Bhaefeeso 4:32 - ULufingo uLupwa

³² Mʉbhombelanaje inyinza mʉneemwe na mʉneemwe, mʉbhe ni shisa, mʉtʉyɨlanaje anza she ʉMʉlʉngʉ ábhatʉyɨɨye kwɨ dala lya Kilisiti.

Bhaefeeso 4:32 ပူးပေါင်းရင်းမြစ်များ

Maalika 11:25

Nɨɨmwe we mʉkwɨmɨɨlɨla kupuuta, mʉmʉtʉyɨlaje umuntu wowonti ʉla we abhabhombeeye imbiibhi zimo. Kʉkhonzya shɨnɨɨsho kwe kʉkʉmʉbhɨɨkha uYise wiinyu ʉwa kʉmwanya woope abhatʉyɨlaje imbiibhi zyinyu.” [

2 Bhakolinso 2:10

Ɨleelo ɨnga mʉkʉmʉtʉʉyɨla umuntu wʉnʉʉyo, nɨɨne ɨnkʉmʉtʉʉyɨla. Kʉnongwa ye ɨnga kʉlɨ nɨ lya kʉmʉtʉʉyɨla umuntu, ɨmʉtʉyɨɨye pamiiso ga Kilisiti kʉnongwa yiinyu,

Bhaefeeso 5:1

Pe shɨnɨɨsho, mwenyezyaje kwa Mʉlʉngʉ, kʉnongwa ye mwe bhaana bhaakwe abhaganwa.

Luuka 6:35

“Lyoli ɨmwe, mʉbhaganaje abhalʉgʉ bhiinyu na kʉbhabhombela inyinza. Mʉbhapabhɨlaje, sita kʉsʉʉbhɨla kʉtɨ bhatɨbhagalʉshɨzye. Ɨnga mwabhomba zɨnɨɨzyo, ʉMʉlʉngʉ akhayɨbhasomba ivwinji. Khabhɨlɨ mʉkhayɨbha mwe bhaana bha Mʉlʉngʉ ʉMʉpɨtɨ ʉwa kʉmwanya, kʉnongwa ye ʉweene akʉbhabhombela inyinza bhe bhatakusalifwa na kʉ bhabhomba mbiibhi.

Luuka 6:37

“Mʉtabhalongaje abhanjɨ, pe nɨɨmwe te mʉkhalongwe nʉ Mʉlʉngʉ. Mutabhabhunaje abhanjɨ, pe nɨɨmwe te mukhaabhunwe. Mʉbhatʉyɨlaje abhanjɨ, pe nɨɨmwe mʉkhayɨtʉʉyɨlwa.

1 Bhakolinso 13:4

Ʉlʉgano lukujimbiilila, ʉlʉgano lʉkwavwa, ʉlʉgano lʉtalɨ nʉ mwone, ʉlʉgano lʉtalɨ na mabaado, khabhɨlɨ lʉtalɨ na malʉlɨ.

Luuka 17:4

Poope ɨnga akʉbhombela akhabhiibhi khabhɨlɨ khabhɨlɨ kwi siku lyeka, na kʉgalʉkha kʉkwakho khabhɨlɨ khabhɨlɨ akʉtɨ, ‘Ntʉʉyɨle,’ ɨwe ʉmʉtʉyɨlaje.”

Mataayi 6:12

Ʉtʉtʉʉyɨle imbiibhi zyɨtʉ, anza she nɨɨtwe tʉkʉbhatʉʉyɨla bhe bhakʉtʉbhombela amabhiibhi.

1 Yookhani 2:12

Inkubhasimbila ɨmwe mʉbhaana abhansi, kʉnongwa ye imbiibhi zyinyu zituyiliilwe nu Yeesu Kilisiti.

Bhaluumi 12:10

Mʉgananaje mʉneemwe na mʉneemwe anza bhanholo. Umuntu weeka weeka ayɨkʉngʉlaje kumutinikha ʉwamwabho.

1 Yookhani 1:9

Ɨleelo, ɨnga twɨtɨkha kʉtɨ tubhombile imbiibhi, ʉMʉlʉngʉ atɨtʉtʉʉyɨle na kutuzelufwa uwubhiibhi wonti, kʉnongwa ye ʉweene musunde, khabhɨlɨ mugolosu.

2 Bhakolinso 2:7

Khe khasyalile, kwashi ɨmwe kʉmʉtʉʉyɨla umuntu wʉnʉʉyo, na kumujinjizya ʉmwoyo ɨnga atakhaswɨmɨɨlɨle nhaani na kʉkhatampa.

Yaakobo 5:11

Anza she mumanyile, tʉkʉtɨ bhasayiilwe abhantʉ bhe bhajimbiliiye. Mwimvwizye uwujimbiilizu wa Ayuubu, na she ʉMwene ámwavwizye. ɄMwene alɨ ni shisa nu wiila.

2 Bhakolinso 6:6

Khabhɨlɨ tʉkʉlolesya twe bhabhombi bha Mʉlʉngʉ kʉ mwoyo umuzelu, mʉ wʉbhaazye, uwujimbiilizu, nu wuteti, kwɨ dala ɨlya kʉlongolwa nu Mupepu uMufinjile, kʉ lʉgano lwe lʉtalɨ ni shisa ɨshɨ lenga.

Luuka 11:4

Ʉtʉtʉʉyɨle imbiibhi zyɨtʉ, kʉnongwa ye nɨɨtwe tʉkʉbhatʉʉyɨla bhe bhakʉtʉbhombela amabhiibhi. Ʉtʉlongolaje ɨnga tutakhinjile mʉ ndɨngo, [lyoli ʉtʉposhe kwa mʉbhomba mbiibhi uSeetani].’ ”

Luuka 1:78

Kʉnongwa ye ʉMʉlʉngʉ wɨɨtʉ alɨ ni shisa kʉkwɨtʉ, ʉlʉkhozyo lwakwe kufuma kʉmwanya lwandile kʉtʉlamɨla,

2 Peeteli 1:7

Ulushindikho lwinyu lʉbhe nu wumanyani ʉwa shɨnholo, nu wumanyani wiinyu ʉwa shɨnholo wʉbhe nʉ lʉgano.

Mbombo zya Bhasundikwa 28:2

Abhakhaaya abha papaala bhakhatʉposheela akhinza nhaani, she poope bhatátumanyile. Bhakhatʉpembela ʉmwoto, bhakhatɨ twotaje, kʉnongwa ye kwámɨle ni mpepu, khabhɨlɨ imvula yɨkhatoonyaga.