UWusimbe uWufinjile wʉkʉlonga kʉtɨ, “Ʉmʉsanyʉʉnʉ, ɨnga mwɨmvwa izi lya Mʉlʉngʉ, mʉtakhabhe na mooyo amagomu, anza bhamaama bhiinyu she bháamɨle.”

Bhaebulaniya 5:9

We amʉbhɨɨkha kʉbha mugolosu kwɨ dala lɨnɨɨlyo, ʉMʉlʉngʉ ámupiiye ʉwʉpɨtɨ ʉwa mupuutili ʉmʉpɨtɨ kʉ shɨkholanyo sha Melikizeedeki. Ɨpo pe akhaabhapa abhantʉ bhonti bhe bhakʉmwɨtɨkha uwuposhi ʉwa wiila na wiila.