Bhafiliipi 2:20 - ULufingo uLupwa

²⁰ Kʉnongwa ye ɨntalɨ nu muntu uwunji we akʉbhasaajɨla anzʉ weene.

Bhafiliipi 2:20 ပူးပေါင်းရင်းမြစ်များ

Yookhani 10:13

Ʉweene atakʉsaajɨla naakhamu kʉ zyɨ ngoole, kʉnongwa ye ʉweene wa kʉposheela.

Yookhani 12:6

ɄYʉʉda álonjile shɨnɨɨsho te kʉnongwa ɨya kʉbhasaajɨla abhapɨɨna, lyoli kʉnongwa ye áamɨle mwibha. Ʉweene we akhabhɨɨkhaga imbuguuli ɨyɨ nhela, akhabhalɨlo akhinji akhiibhaga ɨnhela zye zyámɨle mʉmwo.

Bhaluumi 15:5

ɄMʉlʉngʉ we akuutupa ʉmwoyo ʉwa kujimbiilila na kujinjila, abhabhɨɨshe mʉbhe nʉ wʉpeeka, kwɨ dala ɨlya kwenyezya ɨshɨkholanyo sha Yeesu Kilisiti.

1 Bhakolinso 16:10

UTiimoti ɨnga ayɨnza kukwinyu, mʉkhamʉposheelaje ayɨkhalaje akhinza sita lyoga, kʉnongwa ye woope akʉbhomba ɨmbombo ya Mwene anzɨɨne she ɨnkʉbhomba.

Bhafiliipi 2:2

Ishi mʉkwɨlɨzyaje ʉlʉseshelo lwanɨ, kwɨ dala ɨlya kʉbha nʉ lwɨmvwano, ʉlʉgano, ʉmwoyo weeka, nɨ nsɨɨbho yeeka.

Bhafiliipi 2:22

Ɨmwe mʉneemwe mumanyile uwudandamazu nɨ njendo inyinza ɨzya Tiimoti, kʉtɨ ábhombile ɨmbombo ɨya kʉlʉmbɨɨlɨla iNtumi iNyinza peeka nɨɨne, anzʉ mwana we akʉbhomba ɨmbombo nu yise waakwe.

Bhakolosaayi 4:11

Woope uYeesu we bhakʉtɨ uYusito, akʉbhalamʉkha. Mukaasi mu Bhayahuudi bhe bhamwitishile uYeesu, bhanaabha bheene bhe bhakʉbhomba ɨmbombo ɨya wʉmwene wa Mʉlʉngʉ peeka nɨɨne. Bhanaabho bhakʉnaavwa nhaani ɨne.

1 Tiimoti 1:2

Ɨne inkukusimbila ɨwe Tiimoti, wʉmwana waanɨ nalyoli mʉ lwɨtɨkho. ɄTaata ʉMʉlʉngʉ nʉ Mwene wɨɨtʉ uYeesu Kilisiti, bhakʉlolelaje uwiila ni shisa, na kuukupa uwutengaanu.

1 Tiimoti 4:6

Ganaago, ɨnga wabhabhʉʉzya abhanholo bhɨɨtʉ mʉ lwɨtɨkho, pe ʉtɨbhe we mubhombi umwinza ʉwa Yeesu Kilisiti. Khabhɨlɨ we uleliilwe akhinza mʉ manyɨzyo inyinza zye ʉkʉzyɨtɨkha na kʉzɨlandata.

2 Tiimoti 1:5

Ɨnkʉkʉmbʉkha she umwitishile ʉMʉlʉngʉ sita nsolo, anza she ʉmaama waakho uLoisi, nu nyina waakho uEunike bhoope bhamwitishile. Ishi ɨndɨ nu lusimishizyo kʉtɨ, shɨnɨɨsho she nɨɨwe ʉlɨ.

2 Tiimoti 3:10

Ɨleelo ɨwe, ʉkhalandataga ɨmanyɨzyo zyanɨ. Umanyile akhinza shishiila she ɨne nʉneene ɨnkwɨkhala, peeka nɨ nsɨɨbho zyanɨ. Umanyile nɨ zya lwɨtɨkho lwanɨ, uwujimbiilizu waanɨ, ʉlʉgano lwanɨ, na kʉyɨgomwa kwanɨ.