Luuka 19:38 - ULufingo uLupwa

³⁸ bhakhatɨnjɨ, “Asayiilwe we akwɨnza kwɨ taawa lya Mwene ʉMʉlʉngʉ! Uwutengaanu kʉmwanya nu wumwamu kwa Mʉlʉngʉ we alɨ kʉmwanya.”

Luuka 19:38 ပူးပေါင်းရင်းမြစ်များ

Luuka 13:35

Yeenya, inyumba yiinyu yɨtɨsyale lipongoolwi! Ɨnkʉbhabhʉʉzya kʉtɨ, te mʉkhandole winza paka pe mʉkhayɨlonga kʉtɨ, ‘Asayiilwe we akwɨnza kwɨ taawa lya Mwene ʉMʉlʉngʉ!’”

Mataayi 21:9

Abhantʉ bhe bhálongoleeye kwɨlongolela na bhaala bhe bhakhalandataga kʉlʉsalo kwa Yeesu, bhakhadandɨzyaga kʉkhoolela bhakhatɨnjɨ, “Apalwaje ʉMwana ʉwa shɨkholo sha mwene uDaudi! Asayiilwe we akwɨnza kwɨ taawa lya Mwene ʉMʉlʉngʉ! Apalwaje ʉMʉlʉngʉ ʉwa kʉmwanya!”

1 Peeteli 1:12

ɄMʉlʉngʉ akhabhamanyɨsya abhakuwi bhanaabho kʉtɨ ɨnongwa zye bhakhakʉwaaga zɨtakhabhavwaga abheene, lyoli ɨmwe. Ziila zye bhálonjile zye bhábhamanyisiizye ɨmwe. Zɨnɨɨzyo zye mwálumbiliilwe na bhaala bhe bhábhalʉmbɨlɨɨye iNtumi iNyinza kʉ zya Yeesu Kilisiti. Bhoope bhábhalʉmbɨlɨɨye kʉ makha ga Mupepu uMufinjile we ʉMʉlʉngʉ ámusonteleziizye kufuma kʉmwanya. Ɨnongwa zɨnɨɨzyo zye bhoope abhakhabhɨzya bhakʉyɨgana nhaani kʉzɨmanya.

1 Tiimoti 1:17

ɄMʉlʉngʉ wʉ Mwene ʉwa wiila na wiila, te akhaafwe naalumo. Atalɨɨpo umuntu we angakhola kʉmʉlola ʉMʉlʉngʉ, atalɨɨpo ʉMʉlʉngʉ uwunji nʉʉmo. Wʉʉyo mwene we akhondeeye kʉposheela ulushindikho nu wumwamu wiila na wiila, zɨbhe shɨnɨɨsho!

Bhaefeeso 1:12

Ábhombile shɨnɨɨsho ɨnga ɨtwe twe twe bha kwanda kʉmʉsʉʉbhɨla uKilisiti, kʉtɨ tʉmʉpaalaje ʉMʉlʉngʉ kʉnongwa ya wumwamu waakwe.

Mataayi 25:34

“Pe ʉMwene akhayɨbhabhʉʉzya bhaala bhe bhalɨ kʉmbalɨ yaakwe ɨya kʉndɨɨlo akhayɨtɨ, ‘Nzaaji, mwe musayiilwe nʉ Taata waanɨ. Yinjilaji mʉ wʉmwene we ʉTaata waanɨ álinganyiinye nzɨɨla kufuma pe ɨnsɨ yápeliilwe.

Bhaefeeso 1:6

Pe shɨnɨɨsho, tʉmʉpaalaje ʉMʉlʉngʉ kʉnongwa ya wiila waakwe ʉwa wumwamu we átusayile kwɨ dala ɨlya Mwana waakwe ʉmʉganwa.

Bhaluumi 5:1

Pe shɨnɨɨsho, kʉnongwa ye ʉMʉlʉngʉ atubhaziizye kʉtɨ twe bhagolosu kufumilana na kʉmwɨtɨkha ʉweene, tʉlɨ nu wutengaanu nawo kwɨ dala ɨlya Mwene wɨɨtʉ uYeesu Kilisiti.

Bhakolosaayi 1:20

Khabhɨlɨ kwɨ dala ɨlya Yeesu, ʉMʉlʉngʉ akwɨmvwanya ivintu vwonti na wʉʉyo, ivintu vwe vɨlɨ mʉ nsɨ umu awe vwe vɨlɨ kʉmwanya. Kwe kʉtɨ ábhiishile uwutengaanu kʉshɨlɨla kwɨ bhanda lya Yeesu, lye lyítishile pa shɨkhobhenhanyo.

Bhaefeeso 3:21

Tʉmʉpaalaje ku wumwamu waakwe we wʉkʉlolekha mʉ shɨbhanza na mwa Yeesu Kilisiti. Ku vipaafi vwonti, wiila na wiila! Zɨbhe shɨnɨɨsho.

Bhaefeeso 3:10

Ɨleelo ishi kwɨ dala ɨlya shɨbhanza ɨnjeele ya Mʉlʉngʉ ye yɨlɨ ɨshɨkholo ishinji yɨmanyɨshe kʉ bhapɨtɨ na kʉ bha waamʉlo kʉ nsɨ ye yɨtakʉlolekha pamiiso amazelu.

Mataayi 2:2

Bhakhabhʉzɨɨlɨzya bhakhatɨ, “Alɨ kwoshi we apapiilwe kʉbha wʉ Mwene ʉwa Bhayahuudi? Tumanyile kʉtɨ apapiilwe, kʉnongwa ye tuyilolile ɨnzota yaakwe kuwutukulo ye yɨkʉlolesya kʉpaapwa kwakwe. Nɨɨtwe twinzile kumupuuta.”

Mataayi 25:40

Pe ʉMwene akhayɨbhaamʉla akhayɨtɨ, ‘Nalyoli ɨnkʉbhabhʉʉzya, lyolyonti lye mwámʉbhombeeye weeka mʉ bhanholo bhaanɨ ɨbha bhashe, mwámbombeeye neene.’