Bhaebulaniya 7:1 - ULufingo uLupwa

¹ Wʉnʉʉyo uMelikizeedeki áamɨle wʉ mwene ʉwa mʉ nhaaya ɨya mu Saleemu, khabhɨlɨ áamɨle mupuutili wa Mʉlʉngʉ ʉMʉpɨtɨ ʉwa kʉmwanya. Akhabhala kʉmʉposheela uAbulahaamu we akʉgalʉkha kufuma kʉ wʉlʉgʉ ʉwa kulwa we abhatola abhamwene bhani, akhamʉsaya.

Bhaebulaniya 7:1 ပူးပေါင်းရင်းမြစ်များ

Maalika 5:7

We uYeesu amʉlola, akhalɨbhʉʉzya ipepu lye lyámɨle mʉmwakwe akhatɨ, “Yeepa mwa muntu ʉnʉ!” Pe umuntu ʉla akhakhoola kwi zi ɨlya kʉdandɨzya akhatɨ, “Ʉlɨ na khooni nɨɨne Yeesu, Mwana wa Mʉlʉngʉ ʉMʉpɨtɨ ʉwa kʉmwanya? Ɨnkʉkʉlaabha kwɨ taawa lya Mʉlʉngʉ kʉtɨ ʉtanjɨmvwaje.”

Mbombo zya Bhasundikwa 16:17

Ʉmʉlɨndʉ wʉnʉʉyo akhatʉlandataga ɨtwe nʉ Paʉlo, kumo akuzingula ɨshongo akʉtɨ, “Abhantʉ ɨbha bhabhombi bha Mʉlʉngʉ ʉMʉpɨtɨ ʉwa kʉmwanya, bhakʉbhalʉmbɨɨlɨla ɨdala lye mʉngayɨtʉʉla!”

Bhaebulaniya 6:20

UYeesu atʉtangʉlɨɨye kwinjila panaapo kʉnongwa yɨɨtʉ. Woope we mupuutili ʉmʉpɨtɨ ʉwa wiila kʉ shɨkholanyo sha Melikizeedeki.

Bhaebulaniya 7:2

Woope uAbulahaamu áfumwizye sheeka mwi shumi mu vintu vwonti vwe áfwulile kʉ wʉlʉgʉ ʉwa kulwa akhaamupa uMelikizeedeki. Ɨtaawa liniili Melikizeedeki, kwe kʉtɨ, “Ʉmwene ʉwa Wugolosu.” Khabhɨlɨ bhakʉtɨ wʉ mwene ʉwa Saleemu, kwe kʉtɨ, “Ʉmwene ʉwa Wutengaanu.”

Bhaebulaniya 7:3

Uyise nu nyina wa Melikizeedeki bhatakʉmanyɨkha, khabhɨlɨ atalɨɨpo we amanyile ɨshɨkholo shaakwe. Yɨtakʉmanyɨkha kʉpaapwa kwakwe awe kufwa kwakwe. Ʉweene mupuutili wiila, anzʉ Mwana wa Mʉlʉngʉ.

Bhaebulaniya 7:6

Ɨleelo wʉnʉʉyo uMelikizeedeki atáamɨle shɨkholo sha Laawi, poope shɨnɨɨsho áyeejile sheeka mwi shumi kufuma kwa Abulahaamu. Khabhɨlɨ ámusayile uAbulahaamu we áamɨle nʉ mʉlajɨ kufuma kwa Mʉlʉngʉ.