Luuka 6:21 - ULufingo uLupwa

²¹ Musayiilwe ɨmwe, mwe mʉlɨ nɨ nzala akhabhalɨlo ɨkha, kʉnongwa ye mukhayiikuta. Musayiilwe ɨmwe, mwe mʉkʉlɨla akhabhalɨlo ɨkha, kʉnongwa ye mʉkhayɨsekha.

Luuka 6:21 ပူးပေါင်းရင်းမြစ်များ

Yookhani 6:35

UYeesu akhabhaamʉla akhatɨ, “Ɨne ne shaakulya she shɨkʉʉbhapa abhantʉ uwuumi ʉwa wiila na wiila. Umuntu wowonti we akwɨnza kʉkwanɨ, te akhaalole naalumo ɨnzala, khabhɨlɨ we akʉnɨɨtɨkha te akhaalole ɨshʉʉmɨlwa naalumo.

Mataayi 5:6

Bhasayiilwe bhe bhalɨ nɨ nzala nɨ shʉʉmɨlwa ɨsha wugolosu, kʉnongwa ye bhanaabho ʉMʉlʉngʉ akhayibhiikusya.

Yaakobo 1:12

Kwashi umuntu ʉla we akujimbiilila mʉ lwɨtɨkho akhabhalɨlo akhɨ ndɨngo, kʉnongwa ye we aatola ɨndɨngo, ʉMʉlʉngʉ akhayɨmʉposheelezya uwuumi ʉwa wiila na wiila. Uwuumi wʉnʉʉwo wʉkhayɨbha we shipambwi shaakwe, anza she ʉMʉlʉngʉ álajile ku bhonti bhe bhamuganile.

Luuka 1:53

Bhe bhalɨ nɨ nzala, abhapiiye ivintu ivwinza, ɨleelo abhɨ shʉʉma ishinji abhabhinjile ɨnyoobhe nyeene.

Mataayi 5:4

Bhasayiilwe bhe bhalɨ nu wuswimiilizu, kʉnongwa ye bhanaabho ʉMʉlʉngʉ akhayibhajinjizya.

Wukuwi wa Yookhani 7:16

Te bhakhaalole ɨnzala naalumo, awe ɨshʉʉmɨlwa, khabhɨlɨ ɨzʉbha te lɨkhabhooshe, awe amafuku.

Luuka 6:25

Mʉsheleeye ɨmwe, mwe mukwikuta akhabhalɨlo ɨkha, kʉnongwa ye mʉkhayɨbha nɨ nzala. Mʉsheleeye ɨmwe, mwe mʉkʉsekha akhabhalɨlo ɨkha, kʉnongwa ye mʉkhayɨyɨlʉmbʉʉzya na kʉlɨla.

1 Bhakolinso 4:11

Poope akhabhalɨlo ɨkha, tʉlɨ nɨ nzala nɨ shʉʉmɨlwa, tulaliliilwe. Tʉkʉkhomwa, khabhɨlɨ tʉtalɨ nʉ wɨɨkhalo.

Yookhani 4:10

UYeesu akhamwamʉla akhatɨ, “Bhanje ʉmanyaje khe ʉMʉlʉngʉ akwanza kuukupa na kʉtɨ wu naanu wʉnʉʉnʉ we akʉkʉlaabha aminzi aga kʉmwela, ɨwe nhanɨ wamʉlaabha, woope angaakupa aminzi aga wuumi.”

Wukuwi wa Yookhani 21:3

Pe ɨnhɨmvwa izi ɨlya kʉdandɨzya kufuma pɨ tengo ɨlya shɨmwene lɨkhatɨ, “Yeenya! Ʉwɨɨkhalo wa Mʉlʉngʉ peeka na bhantʉ. Atɨyɨɨkhale peeka nabho, bhoope bhatɨbhe bhantʉ bhaakwe, woope atɨbhe wʉ Mʉlʉngʉ waabho.

2 Bhakolinso 12:10

Shɨnɨɨsho, ɨnkʉwʉseshela ʉwʉtolwe, kuligwa, kʉlabha na kʉyɨmba, na kweleela kʉnongwa ya Kilisiti. Kʉnongwa ye we ɨndɨ mʉ wʉtolwe pe ɨnkʉbha na makha.

2 Bhakolinso 11:27

Imbombile ɨmbombo ingomu na kʉyɨmba, ingonile amiiso akhinji bhʉʉlo, ɨngoneeye nɨ nzala nɨ shʉʉmɨlwa akhinji bhʉʉlo, ɨntáamɨle ni shaakulya, na kwɨkhala mu mpepu ishitali.

2 Bhakolinso 6:10

She poope tʉswɨmɨlɨɨye, ɨleelo tʉkʉseshela insiku zyonti, she poope twe bhapɨɨna, ɨleelo tubhapiiye uwudumbwe abhantʉ abhinji. Tʉkʉlolekha ngatɨ bhantʉ bhe bhatalɨ nakho naakhamu, fwanɨ tʉlɨ navwo vwonti.

Yookhani 11:35

UYeesu akhalɨla amansozi.

Luuka 6:20

UYeesu akhabheenya abhalandati bhaakwe, akhabhabhʉʉzya akhatɨ, “Musayiilwe ɨmwe, mwe mwe bhapɨɨna, kʉnongwa ye ʉwʉmwene wa Mʉlʉngʉ wiinyu.

Luuka 6:22

Musayiilwe ɨmwe, mwe abhantʉ bhakubhaviitilwa, kubhazila na kubhaliga, na kʉbhalonga kʉtɨ mʉlɨ ni mbiibhi kʉnongwa ye mʉkʉmwɨtɨkha ʉMwana wa Muntu.