Luuka 1:7 - ULufingo uLupwa

⁷ Bhatáamɨle na bhaana, kʉnongwa ye uElisabeeti áamɨle mʉlʉʉjɨ, khabhɨlɨ bháamɨle bhagoosi.

Luuka 1:7 ပူးပေါင်းရင်းမြစ်များ

Luuka 1:5

Mu nsiku zye uHeloodi áamɨle wʉ mwene mʉ nsɨ ɨya Yudeeya, álɨɨpo umupuutili ʉmo we bhakhatɨnjɨ uZakaliya, kufuma mʉ shɨpʉga ɨsha shipuutili ɨsha Abiya. Ʉmʉshɨ waakwe bhakhatɨnjɨ uElisabeeti, áfumile mʉ shɨkholo ɨsha shipuutili ɨsha Aaloni.

Luuka 1:6

UZakaliya nu Elisabeeti bháamɨle bhagolosu pamiiso ga Mʉlʉngʉ, bhakhalandataga akhinza ɨndajɨzyo zyonti ɨzya Mʉlʉngʉ.

Luuka 1:8

Kwámɨle nu wutengulizu ʉwa kʉbhomba ɨmbombo aPafinjile mu Nyumba iMfinjile. Mu wutengulizu wʉnʉʉwo, kháamɨle khabhalɨlo kha shɨpʉga sha Abiya. Isiku limo, abhapuutili abha shɨpʉga shɨnɨɨsho, anza she yáamɨle mwata yaabho, bhakhamʉkhomela ɨkʉʉla uZakaliya kwinjila aPafinjile panaapo apa Mʉlʉngʉ, ɨnga atukulushizye pa shɨgemo ivintu vwe vikununshiilila umununsi umwinza.

Bhaluumi 4:19

UAbulahaamu we akʉposheela intumi zɨnɨɨzyo pamu áamɨle na manha imia yeeka (100). Ámanyile kʉtɨ ʉmʉbhɨlɨ waakwe wáamɨle ngatɨ wufuuye, khabhɨlɨ woope ʉmʉshɨ waakwe ʉSaala áamɨle mʉlʉʉjɨ. Ɨleelo peeka na lɨnɨɨlyo ʉlwɨtɨkho lwakwe lʉtáamɨle ɨtende.

Bhaebulaniya 11:11

Kʉ lwɨtɨkho, ʉSaala áyitishile kʉtɨ ʉMʉlʉngʉ akʉkwɨlɨzya zye alajile. ɄSaala akhasaywa kʉbha pa wumwamu she poope áshiziizye amanha aga kʉbha nʉ mwana, khabhɨlɨ áamɨle mʉlʉʉjɨ.