Luuka 9:29 - ULufingo uLupwa

²⁹ We akupuuta, akhagalʉnhana pamiiso na menda gaakwe gakhabha mazelu, gakhalama nhaani.

Luuka 9:29 ပူးပေါင်းရင်းမြစ်များ

Mataayi 17:2

Pe we bhalɨ kuula, uYeesu akhagalʉnhana pamiiso pɨlongolela yaabho. Pamiiso yaakwe pakhalama ngatɨ lɨzʉbha, amenda gaakwe gáamɨle mazelu nhaani ngatɨ lʉkhozyo lwɨ zʉbha.

Maalika 16:12

We akhabhalɨlo khaashɨla, uYeesu akhabhaloleshela abhalandati bhaakwe bhabhɨlɨ. Akhalolekhaga alɨ shinji bhʉʉlo, bhakhapootwa kʉmʉmanya. Abhalandati bhaakwe bhaala bháamɨle mwɨ dala, bhakhabhalaga mu vwizi.

Luuka 3:21

UYookhani we ashɨɨlɨ kʉkʉngwa mwɨ jeela, akhabhalɨlo khe akhozyaga abhantʉ abhinji, woope uYeesu akhoozelwa. Pe uYeesu we akupuuta, kʉmwanya kukhiigukha,

Luuka 5:16

Ɨleelo ʉweene akhabhalaga kupuuta ukutali kwe kutali na bhantʉ.

Luuka 6:12

Isiku limo, uYeesu akhabhala mwɨ gamba kupuuta, kʉnʉʉkwo akhapuuta kwa Mʉlʉngʉ uwusiku wonti.

Luuka 9:18

Isiku limo, uYeesu na bhalandati bhaakwe bháamɨle peeka, kukwilu, uYeesu akhapuutaga kwa Mʉlʉngʉ. Pɨlongolela, akhabhabhʉzɨɨlɨzya abhalandati bhaakwe akhatɨ, “Abhantʉ bhakʉtɨ ɨne ne naanu?”

Luuka 9:30

Akhabhalɨlo khanaakho, bhakhafumila abhasakhaala bhabhɨlɨ bhe bhakʉlama mu wumwamu wa Mʉlʉngʉ. Abhasakhaala bhanaabho bháamɨle wʉ Moose nu Eliya, bhakhalongaga nu Yeesu. Bhakhalongaga nawo she atɨmalɨɨlɨzye zye ʉMʉlʉngʉ ásɨbhɨlɨɨye, ɨzya kufwa kwakwe mu Yelusaleemu.

Yookhani 1:14

Izwi wʉnʉʉyo akhabha muntu, akhɨɨkhala peeka nɨɨtwe. Tʉkhawʉlola uwumwamu waakwe, uwumwamu waakwe ʉweene we Mwana we alɨ mwene kwa Taata, khabhɨlɨ alɨ nu wiila nu wanalyoli ku winji.

Mbombo zya Bhasundikwa 6:15

Abhantʉ bhonti bhe bhɨkhaaye mwɨ balaaza liila bhakhamwenya na miiso uSiteefani, bhakhalola kumiiso yaakwe kwakholana nʉ khabhɨzya.

Wukuwi wa Yookhani 20:11

Pe ɨnhalola ɨtengo ɨpɨtɨ izelu ɨlya shɨmwene, ʉMʉlʉngʉ we ayɨkhalɨɨye. Ɨnsɨ na kʉmwanya vɨkhateega panaapo bhʉʉlo pɨlongolela yaakwe, vɨtakhalolekha winza.