Bhaefeeso 5:20 - ULufingo uLupwa

²⁰ Khabhɨlɨ mumusalifwaje ʉTaata ʉMʉlʉngʉ insiku zyonti, ku zyonti, kwɨ taawa lya Mwene wɨɨtʉ uYeesu Kilisiti.

Bhaefeeso 5:20 ပူးပေါင်းရင်းမြစ်များ

Yookhani 15:16

Te mwemwe mwe mwánsebhile ɨne, lyoli neene nábhasebhile ɨmwe na kʉbhasonteelezya mʉbhale mwelaje amatunda, ge gakʉdɨɨla. Woope ʉTaata waanɨ atɨbhapanje khokhonti khe mʉtɨmʉlaabhaje kwɨ taawa lyanɨ.

Mbombo zya Bhasundikwa 5:41

Abhasundikwa bhaala bhakhasogola mwɨ balaaza lya bhasongo kumo bhashiiye, kʉnongwa ye ʉMʉlʉngʉ álolile kʉtɨ bhayiiye kʉshoolanywa kʉ zyɨ taawa lya Yeesu.

Bhaluumi 1:8

Kʉwandɨlo, inkumusalifwa ʉMʉlʉngʉ kwɨ dala ɨlya Yeesu Kilisiti kʉnongwa yiinyu ɨmwe mwenti, kʉnongwa ye intumi ɨzya lwɨtɨkho lwinyu zivwinshile mʉ nsɨ zyonti.

1 Bhakolinso 1:4

Inkumusalifwa ʉMʉlʉngʉ waanɨ insiku zyonti kʉnongwa yiinyu, kʉnongwa ya wiila waakwe we abhapiiye kwɨ dala ɨlya Yeesu Kilisiti.

1 Bhakolinso 15:24

Ɨpo pe ʉwʉmalɨlɨshɨlo wʉkhayɨnza, pe uKilisiti akhayiimupa ʉMʉlʉngʉ ʉTaata ʉwʉmwene waakwe, we aayazya ʉwʉmwene wonti na makha gonti na bha waamʉlo bhonti.

Bhaefeeso 5:4

Khabhɨlɨ mʉtalongaje amazwi agi nsoni, ɨnongwa ɨzya shɨlema, awe amatona. Zyonti zɨnɨɨzyo zɨtakhondeeye kukwinyu. Lyoli mumusalifwaje ʉMʉlʉngʉ akhabhalɨlo khonti.

Bhafiliipi 1:3

Inkumusalifwa ʉMʉlʉngʉ waanɨ kʉnongwa yiinyu akhabhalɨlo khonti khe nabhakʉmbʉkha.

Bhafiliipi 4:6

Mʉtayɨyɨmvwaje ku lyolyonti, mʉmʉlaabhaje ʉMʉlʉngʉ na kusalifwa, vwe mʉkwanza vɨmanyɨshe kwa Mʉlʉngʉ.

Bhakolosaayi 3:17

Zyozyonti zye mʉkʉlonga, awe kʉbhomba, bhombaji zyonti kwɨ taawa lya Mwene uYeesu, na kumusalifwa ʉTaata ʉMʉlʉngʉ kʉshɨlɨla kʉkwakwe.

1 Bhatesalonike 3:9

Tungamusalifwa ʉMʉlʉngʉ na khantʉ khooni kʉ zya lwɨtɨkho lwinyu? Tʉkʉlonga shɨnɨɨsho kʉnongwa ye tʉlɨ nʉ lʉseshelo ʉlʉpɨtɨ pamiiso ga Mʉlʉngʉ kʉnongwa yiinyu.

1 Bhatesalonike 5:18

Mumusalifwaje ʉMʉlʉngʉ ku zyonti, zɨnɨɨzyo zye akwanza mʉbhombaje, kʉnongwa ye mupatinhiine nu Yeesu Kilisiti.

2 Bhatesalonike 1:3

Bhanholo bhɨɨtʉ mʉ lwɨtɨkho, tʉkhondeeye kumusalifwa ʉMʉlʉngʉ insiku zyonti kʉnongwa yiinyu. Tʉkhondeeye kʉbhomba shɨnɨɨsho kʉnongwa ye ʉlwɨtɨkho lwinyu lʉkʉkʉla nhaani, nʉ lʉgano lwinyu ku bhamwinyu lʉkwonjela nhaani.

2 Bhatesalonike 2:13

Ɨleelo ɨtwe tʉkhondeeye kumusalifwa ʉMʉlʉngʉ insiku zyonti kʉnongwa yiinyu ɨmwe mʉbhanholo bhɨɨtʉ mʉ lwɨtɨkho, mwe ʉMwene abhaganile. Tukumusalifwa ʉMʉlʉngʉ kʉnongwa ye ábhasebhile kufuma kʉwandɨlo ʉwa kʉpelwa vwonti mʉposheele uwuposhi kʉnongwa ye uMupepu uMufinjile abhazelufwizye, khabhɨlɨ mʉkwɨtɨkha uwanalyoli.

Bhaebulaniya 13:15

Ishi tʉmʉpaalaje ʉMʉlʉngʉ na kʉvwɨnsya uwumwamu waakwe akhabhalɨlo khonti. Kʉnongwa ye lɨnɨɨlyo lye lɨdala ɨlya kumufumwizya imfinjile zyɨtʉ kʉshɨlɨla kwa Yeesu.

1 Peeteli 2:5

pe nɨɨmwe ʉMʉlʉngʉ akʉbhabhombela anza mawe aga wuumi kʉzenga inyumba ɨya shifinjile. Ɨmwe mwe bhapuutili abhafinjile mwe mukufumwa imfinjile ɨzya shifinjile zye zɨkʉmʉkhondezya ʉMʉlʉngʉ kʉ makha ga Yeesu Kilisiti.

1 Peeteli 4:11

Wowonti we alɨ nɨ shɨkʉnjɨlwa ɨsha kʉlonga, alongaje ngatɨ muntu we ʉMʉlʉngʉ amusonteleziizye. Woope we alɨ nɨ shɨkʉnjɨlwa ɨsha kwavwa, abhavwaje abhamwabho kʉ makha ga Mʉlʉngʉ. Kwɨ dala liniili ʉMʉlʉngʉ angapaalwa mu zyonti kʉnongwa ya Yeesu Kilisiti, we alɨ nu wumwamu na makha wiila na wiila. Zɨbhe shɨnɨɨsho.