Bhaebulaniya 7:14 - ULufingo uLupwa

¹⁴ Kʉnongwa ye yimanyishile kʉtɨ ʉMwene wɨɨtʉ uYeesu áfumiiye ɨshɨkholo sha Yʉʉda, nʉ Moose we akhalongaga kʉ zya bhapuutili, atáshiteshile ɨshɨkholo shɨnɨɨsho.

Bhaebulaniya 7:14 ပူးပေါင်းရင်းမြစ်များ

Mataayi 2:6

‘Ɨwe Beteleheemu mʉ nsɨ ɨya Yʉʉda, we mʉpɨtɨ mʉ bhapɨtɨ abha mʉ Yʉʉda, kʉnongwa ye mʉmwakho akhayifuma ʉmʉpɨtɨ, we akhayibhadiima abhantʉ bhaanɨ aBhaisilaeli.’”

Luuka 1:43

Ɨne ne naanu ne unyina wa Mwene waanɨ ayinzile kʉkwanɨ?

Luuka 3:33

uNaashoni áamɨle mwana wa Aminadaabu, uAminadaabu áamɨle mwana wa Adimiini, uAdimiini áamɨle mwana wa Aalamu, uAalamu áamɨle mwana wa Hezelooni, uHezelooni áamɨle mwana wa Peleesi, uPeleesi áamɨle mwana wa Yʉʉda,

Yookhani 20:13

Abhakhabhɨzya bhanaabho bhakhamʉbhʉzɨɨlɨzya bhakhatɨ, “We maayɨ, ʉkʉlɨla khooni?” Woope akhabhaamʉla akhatɨ, “Ɨnkʉlɨla kʉnongwa ye bhefwizye ivimba lya Mwene waanɨ, khabhɨlɨ intamanyile kwe bhalibhiishile!”

Yookhani 20:28

UToomasi akhamwamʉla akhatɨ, “Mwene waanɨ, Mʉlʉngʉ waanɨ!”

Bhaluumi 1:3

Zɨnɨɨzyo ntumi ɨzya Mwana waakwe we ɨshɨmʉbhɨlɨ ápapiilwe mʉ shɨkholo sha mwene uDaudi.

Bhaluumi 2:3

Ɨleelo, ɨwe wamwɨtʉ, we ʉkʉmʉlonga uwamwinyu kumo nɨɨwe ʉkʉbhomba imbiibhi zɨnɨɨzyo, bhʉlɨ ʉkʉtɨ ʉkhayɨselenga uwulonji wa Mʉlʉngʉ?

Bhaefeeso 1:3

Apalwaje ʉMʉlʉngʉ, ʉTaata wa Mwene wɨɨtʉ uYeesu Kilisiti. Kwe kʉtɨ atusayile kʉ nsayo zyonti ɨzya shifinjile kwɨ dala ɨlya kʉpatɨnhana nu Kilisiti, kʉ nsɨ ye yɨtakʉlolekha pamiiso amazelu.

Bhafiliipi 3:8

Nalyoli te zɨnɨɨzyo nyeene khaala, lyoli ɨnkʉzɨlola zyonti kʉtɨ zɨtakwavwa naakhamu, kʉnongwa ya winza ʉwa kʉmʉmanya nhaani uYeesu Kilisiti, ʉMwene waanɨ. Kʉnongwa ya Yeesu wʉnʉʉyo, initishile kʉvɨlekha vwonti. Ɨnkʉvɨlola vwonti vɨnɨɨvwo ngatɨ mavi ɨnga ɨmʉmanye akhinza uKilisiti.

Bhaebulaniya 7:13

Ishi ʉla we akʉlongwa ɨpa wu Yeesu, ʉweene atáamɨle muntu wa shɨkholo sha Laawi. Atalɨɨpo umuntu ʉwa shɨkholo shaakwe we ámʉbhombeeye ʉMʉlʉngʉ kwɨ dala ɨlya kumufumwizya imfinjile pa shɨgemo.

Bhaebulaniya 7:15

Khabhɨlɨ ganaaga ge tʉkʉlonga ishi galɨ apazelu nhaani, kʉnongwa ye afumiiye umupuutili ʉwamwabho anzu Melikizeedeki.

Wukuwi wa Yookhani 22:16

“Ɨne ne Yeesu, imusonteleziizye ʉkhabhɨzya waanɨ kʉbhabhʉʉzya ɨmwe intumi izi mʉ vɨbhanza. Ɨne ne mʉpaapɨlwa wa shɨkholo sha mwene uDaudi, ɨnzota yiila ye yɨkʉlama nhaani shɨlaabhɨla.”

Wukuwi wa Yookhani 5:5

Pe ʉmo mʉ bhasongo bhaala akhambʉʉzya akhatɨ, “Pʉʉma ʉtalɨlaje! Yeenya, ɨNsama ɨya shɨkholo sha Yʉʉda, mʉ shɨkholo sha mwene uDaudi, we atolile ibho. Ʉweene we akhondeeye kʉbazʉla ganaago amanhuuli saba, na kugubula ishitaabu shɨnɨɨsho.”