Luuka 22:20 - ULufingo uLupwa

²⁰ We bhaamala, uYeesu akheega ɨshɨkoopa, akhamusalifwa ʉMʉlʉngʉ. We akʉʉbhapa, akhatɨ, “Ɨshɨkoopa ishi sha lufingo ulupwa, lwe ʉMʉlʉngʉ atɨbhombe nɨɨmwe kwɨ dala ɨlya kwitikha ɨbhanda lyanɨ kʉnongwa yiinyu.

Luuka 22:20 ပူးပေါင်းရင်းမြစ်များ

Mataayi 26:28

Kʉnongwa ye ili lye lɨbhanda lyanɨ ɨlya lufingo lye likwitikha kʉnongwa ɨya bhantʉ abhinji ɨnga bhatʉʉyɨlwe imbiibhi zyabho.

Maalika 14:24

Akhabhabhʉʉzya akhatɨ, “Ili lɨbhanda lyanɨ lye likwitikha kʉnongwa ya bhantʉ abhinji, likusimishizya ulufingo ʉlwa Mʉlʉngʉ na bhantʉ bhaakwe.

1 Bhakolinso 11:25

We bhaalya akhabhomba shishiila, akheega ɨshɨkoopa ishi divaayi akhatɨ, “Ɨshɨkoopa ishi sha lufingo ulupwa lwe lʉkʉbhombekha mwɨ bhanda lyanɨ. We mʉkʉmwela, mʉbhombaje shɨnɨɨsho kʉnkʉmbʉkha.”

2 Bhakolinso 3:6

Ʉweene we atupiiye amakha aga kʉbha twe bhabhombi abha lufingo ulupwa, lwe lukufuma kwa Mupepu uMufinjile. Ulufingo lʉnʉʉlwo te ndajɨzyo zye zisimbiilwe, kʉnongwa ye ɨndajɨzyo zye zisimbiilwe zɨkʉleeta uwufwe, lyoli uMupepu uMufinjile akʉleeta uwuumi.

Bhaebulaniya 12:24

Mufishile kwa Yeesu, umwimvwanyi ʉwa lufingo ulupwa, we akwɨmvwanya abhantʉ nʉ Mʉlʉngʉ. Ɨbhanda lyakwe lye lyítishile kʉtʉʉyɨla imbiibhi, lye lɨkʉlonga nɨɨtwe amazwi aminza kʉshɨla ɨbhanda ɨlya Abeli lye lɨkhamʉlandʉzya uKaayini.

Bhaebulaniya 13:20

Ishi ʉMʉlʉngʉ ʉwa wutengaanu we amuzyusiizye ʉMwene wɨɨtʉ uYeesu, abhalɨngaanye ɨmwe ku lyolyonti lye lyinza ɨnga mʉbhombaje ɨshɨgane shaakwe. Khabhɨlɨ aabhape amakha aga kʉbhomba zye zɨkʉmʉkhondezya kwɨ dala ɨlya kʉbhakhomaanya ɨmwe nu Yeesu Kilisiti. Ʉweene we Mudiimi ʉMʉpɨtɨ ʉwɨ ngoole, kʉnongwa ye áyifumwizye kʉbha mfinjile, akhafwa ɨnga alusimishizye lʉnʉʉlwo ulufingo lwe lʉtalɨ nʉ wʉmalɨlɨshɨlo kwɨ bhanda lyakwe. ɄMʉlʉngʉ, ʉTaata wɨɨtʉ, ayɨmɨshɨlwaje, wiila na wiila! Zɨbhe shɨnɨɨsho.

Bhaebulaniya 9:15

Kʉnongwa yɨnɨɨyo, uYeesu we mwimvwanyi ʉwa lufingo ulupwa ɨnga bhaala bhe bhabhilishiliilwe bhaposheele uwuumi ʉwa wiila na wiila we wálajiilwe nʉ Mʉlʉngʉ. Kʉnongwa ye uYeesu áfuuye ɨnga abhatʉʉle kufuma mu mbiibhi zyabho zye bhábhombile akhabhalɨlo akha lufingo ʉlwa kwanda.

Bhaebulaniya 9:17

Ɨndajɨlo ɨzya wugaali zɨkʉbhombekha ɨnga we ábhiishile ɨndajɨlo afuuye, ɨleelo zɨtakʉbhombekha ɨnga ʉla we ábhiishile mwumi.