Luuka 1:79 - ULufingo uLupwa

⁷⁹ twenti twe tʉlɨ mu khiisi akha wufwe, na kʉtʉlongola mwɨ dala ɨlya wutengaanu.”

Luuka 1:79 ပူးပေါင်းရင်းမြစ်များ

Mataayi 4:16

Abhantʉ bhaala bhe bhakwɨkhala mu khiisi akhi mbiibhi, bhalʉlola ʉlʉkhozyo ʉlʉpɨtɨ, khabhɨlɨ bhe bhakwɨkhala mʉ nsɨ, na mu khanzundila akha wufwe, ʉlʉkhozyo lubhalamiziizye.”

Mbombo zya Bhasundikwa 26:18

ɨnga ubhiigule amiiso gaabho, bheepe mu khiisi na mʉ makha ga Seetani, bhinjile mʉ lʉkhozyo lwa Mʉlʉngʉ. Shɨnɨɨsho she bhatɨtʉʉyɨlwe imbiibhi zyabho, bhatɨbhe peeka na bhanjɨ bhonti bhe bhazelufwe kwɨ dala ɨlya kʉnɨɨtɨkha ɨne.’

Bhaefeeso 5:8

Ɨmaandɨ ɨmwe mwámɨle mu khiisi, ɨleelo ishi mwabha mwe bha lʉkhozyo kʉnongwa ye mʉlɨ nʉ wʉpeeka nʉ Mwene uYeesu. Pe shɨnɨɨsho mwɨkhalaje anza bhantʉ abha mʉ lʉkhozyo.

Yookhani 12:46

Ɨne ne lʉkhozyo, nɨɨne ininzile mʉ nsɨ ɨnga bhonti bhe bhakʉnɨɨtɨkha, bhatasyalaje mu khiisi.

Yookhani 8:12

Pe uYeesu akhabhabhʉʉzya winza abhantʉ bhaala akhatɨ, “Ɨne ne lʉkhozyo lwɨ nsɨ, umuntu wowonti we akʉndandata, te ajendaje mu khiisi naalumo, lyoli atɨbhe nʉ lʉkhozyo lwe lʉkʉʉbhapa abhantʉ uwuumi.”

Yookhani 9:5

Akhabhalɨlo khe ɨndɨ mʉ nsɨ, ɨne ne lʉkhozyo kʉ bhantʉ bhonti.”

Yookhani 1:9

Wʉnʉʉyo we lʉkhozyo ʉlwa nalyoli, we áyinzile mʉ nsɨ kʉbhakhozezya abhantʉ bhonti.

Luuka 2:32

Wʉnʉʉnʉ atɨbhe lʉkhozyo ʉlwa kʉmʉlolesya ʉMʉlʉngʉ kʉ bhe te Bhayahuudi, khabhɨlɨ atɨleetaje uwumwamu kʉ bhantʉ bhaakho aBhaisilaeli.”

Bhaluumi 3:17

Bhatalimanyile ɨdala ɨlya kwɨkhala mu wutengaanu.”

Mbombo zya Bhasundikwa 10:36

Ɨmwe mumanyile kʉtɨ ʉMʉlʉngʉ ásonteleziizye abhantʉ bhaakwe kʉbhalʉmbɨɨlɨla aBhaisilaeli iNtumi iNyinza, kʉtɨ bhawaaje uwutengaanu mwa Yeesu Kilisiti, ʉMwene wa bhantʉ bhonti.