Luuka 2:27 - ULufingo uLupwa

²⁷ Pe uMupepu uMufinjile akhamʉlongola uSimilyoni kʉbhala mwi linga ilyi Nyumba iMfinjile. Woope uYoosefu nu Maliya bhakhamʉtwala uYeesu mwi linga liila, kufumwa imfinjile na kʉmʉbhɨɨkha kwa Mwene, anza she yɨkhalajɨlaga mʉ ndajɨzyo zya Moose.

Luuka 2:27 ပူးပေါင်းရင်းမြစ်များ

Mataayi 4:1

Pe panaapo uYeesu akhalongolwa nu Mupepu uMufinjile kʉbhala mu shilozu ɨnga uSeetani amʉlɨnje.

Luuka 2:22

We khaafikha akhabhalɨlo akha Yoosefu nu Maliya kuyizelufwa, anza she ʉMwene álajiziizye mʉ ndajɨzyo zya Moose, bhakhabhala nʉ mwana ku Yelusaleemu ɨnga bhamʉbhɨɨshe kwa Mwene.

Luuka 2:28

USimilyoni akhamwega ʉmwana ʉla akhamʉpakhatɨla, akhamʉpaala ʉMʉlʉngʉ akhatɨ,

Luuka 2:41

Amanha gonti abhapaafi bha Yeesu bhakhabhalaga ku Yelusaleemu mʉ khabhalɨlo akhi shikulukulu ɨshɨ Pasaaka.

Luuka 2:48

Abhapaafi bhaakwe we bhamʉlola, bhakhaswiga nhaani. Pe unyina waakwe akhamʉbhʉʉzya akhatɨ, “Mwana waanɨ, khooni khe watʉbhomba shiniishi? Yeenya! Ɨne nu yise waakho tweleela nhaani kʉkwanza.”

Luuka 2:51

Pe akhagalʉkha na bhapaafi bhaakwe ku Naazaleti, akhabhatinikhaga. Unyina waakwe akhazɨbhɨɨkha ziniizi zyonti mʉ mwoyo waakwe.

Luuka 4:1

UYeesu akhasogola pa lwizi ʉlwa Yoolodani, akhalongolwaga nu Mupepu uMufinjile. UMupepu uMufinjile akhamʉtwala mu shilozu.

Mbombo zya Bhasundikwa 10:19

We uPeeteli akʉsɨɨbha izyi njozi zɨnɨɨzyo, uMupepu uMufinjile akhamʉbhʉʉzya akhatɨ, “Siimoni, paasɨ ɨpa bhalɨɨpo abhantʉ bhatatʉ bhe bhakʉkwanza.

Mbombo zya Bhasundikwa 11:12

UMupepu uMufinjile akhambʉʉzya kʉtɨ ɨmbale peeka nabho sita kusingaana. Pe ɨnhabhala, peeka na bhamwɨtʉ ʉmʉtanda ɨbha. We twinjila mu nyumba ya Kolineeliyo,

Mbombo zya Bhasundikwa 16:7

We bhaafikha pakaasi pa nyooli ɨya mʉ nsɨ ɨya Misiya nɨ ya Bisiniya, bhakhalɨnjɨzya kwinjila mʉ nsɨ ɨya mu Bisiniya, ɨleelo uMupepu wa Yeesu atakhabhɨtɨshɨzya.

Mbombo zya Bhasundikwa 8:29

Pe uMupepu uMufinjile akhamʉbhʉʉzya uFilipo akhatɨ, “Ʉbhale nalʉbhɨlo ʉlandate ishidodombwi shiila, ushifishile.”

Bhagalatiya 4:4

Ɨleelo akhabhalɨlo khe ʉMʉlʉngʉ ábhatishile we khaafikha, akhamʉsonteelezya ʉMwana waakwe mʉ nsɨ. Akhapaapwa nʉ mwantanda, akhatabhaalwa nɨ ndajɨzyo.

Wukuwi wa Yookhani 1:10

Isiku limo ɨlya Mwene, ɨnhalongolwaga nu Mupepu uMufinjile, ɨnhɨmvwa izi ɨpɨtɨ anzi lyi kakaavu kʉlʉsalo kʉkwanɨ.

Wukuwi wa Yookhani 17:3

Pe uMupepu wa Mʉlʉngʉ akhaniishila, ʉkhabhɨzya akhandongola, akhantwala mu shilozu. Kʉnʉʉkwo ɨnhamʉlola ʉmwantanda apandile pa shɨkhanʉ ishishamamu. Ɨshɨkhanʉ shɨnɨɨsho shásimbiilwe kwonti amataawa aga kʉmʉshoolanya ʉMʉlʉngʉ, sháamɨle na matwe saba nɨ mpembe ishumi.